影片
港鐵佐敦站 E 出口, 步行約2分鐘
繼續閱讀
開飯介紹
主打順德菜，用不同的江河魚鮮作菜，以原汁原味的方法烹調，突顯河鮮的嫩、爽、滑、香。
繼續閱讀
營業時間
星期一至六
11:00 - 23:30
星期日
10:00 - 23:30
以上資料只供參考, 請與餐廳確認詳情
食家推介
招牌菜
食評 (51)
我和家人叫了砂煲爆魚卜，好香口又唔腥；四隻蒜蓉蒸聖子，每只有6-8吋長，好好味但鼓油咸了點；還有浸波菜同佢嘅招牌菜煎釀鯪魚；最後有好滑好香嘅雙皮奶。每道菜都好好味，份量都好足夠，十分滿足！
繼續閱讀
我個人唔太鐘意食魚, 因為覺得蒸魚魚皮滑潺潺好核酸, 魚骨多處理唔到, 有腥味, 河鮮如鯇魚, 魽魚這些就係好例子, 所以我通常只會揀大魚/ 深海魚食. 朋友生日, 他是愛魚之人, 很懂得吃魚, 什麼魚都喜歡, 尤其河鮮! 他可以將一條多骨魚, 細心地食得乾乾淨淨, 只剩魚骨!!! 今次所以特地選了一間佐敦食河鮮的食店 - 樂壽新漁村酒家自己唔食魚又揀呢間??? 雖然我唔太吃魚, 但我本身都好順得人 . 講真, 有事我覺得每個人都有喜歡同唔喜歡食的東西, 但當出外食要根據各人口味去選的話, 基本上很難找到一間合晒心意的. 所以我覺得只要主角開心, 食飯氣氛好都係一個好重要條件呢. 當晚, 主角知道我唔太食魚, 佢都很窩心地選了一些無魚小菜! I LOVE YOU! 大大個煲載著熱騰騰的芥蘭以啫啫方法上枱, 芥蘭鮮甜同時配上啫啫這種惹味煮法, 芥蘭的清中和了啫啫的上火感覺. 成件事都好得宜! 另一招牌銀盆雞, 將雞平均放在這銀盤上 再灑上紅棗, 再以鍚紙蓋面焗. 我覺得視覺上享受會多過味覺, 看似很多風味. 但我會較喜歡老媽常作的金針雲耳蒸雞, 因為味道真的沒有什麼特別!奇怪的名字, 未有深究, 可能是一些地方名或方言吧! 這道菜我主要是衝著欖角而來, 欖角屬濃味高油份配菜, 所以做蒸, 炒飯都有不錯效果. 而豬扒肉質爽口, 加上有少肥邊位, 本身亦有調味, 就這樣都已經很好吃. 但配上濃味的欖角, 變得有點畫蛇添足及喧賓奪主了.蓮藕片中間界開再釀入新鮮鯪魚肉, 由於慢火煎, 所以唔會太油膩, 再加上蓮藕片不算吸油之物, 魚肉新鮮所以吃不到魚腥味, 因為我對"腥"都頗敏感, 這食法真的吃出外脆內鮮!自己好奇怪, 雖然唔食魚, 但偏愛魚腸焗蛋. 可惜外面很多店的魚腸焗蛋都未有相同問題, 就係廦唔走這股魚腥味. 但這裡處理/ 選魚腸做得非常出色, 完全吃不到魚腥味, 胡椒粉都可以慳返, 再加上配上油條, 跟蛋一起焗, 除了賣相外, 味道更加好, 魚腸份量亦充足, 在面的魚腸被焗過後更有脆皮的感覺, 配上白飯一起吃真係非常滿足!唯一未有碰過的菜式, 所以未能作任何意見, 只知道幾位愛魚之人都埋頭苦幹地吃, 相信應該不錯吧!開開心心, 高高興興地過了一晚, 懶埋是河鮮還是大魚, 友情氣氛都不會變!
