影片
港鐵尖沙咀/尖東站 B1/ N5 出口
繼續閱讀
電話號碼
23155599
開飯介紹
時尚、節拍、玩味-盡在露天醉人酒吧Vibes。位於5樓的Vibes品嚐型格水煙及醉人雞尾酒，在熱情及充滿動感的夜空下與城中最潮一族玩盡不夜天。
繼續閱讀
附加資料
現場DJ打碟:
星期四:20:00-00:00
星期五，六: 20:00-01:00
營業時間
今日營業
17:00 - 00:00
星期一至日
17:00 - 00:00
以上資料只供參考, 請與餐廳確認詳情
相關文章
-𝐕𝐈𝐁𝐄𝐒 at The Mira 🌃位於尖沙咀The Mira 酒店5 樓有醉人露天酒廊 Vibes想搵個有氣氛 乾淨有私隱度既戶外酒吧係唔錯既選擇酒吧設有荷花形火焰裝置同圍繞四周既水道露天位置有竹林同緬梔樹交織出一片茂綠空間就好似城中既世外桃園一樣 去盡享各式美酒特飲✨當晚咁岩做緊墨西哥之夜 可以試到特色雞尾酒同小食想講為迎合當晚主題 啲杯全部都係好on theme 好得意仲可以欣賞Live Band music 同睇人嘅跳拉丁舞 好精彩🍸 Spiced Margarita ($148)係香料味較重既酒 以Taddei Plata Blanco Tequila為基底配青檸汁 + 龍舌蘭糖漿 + 丁香 + 肉桂 + 荳蔻 + 八角茴香味道層次雖然有啲複雜 酒精味重 但係幾有墨西哥風味 🍸 Paloma ($138)係好易入口 微酸香甜既雞尾酒 好岩女仔飲 以Tierra Zafiro Blanco 龍舌蘭酒為基底 配以新鮮青檸汁 + 龍舌蘭糖漿 + 新鮮葡萄柚果肉 岩晒而家天氣飲 夠清爽🍸Ku Tiki - God of War ($148)呢個係signature 系列其中一個主題 - Tropical 以Ezra Brooks 波本威士忌 99 度精釀 再與特製 Mikey Colada 混合 + 布瓦龍番石榴泥 + 鳳梨汁 帶有微酸微甜 清爽 酒精濃度相對地高啲🍸 Maui Tiki - Ancient Chief & Hero, Demi-god ($148)Tropical signature - 以Coyaba 焦糖蘭姆酒為基底加入芒果百香汁 + 特製 Mikey Colada 混合 + 新鮮鳳梨汁係一款偏果汁味 易入口既選擇🌟🥙 Jolapeño Chicken Quesadillas ($128)呢個係職員高度推介既墨西哥芝士餡餅❤️仲有勁多芝士同雞肉粒 雖然有墨西哥辣椒但都唔會好辣 隨餅附送Nachos with guacamole 牛油果味香濃 仲有好多洋蔥粒粒果然冇介紹錯🥰🌮 Pulled Beef Cheek Tacos with Chimichurri and pickled onions ($138)食墨西哥野又點少得嗌番個Taco Taco外皮炸得香脆 入面裝有滿滿牛肉絲同車打芝士Chimichurri 醬同醃紅洋蔥 食落酸甜帶蒜香 一啲都唔怕膩
繼續閱讀
1356 瀏覽
