影片
以上資料只供參考, 請與餐廳確認詳情
招牌菜
24-7-2009離開書展, 距離「下場」仲有兩個半鐘, 返屋企又唔係, 唯有搵個地方坐吓. 呢間幾唔起眼的 coffee shop 啱晒, 飲杯 iced caffe latte (14oz $24) 吧.Iced caffe latte 凍係夠凍, 飲落奶味極重, 咖啡味就太淡, 我去了 S 字頭連鎖? 可幸甜度唔高, 始終都比「星記」好.鋪位唔起眼, 但都唔少人, 不過靜靜的幾好「蛇」, 唯一唔好應該就係麻麻的 ventilation; 店員們幾 nice, 感覺不錯的一個地方.$24 一杯咖啡飲足兩個鐘, 幾舒服的一個下午.
繼續閱讀
這餐廳不太起眼,不在食肆雲集的三里屯,也不在鷹君中心,獨自留守在中式百貨華潤的旁邊.店內燈光比較暗,傢俬,裝潢以黑,紅為主調,只有一張長沙發,其他的是普通椅子,談不上很舒適,但也給人很簡潔,優閒的感覺.餐牌食物都以簡單為主,不外是三文治,沙律和意粉.下午2:30-6pm為下午茶時段,有下午茶餐之外,其他食物也有8折優待.下午茶餐選擇不少,厚多士,沙律以至薄餅亦有.對其德國香腸菠蘿蘋果沙律很感興趣,要一客refresh一下也好.蘋果用上較大的富士蘋果,連皮切粒,又甜又爽.德國香腸外皮煎得極之香脆,有點似芝士腸的模樣.還細心的放了mustard在碟邊,令美味倍增.唯一敗筆是沙律醬過多,令原本清新的沙律變得有點漏.同行者較肚餓的關係,點了一份磨菇雞肉腸蛋三文治餐(烘底+$2).這店很推崇健康飲食,在三文治旁也放了兩片西瓜,雖然賣相又點怪,但健康比一齊更重要.磨菇雞肉腸其實是火腿,只是味道較一般的更佳.配合炒蛋,生菜和蕃茄.麵包用了較健康的麥包,很有營的一餐.餐飲要了House Coffee,對其出品的咖啡信心很大,因店裏大售各色各樣的咖啡壺,看得出店主是一個愛咖啡之人.咖啡香濃,味道亦甘醇,不用花巧的做法已能感受咖啡的香,很難得.店子雖少但員工卻不少,而且員工也很熱情,很細心的介紹餐牌食物,亦笑容滿面,自動成為我在灣仔覓食的其中一個選擇.
繼續閱讀
吃下午茶已成為我生活的一部份，到咁上下時間，自然會去找東西吃。是日麻煩野特別多，工作到頭昏腦脹，走出去鬆一鬆，順道吃餐下午茶。三里屯附近其實好多咖啡店，差不多每間都品嚐過，惟獨是Barista Caffe未到過，有興趣一試。這裡的店子很小，佈置簡約，又播放著輕音樂，坐在疏化上吃點東西，喝杯咖啡，挺寫意的。有好幾款下午茶餐，甚至乎港式的公仔麵也有得供應，價錢也是頗大眾化的。始終覺得去咖啡室食公仔麵是幾茂李的，我還是要個香腸菠蘿蘋果沙律，一杯細既意大利咖啡。兩條幾豐滿的香腸，咬落幾有口感，肉質不會死實實咁，腸衣煙煙韌韌，都算係咁，配合芥末吃更為恰當。菠蘿是罐頭貨色，不過蘋果就是新鮮的富士果，既爽口又清甜，混合沙律醬及些少黑胡椒，清新美味。意大利咖啡送上，不拉花的，奶泡幼密，咖啡香濃，入口順滑，喝到最後奶泡也沒有散，相信功夫不俗。我對咖啡沒有認識，但飲後覺得幾舒服。輕鬆過後，又係時候重返工作崗位，還有數不完的工作等住我做呢！
繼續閱讀
炎熱的週末下午吃過十三座牛雜後走到了三里屯,這裡的餐廳客人不多,下午茶餐也頗對眼,只是有空調位置極少,沒空調的真的不是我要的,最後走到這裡涼涼冷氣好了。餐廳裡面燈光偏暗,坐在軟梳化上有點想睡的感覺;天氣實在太熱,實在不能吃熱湯麵了!為求涼快點個香腸蘋果菠蘿沙律再+$8來個清涼檸檬梳打。檸檬梳打有點像七喜加檸檬汁,酸酸冷冷的飲品在高溫下實屬妙品,只是店方堂吃也用上外賣塑膠杯,似乎不太環保哩!沙律用上了一整個富士蘋果,甜甜的蘋果混上沙律醬味道己是不俗,還加上點點胡椒調味,味道又變得更加特別!!菠蘿用上罐頭貨色,要是可用上鮮菠蘿,味道會更加鮮美!!除了兩款水果外,還有火箭菜、羅馬生菜和紫色沙律菜各一條,真的只有一條!!這方面就有點小家子氣了。胖胖的兩條香腸看來用水煮熟,腸仔的味道大同小異,不過抹上芥末之後就變得好吃多了!吃完整盤沙律後,整個身體涼快舒服得多了!! 只可惜店內兩款蛋糕不太吸引,不然再來個甜品就太完美了。
繼續閱讀
對我黎講, 灣仔華潤不嬲都係貴價野 (可能好多人覺得係平)上次無意中發現呢間 Barista Caffe, lunch time 未夠12:45已經爆晒, 仲要室外都 full晒, 有 1x人o係門口等位, 應該唔錯終於有機會試啦1815到, 可能夜晚 d人放晒工, 得 4台客, 一睇, 原來 tea set去到 1830, 酥皮德國腸迷你批 tea set都係 $36, 仲要包野飲, +$4 soft drink, +$8 tall coffee正常 set就 $66, 包 soup, 仲要 1830前有 8折, 仲要免加一, 好抵, 最後我揀左 normal set味道唔係話好好食, 中等啦, 最 o岩坐得耐傾計, 有sofa, 可以叫個set, 舒舒服服坐成晚
繼續閱讀