影片
招牌菜
一月底o既星期六下午,原本想到九龍城街市o既樂園午餐,坊間有個傳說,要去樂園食野o既人,頭一兩次去到都會遇上店舖關門,我當日2pm 前去到,佢地竟然話就快關門,唔再做生意記得當時新聞話,九龍城一間有65年歷史o既添財記就快結業,將會有好多街坊排隊幫襯,可能係上天o既安排,去樂園冇得食午餐,梗係叫我黎呢間做埋之後一日就光榮結業粥檔其實我之前對添財記唔認識,本身又少去九龍城,既然佢就快結業,我就去試下呢間街坊食肆招牌食品當我去到添財記,見到大約十幾人o係店外輪候入座,其實俾我想像中少,因為以往有o的老牌食肆快將結業,會吸引幾十人排隊,等左大約10分鐘就輪到我入座,呢o的街坊食肆梗係要同其他人一齊搭枱食野添財記係家庭式經營,唔做晚市,開放式廚房o係近門口位置坐低見到牆上貼滿唔同食品名稱及價錢,真係花多眼亂,一間舖有粥有糉有炸兩腸粉,又有雲吞牛腩麵,更加有奶茶咖啡多士同埋炸豬排公仔麵添可惜我當日最想食o既炸兩已經賣晒,另外見到有幾張紙話乜野食物飲品賣晒,最後我叫左一碗艇仔牛肉粥$17,另外叫左一碟炸豬扒$18大約等左10分鐘,艇仔牛肉粥及炸豬扒都黎左艇仔牛肉粥材料都算足夠,有土魷,豬皮,牛肉,花生,豬皮彈牙,牛肉係o的碎牛肉撈埋炸米粉o個種,花生香脆有咬口,落左少少蔥花,o的粥軟綿,有米香,食落唔口渴至於炸豬扒係一款幾多人叫o既小食,我覺得一般茶餐廳冇咁多人就咁叫炸豬扒,通常都係叫碗豬扒麵,一塊豬扒都幾大塊,切開大約五件,似係撈左吉土粉黎炸,雖然豬扒係雪藏貨,佢地整得鬆脆又好味當我差不多食飽o既時候,大約3pm見到間舖落閘,原來好多野都賣晒,就連汽水都冇,就算附近有士多便利店可以補給,佢地都唔去買汽水返黎,索性早o的關門唔做生意,冇得食o既客人就要明天請早一間專做街坊生意o既舊式粥檔,餐廳環境及侍應服務只係一般,食物質素算係唔錯,但唔覺得十分好食,或者九龍城街坊食開有感情,先會覺得o的野好好食,日後冇得再食好可惜啦!自從遊輪碼頭開左之後,九龍城o的舖位升值,添財記呢個舖位有三十多年歷史,雖然佢地買落個舖位唔洗捱貴租,不過老闆見到租出去俾其他人,每月收返黎租金搵得仲多,洗乜咁辛苦每日賣粥粉麵,相信呢類故事可見將來會繼續出現,遲o的週圍都係莎莎藥房米蘭站呀!
