影片
招牌菜
黑媽媽影唔到相呀，可否幫我打打燈呢？無言感激 ﹗新開泰菜館當然要試試啦，大埔越開越多泰菜啊，不過質量參差。大家約埋係 Baby 總部開餐，但今晚只得四個食，夠唔夠呢？泰式燒牛肉沙律，牛好咸又乾又硬，沙律好酸，就算撈埋一齊食都係麻麻地。炒椰菜，泰式醬油略甜，味道質感以蠔油，不過甜味較重，配上椰菜不過不失。碳燒老虎蝦，高質爽彈，時間剛好，不乾不硬，散發著燒烤香氣。炒金邊粉，蔥同芽菜我又唔食，甜河粉唔啱我口味呢，一試無妨。泰式咖哩蟹，隻蟹堅係好新鮮，好有鮮甜味道，蟹肉彈到不得了，非常結實，肉汁滴晒出黎而帶海水咸香。咖哩椰香濃郁，幼滑不辣而甜，合格。咖哩鮮魷配薄餅，真係返樸歸真呢，食下普通野。鮮魷果然鮮，嚥嚥韌韌又不失彈彈的口味，鮮甜沾上椰香咖哩，都好好味。咖哩鮮魷配薄餅，新配搭咖哩魷魚薄餅卷同樣美味，薄餅完全索透咖哩汁再放入口，每一口都充滿著有大量咖哩汁，好好食。白灼蝦，簡單就是美 ﹗睇清火喉同時間，一熟即起，蝦肉超爽彈，一剝殼蝦汁激射，非常新鮮肥美可口 ﹗泰式冬陰功湯，十分重香茅味道，微酸微辣而椰奶味突出，我主要想飲重酸辣味的。泰式燒春雞半隻，最初諗住會好似紅辣椒咁勁甜又肥騰騰又油淋淋又腍劈劈，但最後發現完全係天與地呀，有絲曙光射住 ﹗雞肉嫩滑而充滿彈性，非常有趙口，皮光肉滑夠乾爽，燒得夠晒香口，好味道唔會甜笠笠 ﹗家家泰比我第一次食進步左好多倍喎，加油 ﹗香辣肉碎生菜包，簡單易做又好味，真係好難會煮得唔好食既。肉鬆炒得乾爽夠香口，不乏肉汁。拌入香葉、青蔥、乾菜、辣椒、青檸，酸酸辣辣好開胃，用爽脆多水生菜捲住食特別滋味。蒜蓉咸菜炒芥蘭，咸菜炒芥蘭？幾有趣，試試。酸酸甜甜咸菜跟芥蘭一齊食都幾特別，醒胃醒神，芥蘭爽嫩、咸菜爽口多汁。泰式生蝦刺生，傅統配上生蒜片、指天椒及苦瓜片，我最喜歡。以前最多都係夾住蒜片辣椒食，家家泰還提供埋苦瓜呢，蒜片苦瓜夾得幾好味喎，全部夾住一齊食，配上泰式酸辣汁更添風味，香香辛辛辣辣又甘甘。蝦肉夠晒新鮮，質感爽口帶黏性，味道清甜可口，加上泰式酸汁勁惹味。紅咖哩炒蟹配薄餅，似乎佢地個油鑊唔夠熱喎，蟹味雖然好鮮，但肉質已經變霉了，其實整個咖哩加埋蟹都好好味，係蟹肉失手囉。專登叫薄餅點咖哩食，超好味 ﹗得 4 塊薄餅邊夠喉呀，又貴又少，唯有去買白麵包啦 ﹗幼滑咖哩配上濃郁麵粉香既薄餅，口感又嚥嚥韌韌，味道夠晒絕呀，咖哩還散發著微微鮮蟹味道 。椒鹽斑馬瀨尿蝦，蝦肉霉霉地，腍劈劈但鮮甜，海水味濃，肉汁多到射出黎。巨形大碌一定要用猛火走油架 ﹗浪費左條咁正既瀨尿蝦呢，百幾蚊一隻架 ﹗仲咩今晚咁豪呀？每人一隻斑馬瀨尿蝦。
繼續閱讀
想近近地食泰菜...之前見過但未試過呢間...於是夜晚八點就同屋企人總共3個人去試試。可能唔多人..點菜落單時間快..但上菜時間一般..點了本人食泰菜必試的菠蘿炒飯(hkd88)..原隻菠蘿上..好食黃咖喱鮮蝦(hkd82)配蒜茸包(hkd20得4件)...咖喱先到..個包就要催幾催先到..包好彩夠熱...包就幾好食...咖喱算大碗&味道都ok~青木瓜(絲)salad (hkd58)好味..夠辣..腰果炒雞柳(hkd78)...冇特別~椰青(hkd28)...都新鮮..珍多冰(hkd18)...好味..不過可能有人會覺得甜咗d..竟然有綠豆沙送...不過真係好細碗得幾啖仔...但都係甜咗dd...整體黎講..味道不錯但有d貴...服務ok..
繼續閱讀
以前不太好泰國菜, 不是怕太辣就是怕香料的味道這間食第二次, 正正係父親節大約等左30分鐘, 店員安排算有效率點左冬陰功湯(大), 咖喱面包中(牛肉), 菠蘿炒飯, 明爐烏頭等炒飯OK~ 唔太油冬陰功湯(正常辣) <--合乎我口味, 入口帶辣, 但不至於辣到食唔到明爐烏頭 (正常辣) <--今次唔記得叫少辣, 全家都辣到食唔到 咖喱面包中(牛肉) <--可以揀雞肉, 牛肉,豬肉, 份量多, 另可揀薄餅, 但面包會較抵食, 薄餅只有數塊, 根本唔夠可以食曬D 咖喱
繼續閱讀