影片
以上資料只供參考, 請與餐廳確認詳情
我知道既然已經結業, 還寫食評做啥!這小店我曾經幫襯過數次, 每次當然有相機食先的動作, 某次因為自己的錯失, 遺失了相機記憶咭, 直至星期一才無意中把它找回來。想寫食評時方知道此店已結業, 真可惜~ 看回食物照片, 的確為我帶來很多美味回憶 ... 例如那些爆炒、鑊氣重的小菜, 炒魚鰾, 梅菜扣肉等等, 還有很多比較西式的餐點 ...炸魚薯條 ... 雖然魚柳的coating並非我喜愛的類型, 是那種加了梳化粉又帶苦味的炸粉, 所以切除面層coating後, 顯現出雪白而又流有魚汁的魚塊, 滑溜又帶魚油香。 他他醬是甜甜地亦酸酸地, 用薯角來蘸, 味道很夾!菠蘿巨無霸 ... 熱烘過的菠蘿包夾入半溶芝士、蕃茄片、香煎雞扒, 還有牛油及沙律醬 ... 剩看圖片已口水流, 那種熱．溶．甜．乳的滋味→縱使脂肪高, 寧願吃一天的蔬菜來平衡也要來一客。 可惜, 往事只能回味 ~華田紅豆冰 ... 阿華田做紅豆冰的基底, 配上腍身有沙紅豆粒, 正!希望樓面、廚房各職工都可以找到更合適的工作, 要知道每個人的背後都是背負著一個家庭。祝福各位錦繡前程!
繼續閱讀
今次受到邀請，到米飯班煮食個便飯。「米飯班煮」這個名字一聽就知道是中菜，但會是一個怎樣的中菜呢？米飯班煮的感覺像是茶餐廳，但比起茶記的餸菜有較多的選擇，有些較平民款，也有些較高檔，能夠滿足不同人的喜好，而且價格適中，星期五晚家人懶得煮飯，來吃個便飯絕對不會過份。我就為大家介紹當日我吃的餸菜吧！招牌桶骨大白菜：身為愛湯人士，見到有大桶湯呈過來時眼睛已經閃閃發光了，豬骨味濃郁，價錢不貴而且份量很足，大概有6-7碗湯左右。用一個圓木桶盛載，材料很足呢，大大塊的豬骨肉質仍能保持鮮嫩，白菜清甜，清清腸胃，而且有一種很滋潤的感覺，果然是米飯班煮的招牌菜！地踎小炒王：韮菜，蝦乾，腰果炒在一起，吃起來很有鑊氣，而且蝦乾鹹鹹地。椒鹽骰仔黃金豆腐： 這道椒鹽豆腐相當的惹味！豆腐的表面沾上炸粉，並放到油內炸至金黃色，潵上椒鹽粉。豆腐本來就沒有什麼味道，但是潵上椒鹽後，味道大增。再加上喼汁，酸酸甜甜的味道讓吃進口的感覺沒那麼膩，而且這道菜一定要湊熱食，因為咬的口感像是入口即熔！十分惹味及好味！馬拉盞通菜煲：通菜煲的煲仍然很熱，所以食的朋友要小心燙手啦！而炒通菜十分清爽。感覺很像住家菜呢！客家梅菜扣肉：自己很少吃扣肉，總是覺得太肥膩了，但今次朋友的介紹就試一試吧！雖然比其他的餸菜都較肥膩，畢竟是肥豬肉，不過感覺尚可，容易入口，不太感油膩，且有梅菜拌飯。食物的味道絕對不失色，價格也平民化，可是餐廳的定位較蒙糊，雖說有不同類型的食物，有中式西式，有酒樓的菜式，也有茶餐廳的款，可叫做包羅萬有，但是對於顧客來說卻是有點不上不落，對於香港人，吃海鮮飲茶會去酒樓，想吃快餐就會去快餐店，但是又會有什麼特別的餸菜讓人一想就想到要去米飯班煮呢？我相信餐廳的主人也發現到這個問題，但我相信為餐廳重新定位，一定沒有問題的！加油！
