51
22
25
港鐵宋皇臺站B2出口, 步行約3分鐘
繼續閱讀
附加資料
最低每位消費$249
營業時間
星期一至日
17:00 - 23:00
以上資料只供參考, 請與餐廳確認詳情
去食海鮮🦞唔使去到屯門、西貢咁遠,市中心九龍城就已經有一間好味新鮮嘅海鮮專門店!🍽️🦐🦞🦀🦑🐙🐟叫咗5人套餐✨芝士龍蝦伊麵底 🧀🦞😋✨清蒸蒜蓉扇貝🐚✨生猛椒鹽斑馬賴尿蝦 🦐啲賴尿蝦超級大隻,切咗一細舊都有成個拳頭咁大🤩🤩😍✨炸子雞 💥💥🐔✨生菜芥蘭 🥦🥬✨炒飯 🍤🍚✨附送生果🍊& 飲品🍹🙋🏻♂️侍應會不斷同你換碟,上菜都好快,食物水準依然保持高質素!🌟💫👍🏻
繼續閱讀
想吃優質海鮮未必需拘泥於流浮山、三家村、避風塘、三聖邨之流,九龍城區亦有類似海鮮秤重收費模式選擇。幫襯前須先理解此店計算方法:1.基本每位最低消費$249,這店內有貼示。2.主要付費是海鮮、乳鴿。3.無其他小炒選擇,要食中式小菜須移玉步到別店。4.每枱奉送橙汁(似果汁先生)、竹䉀矛根(自家製但味偏淡)各一渣,可添飲。獅威啤酒任飲。5.送炒菜:菜心/白菜/芥蘭6.免加一。7.茶芥醬油等免費。8.無烹調費。9.有套餐選,但未必可在舖外魚缸選海鮮。即是送的酒水食物等轉嫁到海鮮。既然用去朝聖食靚海鮮心態,就果斷棄套餐取散叫,去到魚缸手指指this this,講低枱號。部分是日海鮮價:斑馬瀨尿蝦$25兩瀨尿蝦$20兩海花竹蝦$30兩兩款瀨尿蝦價位近,揀了不常見軟殼之斑馬瀨尿蝦兩大隻(有說此為瀨尿龍,見圖)$600,劏海鮮師傅見我相機食先即手快醒目地放枝筆對照大小,明顯不怕烘爐火任拍。同時有遮遮傍住我等mark低切四件、椒鹽煮之類。上碟樣嬌艷捲曲,肉貼殼,肉夾爆膏,膏濃重如膏蟹,但如果着重鮮甜味會感若有所失,反不及常見瀨尿蝦。遮遮另sell本地龍蝦,執了兩隻$400,比那些利是紅的小龍蝦稍大,已寫芝士伊麵底。中頭至尾開邊,蝦頭有輕微黃油蝦膏,芝士汁底比平常吃的說是芝士但白汁底比重較多來得濃烈,水浸模式,每碗伊麵奢侈撈汁最後都還有剩汁。見多枱有乳鴿$60。遮遮按枱人數揸主意寫一隻。乳鴿肉質厚身未算太嫩口,但上枱時熱到燙手,也夠鹹沒用淮鹽。豉椒炒蜆$100,僅一隻沒開口。還有送送送⋯⋯蒜蓉炒菜心非專科,有點偏老,勉強沒渣。西洋菜豬骨湯,沒味精。甜品是椰青大菜糕,明顯順住附近是小泰國就地取材,味道亦沒比下去。叔叔級侍應招呼周到,期間至少換骨碟五六次,又幫手斟橙汁,因枱有屏風阻擋視線,侍應不時亦快速探頭望有沒需要。*周末,入店時6點幾,早見多枱留座,能坐靠牆較寧靜之屏風位算是有點符碌。
繼續閱讀
自己住九龍城, 好多時都唔知去邊食飯好, 感覺好似食來食去都係果 D 野, 自從屯馬線開通左之後, 多左好多外來人, 食肆係旺左既, 但唔代表質素會好左, 就好似呢度, 前身叫竹園海鮮酒家, 以前人流暢旺到要等位, 但依家屯馬線開左都唔覺得佢有旺到, 當然有佢既原因啦, 首先係服務差左好多, 海鮮選擇唔多, 兩位計 $460 唔係好貴, 但老實講係食唔飽, 另外仲要加多半隻炸子雞, 果條海上鮮真係細得可憐, 只有一隻手板咁大條, 如果要轉其他就一定要補錢, 而且補既價錢仲貴過我係街市買 ! 味道方面只係普通, 稱不上好好味, 只係海鮮算係幾新鮮 !
繼續閱讀
有蝦有魚有鮑魚有元貝有菜仲有芝士焗龍蝦伊麵,加隻乳鴿都係五百幾蚊埋單,仲有竹蔗水同埋橙汁任飲,好抵食,侍應服務態度又好,好殷勤親切,值得再去😍😍😍😍😍😍😍😍😍,真正海鮮餐。九龍城依家有地鐵,更加方便,我會再去,見到有個行動不便嘅侍應,但係一啲都唔偷懶,不斷幫我哋收碟,雖然係感覺有啲噏揼,但街坊生意算係咁,芝士龍蝦伊麵好食,如果人多佢嘅條魚會大啲,我哋兩個人就食倉魚,,我係唔係太鍾意食嗰隻鮑魚,比較難咬。
繼續閱讀
今日同屋企人嚟呢度食飯好開心, 海鮮餐十分驚喜芝士龍蝦伊麵⭐️⭐️⭐️⭐️⭐️全家至愛, 連唔食芝士嘅媽咪都食到舔舔脷, 芝士味濃而不膩👍🏻👍🏻正白灼蝦⭐️⭐️⭐️⭐️⭐️ 十分鮮味炸子雞⭐️⭐️⭐️ so far 我覺得一般, 可能我太重口味, 但屋企人鐘意佢炸完d 肉都仲滑炒飯⭐️⭐️⭐️⭐️鑊氣夠, 重口味之選😬😬其他金威啤酒任飲, 橙汁又任飲, 甜品生果樣樣齊, 一家人黎食真心正🤩星期六嚟到都唔係好多人, 九龍城真係美食之城, 唯一唔好就係揸車唔太方便, 所以我都揀咗搭屯馬線
繼續閱讀