大食會訂咗位去尖沙咀「The Mira」一試西餐廳「Whisk」，難得過海喎，出名爛飲嘅蕃薯Uncle當然係唔會放過飯前最歡樂嘅時光啦！嘻嘻，聽落好似好威咁，其實只不過係去同酒店旗下間「Vibes」，地點就喺餐廳隔離，明顯就腳要緊。話就話酒店同美麗華商場相連，入咗去卻好似個迷宮咁，轉完𨋢仲要兜黎兜去先到達，極之迂迴。或許小肥體弱，步入最後條通道時已經暈暈地，影相都對唔到焦。設於室外嘅酒吧被棕櫚樹包圍，好有泰國、越南風情。炎炎夏日溫度同濕度實在太高，酒店唯有四周添置冷風機及大風扇舒緩一番，無奈解決方案未能有效降溫之餘，唔凍兼勁嘈嘅強風搞到個個頭都痛埋，完全唔掂當！早到嘅長輩原本要求坐埋邊啲特色帳篷梳化位，有瓦遮頭睇落又嘆，可惜外籍妹妹話靚位早已被客人訂哂喎，即使七點前埋單都冇得傾！XO仔明顯好介意，留意到直至五人轉場為止，多個帳篷內只有一個真係有客坐囉，莫非佢啲大客集體玩遲到或取消？！店子定咗週日至週四下午五點至七點為歡樂時光。指定五頁酒酒及小食均可享半價優惠。以二維碼自助落單簡易快捷，減少接觸及拗撬，更可隨時加點或查數。蕃薯Uncle原本叫咗杯「Mira Negroni」（歡樂價：$69; 正價：$138），點知第一啖已嫌雞美酒過甜且含酒量低。頂唔到半杯即學靚靚媽咪轉飲威士忌加冰「Ballantine’s Whisky」（歡樂價：$59/shot; 正價：$118/shot），因深覺水吧手腳太慢，仲一次過打孖黎！飲友師兄教落，最安全一定係飲爽涼嘅生啤！Truffle Fries（歡樂價：$59; 正價：$118）：熱辣辣嘅薯條雖然唔係好油，但就比較乾身，要多啲醬先易入口啲，不過個醬除咗有黑點之外，當中個松露味就唔夠濃郁。酒店室外酒吧「Vibes」環境比熱帶地區更濕熱，最慘服務生嘅態度唔多似歡迎有客幫襯，酒酒又唔好飲，直令歡樂時光毫不歡樂囉！
繼續閱讀
放工最啱同朋友飲番一杯，同時update下大家嘅近況。不過我就好驚去啲人多又嘈嘅酒吧，基本上都傾唔到計。今次比我搵到尖沙咀Mira Hong Kong 5樓嘅型格露天酒吧「Vibes」，感覺有啲似去左泰國一樣，有植物同埋河道，十足十世外桃源一樣。Aumakua Tiki原個菠蘿起左肉，加入兩款Rum、芒果同熱情果汁，味道主打清新清爽。Darky Chocotini濃厚嘅朱古力味道，加入雲喱拿烈酒，鍾意朱古力嘅人唔可以錯過啦。Viennese Grilled Sausages3款唔同口味嘅香腸，我自己就最鍾意煙熏味比較重嘅smoked viennese spiral sausage, 超多肉汁又重煙熏味。Crispy Chicken Sando 新鮮焗製嘅三文治，配搭嫩滑多汁嘅雞肉，濕潤得嚟又夠滋味。Vibes Charcuterie Board拼盤有椒鹽捲餅，多種火腿同埋芝士，餸酒就一流啦。
繼續閱讀
因為當日天氣好冷，所以我先order hot latte☕️🤎呢個latte有奶泡喺表面 搞到有啲似cappuccino🤣幾好飲，唔會好苦，飲落好順口，不過$6X一細杯咖啡真係好貴…紅色嗰杯Mocktail還可以👌🏻酸酸地咁啦，都有果香，比較重熱情果味，但份量有啲少🥲Overall呢2杯嘢飲都幾好飲，但真係又細杯又貴，環境嘅空曠同好夠Chill就加咗分。
繼續閱讀
在三樓國金軒吃晚飯，再上一層飲酒。門口有些隱閉，轉了幾個灣才見到門口。沒想到是outdoor。有芭蕉點綴，原來是洒店內園景，但沒有直通美麗華酒店。 叫了支白酒，Bailey 和Pina Colada. 遇上三號颱風小犬，帆布被風吹起，幸好沒有雨。三五成群，可以舒適的談天說地。沒有很嘈吵的音樂。
繼續閱讀