影片
營業時間
星期一至四
11:30 - 23:00
星期五至日
10:00 - 23:00
以上資料只供參考, 請與餐廳確認詳情
招牌菜
替朋友慶生,定於屯門 流金歲月,每次都擦身而過,今次正式去食喇。晚市 85折呢~
繼續閱讀
今日難得一家人都有時間就定左今日食團年飯本來訂左台係食七點鐘甘我地早到左就想問佢地可唔可以提早入去坐低(當時大約係六點四十五分)點知個Staff話如果我地提早入去甘就由六點四十五分起開始計時兩個鐘之後就還台......駛唔駛甘趕時間呀......雖然當時都算係旺場但上菜方面無咩問題唔知點解個翡翠苗真係好大陣草青味分量方面都差唔多所以都算值得呢個數不過最唔滿意的就係差唔多兩個鐘的時候已經開始比人收晒d碗筷真係想即時order一份甜品然後等佢重新再擺過碗筷最後當然無甘做了反正我地都坐得差唔多應該會再有下次的但係應該會係平日黎因為想慢慢食唔想趕頭趕命
繼續閱讀
同朋友一行八人book左夜晚8:30既檯, (呢間餐廳晚市有三個時段: 5-7, 7-8:30, 8:30-10:30) 我地怕遲到所以早左15mins到達, 同嗌飛既阿姐講聲我地已經到左, 等到差唔多8:30, 眼見o係門口等位既人群都陸續入座, 於是又問下阿姐我地張檯得未, 阿姐話我地張檯已經埋左單, 食緊糖水, 好快起身, 嗌我地等多一陣云云...8:40, 眼見外邊等位既人已經入哂去 (包括walk-in既人!), 又去問下阿姐, 結果都係話o個檯人未起身wor...我地等等下已經差唔多九點, 後來有個貌似經理既女人走出黎, 話佢地廚房出唔切糖水俾人, 而家客人仲食緊糖水, 叫我地等多一陣...但係頭先阿姐8:30既時候已經話食緊糖水wor, 又食? 後來又擾攘左一輪, 終於話有檯俾我地, 但係已經9:00, 我地book左8:30既檯, 準時到, 但都要我地等半個鐘先有檯, 仲要呢半小時裡面, 如果我地唔主動去問, 佢唔會主動同我地講我地張檯既情況, 就算我地主動問, 都只會一味叫你等, 半句安撫一下顧客既說話都唔會講, 如果真係如經理所講係廚房出唔切食物, 咁呢間餐廳應該好好考慮下一晚係咪做得到三輪生意, 亦都應該反省一下佢地做reservations既流程, 點解walk-in拎飛等既會比book左檯既更快入座??? 雖然呢間野既食物係唔錯, 但係同場都有唔少選擇, 我地都唔覺得要幫襯一間服務咁差既餐廳, 所以最後去左第二間...食完飯去滿記食糖水, 等緊檯既時候門口嗌飛既妹妹都會主動同我地講, 留左張四人檯俾我地, 等埋隔離張檯就可以俾到檯你地架啦! 聽完妹妹咁講, 我地都不約而同覺得: 咁先係做生意架嘛!! 晚市忙要等係可以理解, 但咁既服務態度係唔可以接受!!!
繼續閱讀
因為男朋友想食流沙飽, 所以去左流金歲月。我地下午茶時段入去, 第1次去既第1下感覺都幾好ga, 裡面唔多人唔洗等位, 裝修幾grand。 我地叫左3樣野..燒賣、流沙飽同埋3上鮮, 食物水準都幾好, 雖然唔算係大眾化價錢, 埋單110元。不過服務態度就大打折扣....有個年約20歲既男侍應幫我地結帳, 問佢幾多$, 佢答: "110蚊呀"。嘩, 用d咁既態度講野, 公司冇培訓d員工ga?! 我男朋友大動肝火拍左1下臺...我都係第1次見佢發咁大脾氣...食野都要受氣, 就算食物幾好食都好, 咁既服務態度都唔洗再去光顧。
繼續閱讀
自從流金歲月開左之後我一直都好想去食, 因為有好多好評, 好多人都評為屯門區既高檔酒樓, 但係一直都覺得好貴所以無去過, 早幾日, 14個同事係開會之前一齊去左食飯, 終於去左呢度, 叫左2個套餐同一d小食我地叫左小籠包. 紅油抄手. 松子桂魚. 流金歲月炒反. 蒸&炸銀絲卷. 醉雞 湯. 脆鱔. 炒蝦球.甜品就叫左紅豆沙. 紀子紅棗凍糕 高力流沙. 其實應該仲有多d野食既不過我都唔記得咁多喇. 其實d野食真係普普通通. 除左銀絲卷同個魚整得不過不失之外其他野食真係仲有好大的進步空間! 就好似小籠包咁雖然唔難食算多汁, 但個皮都仲係厚左d ; 炒飯無乜料得d肉鬆同蔥唔係唔好食不但係完全唔值個個價; 脆鱔係炸得好香口既不過炸到完全無左鱔味其實炸乜都係分別; 醉雞d雞勁唔好食d肉仲有雪味! 最難食係紅油炒手, 煮熟雲吞後淋些辣油就算我自己整都得啦甜品都唔太好食, 個跟餐送既紅豆沙紅豆都唔多粒, 果皮味太重, 苦苦地都算仲要豆還豆, 水還水! 個高力流沙,雖然唔難食但係個紅豆餡得dd咁多, 好似食成舊粉咁 個紀子紅棗凍糕我無食不過同事話好似食冰咁, 忍唔住同餐廳既人講要換左佢!成餐飯我覺得比較值得讚既只有人蔘烏龍茶. 用東亞信用咭個餐有半價, 半價左14個個人食一人一百蚊到, 都唔係真係太貴不過咁既食物質素就一d都唔值, 服務反而無我想像中咁差
繼續閱讀