繼續閱讀
上次同幾個朋友去完荃灣廣場搵食，今回就嚟到大坡坊依邊，見間鋪名同小弟啲食評標題咁，鍾意玩食字 ，所以，特別有印象。依晚4人行人少少，一齊嚟食個晚飯，傾吓偈，交流一下飲食心得 。環境茶記格局，唔使多描述，以4人卡位居多，梳化櫈，但木板靠背，唔算太好坐，不過，茶記又唔喺食環境，預咗啦，重點喺啲嘢食平靚正嘅啫。早午市主要喺茶記模式，主打都喺啲早餐、麵餐、三文治餐、午餐、碟頭炒粉飯麵、常餐、下午茶餐……等等。當然碟頭炒粉飯麵、常餐就照例全日供應 。一到夜晚，碟頭炒粉飯麵當然都仲有供應，不過，就有多另一個小菜餐牌，所以，晚市亦銳意做晚飯小菜生意。菜式由湯類、雞類、魚類、鐵板類、煲仔類、小炒類、海鮮類、蔬菜類、蒸類…以至黑松露菜式 ；此外，亦加啲2、4人套餐可選。就算唔叫套餐，晚飯食小菜，都附送白飯，及飲品半價，變相加錢變套餐，不過，如果免費送多個老火湯就仲好喇，話晒城市人有啖湯水感覺窩心好多 ！ 招牌桶骨大白菜 $80 既然暫未有例湯送，當然叫番個招牌湯滋潤一下。成盆豬桶骨大白菜湯，份量可不少，足夠6個人飲，而最令人注目，莫過於幾件嗇巨型豬桶骨，大過個拳頭有多，而啲肉食落又唔嚡喎，當然，最重要個湯膽，奶白色嘅濃湯濃香柔順，有點點滑溜嘅感覺，大白菜又食落清甜，「招牌」之名都唔太流喎 ！ 蜜桃醬燒蝦球 $78 海鮮類揀嚟依道燒蝦球，一身橙紅鮮艷，色澤非常搶眼。蝦球去殼拆肉，食起嚟比煎蝦碌方便，而且，採用大蝦啖啖肉份外滋味，加上蝦肉又挺爽口。咬落先知，蝦球包了一層薄薄粉漿，就好似做天婦羅咁，不過，添上蜜桃醬汁後炸漿已唔多脆，個人認為大可省略依個工序。反而幾鍾意個醬汁，雖知蜜桃喺罐頭貨，但酸甜度幾平衡，稀杰度又啱啱好 。 黑松露蝦仁蒸豆腐 $78 見到主菜牌中有一欄「極品黑松露」，睇嚟似乎幾有睇頭，當然好想知佢有幾厲害。幾款黑松露菜式中，最心水喺依道蒸豆腐，因為黑松露味濃，而豆腐則味清，好想試吓有無火花。其實賣相有少少心思，但製作上卻有啲粗糙，主要喺個豆腐做得巖巉，如果工整啲就更好睇 。賣相嘅嘢或許對一間茶記而言要求高咗啲，但豆腐唔滑卻實在喺一個事實，縱使蝦仁不俗，黑松露醬又帶出份幽香，始終對蒸豆腐喺有期望 。 蒜子枝竹冬菇炆盲曹 $78 同枱老友都喺好魚之人，又點可以唔點番一條魚呢？盲曹都比較少食，就要一碟蒜子枝竹冬菇炆盲曹。條盲曹都頗大條，碟上滿滿枝竹同冬菇，又腍又香，配合茨汁又幾惹味，最緊要魚肉入口挺實淨，唔會削霉霉，新鮮度足 。 蒜子蝦干魚鰾浸娃娃菜 $70 慣性動作，蔬菜類菜式又喺必不可少，十多款選擇，原來朋友喜歡食魚鰾，應屬少眾喜好，幸而小弟都啱食。魚鰾，平時晌街市叫開都喺魚肚、魚卜，因為帶有腥味都較少人買嚟煮，對比起由大海魚嘅魚鰾製成矜貴嘅花膠又不可同日而語。難得碟魚鰾處理得唔腥，配合蒜子、大粒蝦乾、薑蔥等配料，又以魚湯入饌，整體味道鹹鹹鮮鮮 。