繼續閱讀
臨近中國人節日中秋, 酒家訂位常滿, 此時最好就係幫襯”非中式”食肆, 但無奈老人家要選傳統食物, 唯有照來. 剛不夠兩個月前才幫襯過, 今天完全是另一回事, 中國人經營的生意就是如此, 全都只看短期利益, 有得兼就兼咗先, 話之佢聲名受損.門口沒有寫明菜色與平日不同, 坐下來才知道, 這兩三個星期都只是供應有限小菜, 一張A4紙寫晒. 而且價錢也多了一截.選擇有限, 叫了一個名為”特價晚飯孖寶”的雙味菜, 煎焗魽魚+上湯浸時蔬, 收$228, 真不知道”特價”了甚麼, “上湯浸時蔬”, 其實就是波菜一碟, 平時大約收費五、六十蚊, 扣起了六十, 即係平日收$120左右的煎焗魽魚, 今天特價要收$170, 真有香港超級市場減價FEEL, 然而, 質素卻也算不錯, 以大煲上檯, 來到時還有滋滋聲, 熱騰騰, 魚肉份量也足, 魚肉入口彈牙, 唯以此方式煎煮, 魚味欠奉, 試不出其新鮮程度.勒流欖角骨 $98, 名稱怪怪, ”勒流”是應指順德的”勒流鎮”, 那裡的欖角特別出名? 唔太清楚. 美其名, 這碟其實只是普通的”欖角豬肉”, 但吃不出有濃郁的欖角味, 所用的又不是排骨, 基本上是只有肉而沒有骨, 味道偏甜, 不太滿意之作. 沙薑銀盆焗雞 半隻, $148, 巧立名目的錫紙焗雞, 想當年讀書時同學門燒烤必備之作, 在超市買一隻雪雞, 切件, 加入調味, 包好, 放在燒烤爐邊, 一小時後打開, 香味四處. 但今天這眼前的”半隻”雞, 真是令人感嘆, 入口一咬, 哎!!, 收人家$148, 你好意思比隻雪雞嗎?! 冰鮮雞唔會貴好多啫, 唉…芥蘭炒均安魚餅, $98, 切碎了的芥蘭, 夾埋大約四條全芥蘭左右, 炒得頗香口, 芥蘭爽脆, 伴以一些青椒和紅椒, 份量不多, 但賣相可以, 魚餅入口彈牙, 魚味香, 價錢略貴, 但交足功課.日式芥末牛柳粒, $108, 比較滿意的一碟, 加入了兩三種菇類, 好似係冬菇, 雞脾菇, 另外一些黃椒, 芥末味道有香又不致於辣口, 牛柳粒切得大小適中, 沒有醃得過份, 牛肉味道與口感仍相當好.
繼續閱讀
訂左枱同朋友食生日飯, 叫左:污糟雞半隻有D普通的家庭式蒸雞啜魚兩食 有子薑欖角蒸魚頭同炸魚腩兩味, 第一次食呢隻魚, 怕腥的朋友都話無問題, 好味西蘭花帶子花枝片呢個幾抵食, $138都幾多帶子同花枝片, 望落好多料, 不過我地9個人, 夾到最後原來唔夠每人一件帶子同花枝的薑蔥蠔煲 呢個超好食! 上菜時個煲仲滋滋聲, 我地仲要炒下佢免痴底. 好香好濃味, D桶蠔亦新鮮. 最好味的菜.金銀蛋浸莧菜普通, 不過不失樂壽拼盤umm...唔抵. 細份.粉絲海蝦煲好香口, 蝦都新鮮.金銀菜豬肺湯訂枱時, 餐廳方面話呢個跟另外一個天麻魚頭湯都最好預訂. 因為有朋友飲唔到魚湯, 所以我地訂左豬肺湯. $108兩人份; $180四人份; $380大煲的. 餐廳見我9個人, 當然叫我留份大的. 我話只要4人份的就好, 雙方耍太極來回兩三次後, 終於肯幫我留4人份的SIZE. 點知...我電話訂時講左3, 4次要4人份; 入座寫菜時, 侍應問我係咪留左個豬肺湯, 我話係, 留左個4人份的. 後尾個湯上時, 個貌似部長的姐姐喺我地枱旁邊的餐車度幫我地分湯, 上埋湯渣, 9碗湯之後仲有幾個可以添多碗, 我仲諗個4人份都咁大, $380那個都唔知有幾大煲了... 因為之前D舊comment, 其中一個話被餐廳亂收錢, 所以我有寫低我地叫嘅菜式同價錢, 自己計定個數先. 點知埋單時個數真係比我計定的貴, check單時就發現個湯俾人計左大份的$380.然後叫個姐姐埋來問返, 佢仲話係我喺電話度話留個大份的湯!! 仲係佢自己聽電話咁話. 又話咁我地都飲左啦... 硬局我地食左佢. 咁我由頭到尾都不停咁強調係4人份的湯, 你寫菜張單就永遠都放埋一邊無俾我睇過, 咁我地第一次來食點會知道你嗰個煲係幾人份? 我都知個湯我地係飲晒, 但你硬落單唔認錯, 仲要硬屈係我自己落的咁就唔得囉. 後尾叫個姐姐叫經理埋來講, 個姐姐行開時仲細細聲話我地"痴線"俾我朋友聽到!! 個經理先無奈咁改返張單俾我地!!本來間野D野食好味, 係諗住有ENCORE的 (雖然偏鹹). 但經此一役, 真係永無回頭了!! 所以緊記要check單, 仲要唔好埋單時先來check!!
繼續閱讀
今晚得三個人食飯，驚突然下雨， 唔去遠， 的我媽坐兩蚊巴士， 281A 兩個站德成洛車行埋去，問阿媽食釀青椒，釀蓮藕餅，定係炸鯪魚球，佢想試下釀青椒。點埋大良炒鮮奶、中蝦粉絲煲、薑蕙炒雞片。大良炒鮮奶:足料(有帶子、蝦)，推蛋白推得幾滑!!!(讚中蝦粉絲煲:蝦唔霉，煲仔夠惹味!薑蕙炒雞片:其實即係紫薑、菠蘿、馬蹄炒雞片。咁唔仲2食紫薑都食左幾塊
繼續閱讀