77
8
2
港鐵香港站 C 出口, 步行約5分鐘
繼續閱讀
電話號碼
28335700
開飯介紹
來自法國的高級餅店,專售賣充滿少女情懷的馬卡龍餅和朱古力。位於中環IFC的它,首次在香港亮相,是總店繼東京之後在亞洲的第二擊。所提供的馬卡龍味道其中包括焦糖、熱情果、玫瑰和綠茶等。
繼續閱讀
營業時間
星期一至日
10:00 - 21:00
以上資料只供參考, 請與餐廳確認詳情
相關文章
行過IFC,肚仔響,咁啱馬卡龍呼喚緊我!入咗Pierre Herme,啲馬卡龍色彩繽紛,吸引到我即刻入手三款最吸引嘅口味。 第一啖咬落去嘅Ispahan,真係正😍!一啖玫瑰香味,一啖荔枝甜,仲有啲細細嘅覆盆子果肉,啖啖驚喜,不過甜得剛剛好,食咗仲想再食。檸檬味嘅Infiniment Lemon,就清新哂!檸檬味啱啱好,唔會過酸,簡直係夏日裏清涼嘅一抺。最後嘅Infiniment Caramel,啲鹹牛油焦糖味好濃郁,鬆軟嘅馬卡龍同香脆嘅焦糖層次感好豐富,係甜品界嘅小確幸🥳!每一款馬卡龍都各有特色,食落嘴感覺就像係細路仔咁,眼前彩虹般嘅甜品,一個個試,每一個都係驚喜。呢間店嘅馬卡龍,已經讓我食得好開心,唔單止美味,仲讓我想一試再試啊🤤! 下次一定要再黎,試埋其它款式!
繼續閱讀
走進來Pierre Herme,每款macaron顏色都係咁鮮艷,真係難得一見。我點咗Caramel味,一咬落去個濃郁嘅焦糖香突然間四溢,啲macaron厚身得黎中間啲夾心軟綿綿,啖啖都滋味十足。🍰轉頭又試咗個Chestnut果仁。頂部啲果仁粒含喺口入面啲嘢,啖啖脆,甜而不膩。其實我之前一直都唔愛吃macaron,因為覺得佢哋只係純粹甜。但Pierre Herme嘅macaron喺幼滑同豐富層次上面做得好出色,完全顛覆咗我之前嘅偏見。🍪食住呢啲精緻嘅甜點,我覺得自己有啲得意,好似置身於法國咖啡廳咁。🇫🇷 不論係送禮定自己享受,呢啲macaron都絕對適合。下次我一定會再戰,試吓其他新鮮出爐嘅口味!
繼續閱讀
提起Macaron,唔知大家會稔起La Maison Du Chocolate 定Laduree 定Paul Lafayet呢?平凡既我地比較喜歡Pierre Hermé Paris既馬卡龍。以前佢有分店係Ritz Carlton,工作關係都會放工買黎食😋,後黎得番IFC店就少左食喇😣今日經過就買左盒黎食🥰提提大家,佢係無得散買架,一定要禮盒裝咁買,咁先有個原因買多幾種味道試試😏。Macaron既基本材料係蛋白,杏仁粉,白砂糖同糖霜,見到成份表都覺得甜膩十足,但PHP既macaron 係一啲都唔會令你覺得好似食左成啖糖落肚,佢有魔法令你一啖一啖咁食,食完仲會念念不忘,好邪惡😈而且PHP對於macaron酥脆度同煙韌感比例仲拿捏得好好👍🏻每一隻味都好出色,尤其係開心果同玫瑰,坊間好多開心果味或者玫瑰味既食物都有好假既香精味,特別係玫瑰味會有一種食handcream既感覺🤢,但呢度就無🤤。平凡既我地未去過巴黎食,唔知巴黎出品會不會比香港既更加出色呢?