反而，墊底嘅娃娃菜晌依道「菜」式成為咗大配角囉！ 黑松露蛋白海鮮炒飯 $60 上述個黑松露蝦仁蒸豆腐令大家有所失望，而個黑松露蛋白海鮮炒飯就稱得上刮目相看。首先個飯炒得爽身唔油已過咗第一關，其次，飯粒混和唔少蝦仁、蜆肉、魷魚、蛋白碎、蔥粒、菜度，口感豐富；加埋黑松露醬嘅「味力」，每口都滲出芳香，值得推介嘅炒飯 。因為飲品有半價，無理由仲喺奶茶、咖啡，雖然奶茶一向喺啲茶記嘅強項，但見到有新嘢就不期然想試吓。 多田紅豆冰 $12（正價$24） 咩叫「多田」？原來即喺加咗阿華田，似乎幾特別。大大杯紅豆冰面加咗好多阿華田，攪勻之後，又即喺凍華田紅豆冰，其實飲落又唔算好特別，叫做一杯嘢有兩種口味，又有凍華田飲，又有紅豆冰食，心理上覺得抵咗，哈哈 。米飯班煮個別菜式做得不俗，穩打穩紮，個炒飯亦甚有驚喜，不過，仍有啲地方需要改進一下，好似個豆腐咁，真喺嘥晒啲黑松露醬架！整體評價介乎OK與笑之間，但暫且俾住個OK先，希望下次再幫襯時，俾到個笑佢 。
繼續閱讀
路經這店多次，但都是過門不入，因為除了店名改得有趣之外，感覺只是跟一般茶餐廳沒有兩樣。不過，直至聽到同事說起這裡的黑松露菜式，在茶餐廳吃黑松露菜式，頓時提起了興趣。點了一個黑松露蛋白海鮮炒飯（$60），的而且確做得不錯啊，飯粒吃來乾身不膩，又有不少海鮮餡料，當然，最吸引的是每口飯也品嚐到黑松露的香氣，果然有點驚喜呢！看見飲品可獲半價優惠，當然不客氣要了一杯柑桔話梅蜜（$20），半價才只是$10，味道酸酸甜甜的，很有種健脾開胃的感覺，跟濃味的炒飯，很匹配啊！之後翻一遍餐牌，如小酒家般，還有很多小炒菜式，又是一個較大眾化吃晚飯小炒的好地方。
繼續閱讀
有次食友講揾食時提起《米飯班煮》, 我還賴聰明, 說紅磡也有一間, 食友告知雖是同一讀法, 但那間的「主」與這間的「煮」不同, 我真是不夠細心! 我們人少少, 容易便約定一個時間去這間米飯班「煮」共進晚餐, 當然由其中一位熟識荃灣的食友帶路。其實荃灣食肆真是多不勝數, 每逛一條街都最少有兩三間食店, 有平有貴、有特色也有平凡、有傳統老店亦有新力軍, 要在這區突圍而出並不容易。這食店是走茶餐廳路線, 提供多款小炒、煲仔菜、套餐等等。店外有一個勁大而耀眼的食店招牌能吸引途人外, 外牆亦貼滿色彩繽紛的餸菜照片, 真是不得不停下腳步看看。店內與一般茶餐廳的格局相若, 白色牆身配黑色的枱椅, 環境光猛, 以四人卡位為主, 卡位與卡位之間有一定的空間, 讓客人易於行走。我們坐下便馬上拿起餐牌看看, 選擇非常多, 看了一段時間才能把它看完, 內有單點亦有套餐, 大家說出自已的心水後便快快下單, 皆因肚子已卜通卜通在叫。第一時間上枱就是招牌桶骨大白菜 ($80), 真係用木桶盛載着。湯內有四大舊大過我拳頭的豬骨, 骨上帶有一些滿有肉香而腍嫩的豬骨肉。奶白色的豬骨湯味道香濃而不鹹, 啖啖鮮肉味, 相信絶沒有添加味精。