影片
港鐵天后站 A2 出口
繼續閱讀
開飯介紹
曼谷泰茱提供正宗泰國菜式,員工也有不少泰國人,充滿泰國人,充滿泰國風味。
繼續閱讀
營業時間
星期一至日
11:30 - 23:00
以上資料只供參考, 請與餐廳確認詳情
招牌菜
朋友請食飯，並提議泰菜，選就朋友下班選擇了天后店，之前從未光顧些店。失望的是朋友打了整個下午電話訂座，均是無人接聽或不通，最後walkin 19:30抵達居然不需輪候可直接入座。店舖不大但環境不俗，共二人關系所以安排了單，但當還未點菜待禮貌地告知轉四人可以較舒適，服務態度令人欣賞。開始點菜先來泰國啤酒，餐牌上泰式生蝦貼上暫停供應標纖，愛生蝦的我不禁失望，二人共點了五味菜。泰國啤酒金柚蝦球沙律十分多柚肉清甜醒胃，蝦肉爽口，配合花生粒、魚乾仔、椰子乾片，好食。泰式炒通菜小小辣，非常惹味。泰式小食拼盤(小)有香葉包雞(味道一般)、泰式春卷(脆口好食)、泰式蝦餅(彈牙有蝦味)、暹羅炸魚餅(味道可以)泰式豬頸肉較為一般，味道亦只算普通泰式辣椒膏炒花甲辣味重而入味，好食付賬共五百多元算是經濟，食品水準亦不俗。
繼續閱讀
曼谷泰菜都唔喺第一次到訪，不過，都喺去灣仔店。今回跟幾位朋友移師天后店，都喺方便其中一位朋友夜收工啫。可能喺快樂星期五，估唔到餐廳咁多人，所以，今晚出菜都比較慢，或者，喺師傅慢工出細貨 。因為天后店比起灣仔店細好多，加上依晚坐滿人，睇上面張門面相就見，真喺唔太方便影環境相，所以，下圖環境相都喺事後補影。今趟人少少，唔點太多嘢，志在跟老友聚一聚 ！ 金柚蝦球沙律 $92 記得第一次晌灣仔店食都無雕得咁靚，侍應話個師傅一時技癢，得閒雕咗幾個，因為唔喺枱枱客都有點依款沙律，整定最後一個送到我哋枱上。泰國金柚清甜多汁，大舊大舊柚肉，蝦肉又夠爽口，配合埋花生粒、魚乾仔、椰子乾片，材料十足，有口感，有層次 ，跟上次一樣咁好食。 椰汁紅咖喱牛肉 $88．焗蒜蓉包 $36 曼谷泰菜嘅咖喱菜式實在唔少，有黃咖喱、青咖喱、紅咖喱，可配雞牛豬，又有配雜菜、蝦球、魚柳……等等。依道紅咖喱牛肉，咪睇佢個樣唔喺幾紅，實質辣度十足，撈勻椰汁，稍稍中和，但辣勁依然，好惹味，牛肉亦都好腍滑 ；咖喱配蒜包都喺走唔甩嘅組合，焗蒜蓉包一客有5件，添上紅咖喱牛肉，咖喱味以外，又帶點蒜香，好食！此外，醬汁內仲有茄子、車厘茄、豆角等配菜作伴。 泰式炒通菜 $78晌泰國好多人叫「飛天通菜」，因為嗰邊有大牌檔將炒完嘅菜飛嚟飛去上碟，真喺神乎其技。依道菜製作比較簡單啲，但所用嘅通菜好鮮味。不過，都喺較喜愛之前試過嘅泰式鹹肉椰菜苗，大抵因為鹹香惹味啲。 泰式蝦球炒金邊 $82 個金邊粉炒得幾有風味喎，味道酸酸甜甜，帶點點微辣，少少濕潤，加埋銀芽，多添幾分爽口；主打嘅蝦球好彈牙鮮甜，加上蛋絲、花生碎，唧少少青檸汁，真喺口感、香味都豐富晒 。 香芒椰汁糯米飯 $52 「專燈」推介俾朋友試，因為個糯米飯唔單止煙韌軟糯，同時用上紫糯米及白糯米，喺其特色。配合濃厚嘅椰漿，清甜嘅芒果，作為一餐飯嘅作結就最好不過。最緊要都喺朋友讚好食嘛 ！晌門面仲見佢有啲豐富啲嘅2人、4人、6人、8人餐，都喺個唔錯嘅選擇嚟。好鍾意同啲朋友飯聚，談談近況，講講飲食，讓彼此晌忙碌嘅工作中抽抽身輕鬆一下 。
繼續閱讀
以前返工都會經過呢間泰國餐廳都見幾多人食，突然間諗起所以決定去試下。唔知係咪落雨所以無咩人。鋪頭入面泰國姐姐都會講廣東話。無set lunch只有單點。點左個2人份p既冬陰功$88，同青咖喱蝦球$84加白飯$12。冬陰功湯入面只有蝦一種海鮮，仲要係得一隻同大量草菇。味道唔算好辣，可以話幾淡下。青咖喱好多汁用黎飯一流，但媽咪話偏甜，蝦都有7,8,9隻入面仲有泰式茄子蕃茄同豆角。碟白飯size足夠2個人食，如果唔太來食的話。其實好多野都想叫，可惜得2個人，唯有下次啦！
繼續閱讀
帶個女上堂之前, 食了個午餐. 見到這一間的午餐價錢都合理, 就入去食了.炒金邊粉, 份量很多而且米粉乾身爽口, 蝦不多不過彈牙. 很香很好食.勒沙, 湯頭很濃郁的椰子汁與香草味, 辣辣的. 札肉與生牛肉都不錯.
繼續閱讀
3月2日, 天后一帶都有唔少泰菜選擇, 而且間間餐廳出品都幾唔錯~ 鄰近嘅泰姐廚房同泰出色都已經食過幾次, 今次決定行遠少少去到天后地鐵站隔離嘅曼谷泰菜一試.::: 泰式蝦球炒金邊粉 + 凍檸水 ::: $40+$2泰菜之中, pad thai都算係最試到廚師手勢嘅一項~ 而呢個泰式蝦球炒金邊粉亦都算係水準之上! 首先賣相已經好高分, 金邊粉同花生碎等配料分開上, 再加埋三隻大碼開邊蝦球, 真係未食已經流晒口水~ 曬上少少青檸汁, 撈埋所有配料一齊食, 金邊粉調味甜酸有致, 亦都炒得乾爽分明, 難得佢仲要唔太油. 食過唔少泰國餐廳嘅pad thai, 呢度都算係數一數二好味!凍檸水正常, 檸檬片多番d就更好~::: 香茅雞翼扎肉湯河 + 凍咖啡 ::: $48+$2湯河上枱, 份量唔少~ 有2隻雞翼, 加幾片扎肉, 仲有一大塊白蘿蔔~ 湯底好濃嘅香料味, 啖啖嘅湯都濃而不膩, 亦唔覺有落味精~ 雞翼都好香香茅味, 雖然浸住喺湯都唔會太淋, 而扎肉就幾實淨, 只會好似一D札肉薄依依咁~ 河粉都幾入味, 爽口都有D彈牙~以為凍啡係泰式嗰隻, 不過原來都只係普通嘅港式咖啡. 不過啡味都唔錯, 奶味又唔會好濃, 加上好夠凍, 一杯水準嘅凍啡~曼谷泰菜其實都已經有唔少分店, 食物出品亦可以話有相當保證, 起碼食過幾次都無乜失手先! 環境方面亦算幾乾淨光鮮~ 係天后泰菜嘅好選擇~
繼續閱讀