繼續閱讀
我同老公都係法國控,更可謂是不折不扣的甜品迷,自從度蜜月到訪過甜品聖地巴黎,幾乎餐餐甜品當飯吃,以致現在雖已回港兩個多月,我倆仍是身陷歐遊後遺症當中,三不五時就提起什麽什麽時候,我們正在吃什麽,而其中我們常掛在口邊的,就是我們在當地最後一夜誤闖入的Pierre Hermes的一種難以忘懷的香氣…回想當時,因爲我們剛吃過大餐,故撐著肚皮下就只是隨意挑了兩粒馬卡龍來淺嚐淺嚐,卻沒想到就這樣遇上了我倆命定的馬卡龍---白松露榛子馬卡龍…仍記得我和老公是一人一粒同時放入口,也是同時瞪大眼瞪,一致認為這是我們吃過最美味的馬卡龍!可惜那夜後我們便飛走了,所以就再沒能多吃幾次……適逢今日老公生日大晒,在前往中環慶生飯餐廳前,我知道附近IFC正正就有Pierre Hermes的香港店,便借故帶他兜路前來,想以馬卡龍取代蛋糕,給他一個小小surprise, 也順便複習一下我倆的甜美回憶:)要知道在香港,馬卡龍的售價一向不平宜,而這間的價格更是數一數二的高,差不多是巴黎分店賣的一倍呀,而且不能散開逐個買,一定要按禮盒的買,最小的七粒裝就要接近hk$300…老公一看價錢,本來是想拉我走,又客套說不用了(說時眼晴明明盯著櫃內的馬卡龍)..沒所謂啦,都說了,老公生日大晒嘛,我也是超想知道香港店到底有沒有巴黎店的水準,所以最後還是買了:白松露4粒,另外在店員推介下買了1粒玫瑰,1粒百香果,1粒羅勒雲尼拿。計起上來,將近四十蚊粒就只是咬兩口,但我依然會說這家的馬卡龍相當値得,原因有好幾個:一,口味繁多且獨特,坊間別處有的味道它都有已不在話下,最意想不到是它竟將鵝肝放進最新口味中,相當大膽創新~要不是老公不喜歡吃內臟,我一定嚐嚐;二,口感也是獨特,別家吃到的馬卡龍多是外脆內軟,而這家除了做得濕潤之外,質感是煙煙韌韌的,吃著有種以為在吃棉花糖的錯覺,相當有趣;至於要數第三個理由,無他的,我就愛它們品質穩定,要知道IFC這分店做出來的味道,和我倆在巴黎時吃到的,真的是一模一樣…只要把馬卡龍稍稍靠近鼻子,就能嗅到濃濃的白松露香氣,放入舌中咀嚼,那香味更是頃刻間佈滿每個味蕾,與榛子配合得天衣無縫....情形就試聯想一下美食卡通片,你滿足到整個人彷如翻滾在整片白松露海之中.....哈!也許有人會說我誇張,但懂得吃甜品的樂趣的人,一定會贊同這家的馬卡龍物有所值的,誠意和大家分享我的甜美回憶。而老公在快速ko7粒後,表示相當喜歡這個生日小驚喜
繼續閱讀
自從品嚐過Pierre Hermé的馬卡龍之後,便不自覺地欣賞,尤其是每季都推出不同的口味,令人食極都不會討厭!今個聖誕節,Pierre Herme推出的精品有Les Adorables 新口味馬卡龍、Signature / Initiation / InfinimentGrande / Nicolas Buffe 馬卡龍新包裝、新口味 Truffles、Galets、Chocolate Bonbons、Chocolat au Macaron、Cakes、Marrons Glaces、Fours Moelleux 與及 Hampers,產品真是多完化,而且可以任意配搭,難怪深受愛甜的朋友歡迎。今年新產品是 Noisette & Foie Gras 鵝肝榛子味及Infiniment Citron Noir 黑檸檬味。Noisette & Foie Gras入口當然是外層飽滿酥脆,內裡陣陣鵝肝幽香,夾雜了榛子粒,層次分明,相當有特色。Infiniment Citron Noir食落帶種咸柑桔的清香,吃起來甜而不膩,兩款同樣精彩。最驚喜的,是由法國空運來港的獨立包裝Marrons Glaces 糖漬栗子 ($250 6pcs / $480 12pcs / $790 20pcs),一共有糖漬、白蘭地酒及朱古力三種味道。糖漬會比較甜,而且栗子的質感已經變得軟稔,帶點軟糖的感覺。白蘭地酒味多了種酒香,令栗子的味道不再單調,而且口感不變,個人最欣賞。朱古力則用厚厚的朱古力緊緊包裹了糖漬栗子,甜度比單純的糖漬更輕盈,有點怪是嗎?當然,店方的兩款新口味Matcha Green Tea及Chestnut Truffles 松露朱古力,同樣是魅力非凡。在這個聖誕節,單是走進Pierre Hermé,已經有不同產品供大家選擇,大家又何須為選禮物而煩惱?
繼續閱讀