影片
與同事吃生日飯。已訂枱12:15，不過可能時間尚早，因此去到時見有許多空位，因此就算不訂枱也應該會有位。我和同事各自叫餐。南瓜忌廉湯：顏色漂亮，聞到陣陣香味。南瓜味不強，但湯的稠度適中，不會很膩。味道和稠度很不錯。菠菜雞肉千層麵 ($65)：蒜蓉多士焗得香脆，蒜蓉味適中，不過某些部份有少許過燶。青瓜和車厘茄新鮮，不俗。千層麵的餡料非常豐富，而且非常美味，面層的肉醬茄汁十分香濃。熱青檸柑桔：酸酸甜甜，很好味，而且十分夠熱，冬天喝十分正。一時前結賬，每個餐減十元，即$55，不用加一，抵食。由於顧客不多，枱與枱之間也不太逼，所以坐得舒服，也可以靜靜地與朋友吃飯談天。
繼續閱讀
我黎呢間樓上cafe都好幾年，我平時都幾鍾意約埋D同事係呢間樓上cafe，我貪佢平平地，又有得訂位，1點前結賬離座仲可以每個餐平10蚊。由於股市12至1係休市時間，同事食晏就要一坐低就即刻有得食，邊食邊吹口，而呢間樓上cafe就可以做到。但呢間樓上cafe最唔好就係食客傾計好應聲，環境好嘈，不過係中環食晏，又要平、又要快、又要容易有位，冇辦法啦!餐湯有2個選擇，1個南瓜忌廉湯，另一個係菜湯，我每次黎都係揀南瓜忌廉湯，由於係其他餐廳好少機會會飲到呢隻南瓜忌廉湯，雖然我飲唔到南瓜味，個湯好稠，都算OK啦~我見轉左新餐牌，我就即刻試下呢個煙三文魚蟹肉冷麵，個賣相都幾靚仔，好清新的感覺，顏色配得好靚、好吸引，好夏天feel。但味道都一般，冇乜味，個冷麵唔知係意粉，定係唔知乜麵? 一D都唔彈牙，蘸左個芝麻醬汁都幾開胃D，都算好送冷麵。我地一行五人1點結賬時，比左5個印比我地，仲叫我地儲齊10個免費送1個餐，睇黎我地大致上黎2次已經達標?!
繼續閱讀
中環的午餐時間無論對上班族或店家而言都像打仗，如何在有限的時間內吃到實惠的午餐、餐廳又能有效提高用餐人次，各家都有自己的策略，其中最常見的就是限時結帳離座即享折價優惠。Podium Cafe藏身在皇后大道中的大廈裡，若非有人帶路還不容易找到這家小店。店如其名，半開放空間以落地窗隔出陽傘悠閒風的平台(podium)，只是或遇午後陣雨的盛夏可能不適合冒險揮汗用餐。該店除了當日午餐主菜(Main)時常更換常有新意之外，每次入座作為餐墊的下午茶菜單也讓人頗有興趣，惟時間難以配合總是只能神往。每日午間套餐(lunch set)包含：湯、主菜和飲品(茶、咖啡或多種果汁蘆薈凍飲)。這次選擇南瓜湯，主菜則是清爽的蟹腳雞肉青瓜冷麵，芝麻醬汁調味得宜，平實午餐就不用贅述蟹腳如何。同行友人選了雞肉德國腸筆管麵，沒想到也是冷麵的料理方式，雞肉同樣都帶點江浙醉雞的口味。進入燥熱的夏天，冷麵可謂午餐良伴！建議用餐前仍致電訂位為上。
繼續閱讀
今日偷懶, 同同事去左中環H&M SHOPPING, 今日有d雨, 就過左對面既Podium Cafe, 去到都有6 7成滿, 都好在, 唔使等位, 我同一個同事揀左黑椒豬手, 另外兩個同事揀左白汁煙三文魚意粉同埋白汁香草龍利柳意粉. 因為我地1:30後先入座, 所以只需要$53一位先黎湯, 無包, 得我一個揀 磨菇忌廉湯, 夠色, 但無菇粒, 但好明顯係湯粉沖出黎, 我諗住, 我呢碗應該已經好差啦, 點知, 黎埋個雜菜湯, 先知, 原來可以有更差的, 我三個同事都叫左雜菜湯, 而個湯望落去, 好淺色, 佢地飲左一啖, 就即刻話唔要了, 我覺得好好奇, 飲左一啖, 我人生中真係未試過飲過咁難飲既雜菜湯呀 味道好怪, 無菜味,無蕃茄味, 無辣味, 咸唔咸, 淡唔淡, 好古怪...= =個主菜黎啦, 我果客 黑椒豬手, 份量不少, 也有不少伴菜 , 已切細件, 可以唔使自己切, 不過黑椒既意思係黑椒汁+煎豬手片, 味道雖然不錯, 但感覺有被騙的感覺, 龍利柳意粉, 望落去, 份量都不少, 但我同事食左2啖龍利, 2啖意粉, 就話唔好食, 無胃口了, 唔食了, 我見仲有好多龍利柳剩, 唔好嘥, 切左一半黎食...咁我就即刻明白點解會唔食啦, 原來真係好難食, 另一個同事的煙三文魚意粉, 份量都一樣係唔錯既, 但意粉是白烚的, 一睇就知, 最無奈的是煙三文魚, 黎到既時候已經有唔少位署係黑色左, 咁唔新鮮都照切出黎家因為食唔飽, 都係叫左甜品, 成個午餐唯一我會讚既地方, 有朱古力泡芙 ($10), 同埋自家製芝士蛋糕 ($12)個泡芙好味, 外實內軟 , 但個芝士蛋糕就食唔出係自家製啦, 同出面既差唔多餐飲品, 可以叫Mocha唔使加錢, 我咁中意飲mocha, 當然唔放過啦^^, 味道少少特別, 主要係用左cream打, 而唔係牛奶打總結, 應該不會再有下次了
繼續閱讀
今次第一次寫食評, 原因係唔希望有人好似我咁食飽一肚氣!以前喺附近返工, 成日都會食, 因為南瓜湯好好味, 覺得抵食夾大件...有一段時間無去, 今日同舊同事食飯, 本來好開心, 但係食飽真係有被騙的感覺!本來order 鴨胸冷麵, 待應主動同我講有長腳蟹, 問我要唔要轉, 由於鴨胸之前喺度食過, 就試吓長腳蟹啦!點知碟麵到嘅時候, 真係呆咗, 咩叫長腳蟹呀, 好明顯係蟹柳, 最多叫蟹棒, 點都唔可能稱之為長腳蟹...!本來真係想叫佢換番鴨胸gar... 但係因為我朋友嘅午餐已經到咗一段時間, 唔好意思要佢哋再等, 又驚會俾人加料, 唯有照食....個冷麵完全無質感, 啲青瓜件跟麵嘅粗幼度相差太大, 跟本唔可以一齊食, 成碟嘢都哽唔落!價錢加咗, 但係份量就少咗好多, 應該同已經易手有關!以前飲開嘅mocha 己經大不如前, 相信我以後都唔會再去呢間嘢!
繼續閱讀