還有新鮮翠綠的白菜和芥蘭, 爽口而滿有清菜味, 喝完一碗再一碗, 覺得好滋潤有益, 令我懷念着家中的靚湯。數款餸菜陸續上枱, 雖然可見廚房師父效率高, 但我就不太想一次過來齊, 總覺得吃不切而令它們全部都涼了。接著是蒜子枝竹冬菇炆盲曹 ($78), 原條盲曹炸至外皮金黃, 因已淋上獻汁, 故魚皮只是稍稍香脆; 魚肉肉質為結實, 但魚腩位置頗嫩滑。用了軟身而滿有豆香的支竹和厚身爽滑的冬菇件炆煮而成, 魚肉和各配料勻非常入味, 很不錯!還有蜜桃醬燒蝦球 ($78), 這是一道色彩繽紛的小菜。除了鮮橙色的蜜桃和蝦球外, 還有翠綠而爽脆的西蘭花伴碟, 賣相相當吸引, 未食已令人垂涎三尺。中等大小的蝦球外層炸粉薄而稍稍香脆, 蝦肉極至爽口彈牙, 甜酸醬汁剛好緊緊沾着整隻蝦, 再以酸甜多汁的蜜桃拌煮, 酸甜度調較得剛好, 再稍稍加了一點辣椒, 更加惹味, 是一道色香味俱全的小菜, 推介之選!這款是我點的蒜子蝦干魚鰾浸娃娃菜 ($70), 為什麼會擇選它? 皆因它是一個令我懷念的小菜。魚鰾即是魚肚, 我稱它為魚泡。記得小時候爸爸買鯇魚回家多數搭送一個魚鰾, 最愛跟哥哥爭食, 自問小時做不到孔融讓梨, 故最好方法就是一人一半, 但總是不夠喉, 現在逛街巿時就發現有一份份出售, 但並不平宜, 故很久都沒有吃過……這道小菜魚鰾的份量不少, 鮮味十足, 但可惜略為硬身, 需用力多咬才可。至於配料則有鹹香的蝦干、惹味蒜子粒、芹菜條和清爽的娃娃菜, 全部以魚湯半浸, 清甜鮮味。最後一款小菜是黑松露蝦仁蒸豆腐 ($78)。豆腐件上放了一隻蝦仁, 而蝦仁上則放了一少匙黑松露, 旁邊有數條深綠而清甜的菜心相伴, 賣相不錯, 但味道郤令我有點失點。豆腐欠滑溜和豆香; 蝦仁欠爽口, 但存有鮮味; 黑松露郤不突出, 整體一般, 有待改善。有多款餸菜當然不少得飯, 我們叫了一個黑松露蛋白海鮮炒飯 ($60)。粒粒米飯炒至。材料有細細的蜆肉、粒粒蛋白、爽口的魷魚粒和蝦仁, 黑松露醬則完完全全與它們混成一起, 啖啖香濃, 正!飲品方面, 印象中我從未飲過這款飲品, 今日想喝一點酸性飲品, 但又不想只是檸檬茶亳無特別, 故揀選了熱金桔話梅蜜 ($18)。原來它是深啡色, 內有兩粒鹹鹹酸酸的話梅, 其肉質已浸至軟身。暖笠笠的金桔話梅, 加入蜜糖, 鹹酸中帶點微甜, 感覺特別, 亦令人醒胃! 而其他食友則點了凍飲, 有特色的多田紅豆冰($24)及原個鹹檸梳打($22)。我總覺得多數茶餐廳的餸茶是多油多鹽, 但這裏郤有別於它們, 難得不油膩, 吃完後亦不口乾, 真的很意外。離開時再看看門外的菜單, 發現午餐都只是三十多元, 還奉送靚湯和熱飲, 相當抵吃, 我在港島區真的很難找到, 有機會一定會再來試試, 但……細想這收費可有利潤嗎? 真的有點擔心, 但請繼續努力吧, 相信美味的食物一定能吸引更多食客來光臨。
繼續閱讀