繼續閱讀
家住九龍城，不得不提早餐常到之處添財記。添財記在九龍城經營多年，此類舊式粥檔買少見少，作為街坊既我，喜歡此處夠地度。是日中午時分，點了炸両、豬肚艇仔粥和奶茶。炸両失敗 以前通常早上光顧，炸両外滑內香脆，本來是本人最愛食品之一。非常失望，今次吃的，腸粉皮依然滑溜，但是炸両不新鮮，太淋，鼓油太多太咸，本人當然沒有把它全部吃光，不愛浪費，但太差的也不能強迫自己。豬肚艇仔粥彈牙 以前通常會叫牛肉粥或皮蛋瘦肉粥。新嚐試要了碗豬肚艇仔粥，大大碗，好多料，粥軟綿有米香有腐竹香。豬肚夠淋，魷魚、豬皮彈牙，加上香脆花生，有咬口！奶茶一般 奶茶第一口感覺茶味太多，奶和茶比例不夠對稱。茶香較重帶點滑，總體上還可接受。侍應、環境及服務就一般，不能抱任何期望。
繼續閱讀
近年到九龍城吃早餐，不是街市上的樂園，便是那些點心店，龍城晨光第一粥，不嚐此味久矣。每到周末日，添財記的門外，聚集上大多等候的食客，平日則完全是兩個世界，我曾在多年前的食評上，說其油條是即炸，熱辣辣入口，不能不說一聲：爽！多年以來，添財記還是不斷地炸油條，任何時間都吃到一口新鮮熱辣的油條，即整的貨色，沒可能差，這個道理，小學生都會明白。看見牆上的餐牌，見到有一味三料粥，原來是自選三種配料，如皮蛋，魷魚，豬紅之類。這個粥底沒有整色整水，只是簡簡單單，入口軟綿，帶點米香，爽滑的豬紅並未完全染紅此粥底，皮蛋還未夠入味，整個粥底差不多全是魷魚味道。開放式廚房前的一大窩豉油王炒麵，是該店熱賣之一。炒得均勻，乾身，香氣十足，不油膩，非常好吃。差不多是全個九龍城，早上吃粥品的唯一選擇，難怪一到周末日，門外大排長龍。
繼續閱讀
平時人山人海嘅添財記，今日行過見唔駛等位，就入去試下。食左個艇牛粥，$16嘅艇牛粥，大大碗，料都好多，粥底好味，唔錯唔錯，抵佢平時要排哂隊嘅今時今日依d 咁舊式既粥檔買小見小, 真係要好好珍惜及懷念下
繼續閱讀
曾幾何時, 好喜歡去添財記, 不是這區居民但每個月總會專程來幾次, 可能因為此類家庭式經營的店子買少見少的緣故, 總覺得有點意思, 加上有粥有麵有水餃有糉吃, 有茶有啡有炸豬排福麵, 有炸兩牛腸有多士如此種種各式各樣; 大夥兒坐埋一檯你叫你的我叫我的梗有合意的, 況且, 店舖大座位多, 即使爆場, 等一會都好快有位; 還有還有, 於我而言最重要的是......它的凍鴛鴦好合我口味, 總之...慣性腳步令我隔一輪就來打個轉........年復一年都十年有多了, 形容這麼仔細, 因為以上這一切終於已成為我美好回憶的其中一部份, 自此以後, 不相往來, 可免則免. 有網友都寫過, 此類老店有它的'特色'就是明明一隻大油鑊在店前, 油器肯定是自炸而非交來, 或者...可能....是計盡算盡開一次鑊成本是幾多幾多的關係, 不是嗎? 它的炸兩十次有九次都是來了'淋'的油炸鬼, 總之怪只怪我們太懶太晏, 十點後又偏要叫炸兩, 心甘情願, 次次來都要叫, 這只是自作自受不是嗎? 近年我已忍了好幾次除了那十年如一日的隔夜油炸鬼外, 連面頭的腸粉也出了問題, 甩甩漏漏又有, 好似"翻蒸"蒸爛晒又上桌我都食咗, 搞咩? 這不是情意結是什麼?! 要俾錢的呢!!! 好吃嗎? 腸粉皮特別好吃嗎? 林了的油炸鬼貪佢咬唔開好吃嗎? 豉油有調得特別好味嗎? 是我們做客人太挑剔了, 有得吃便吃吧諸多批評...你不要嗎?... 總有捧場客, 中午來往往已售罄, 有錢也沒得吃, 吹佢唔漲! 都好幾次機會了, 只怪那該死的'慣性', 已'掹耳仔'盡量記著要自己記得不要叫, 想飲凍鴦就叫凍鴦好了....都算, 各位睇埋下文知我做咩咁多口水...剛習慣了不要叫炸兩, 淨飲鴛鴦再去另處醫肚, 但又口痕叫鮮油奶多, 食咗幾次梗是見唔到一整片鮮油, 那小半塊鮮油上枱後不出十秒八秒已溶入多士.....咁....同奶油多有咩分別? 都係同一句: 你所見的就是我所吃的, 真差! 到底阿叔明唔明叫得鮮油我唔怕肥啦仲有我想見到兼咬到片鮮牛油的渴望是有多麼強烈? 更何況鮮油奶多比起奶油多是貴兩蚊如果我無記錯的話...事已至此, 無謂多講, 純綷自己犯賤, 問自己除了杯凍鴛鴦, 還有甚麼吸引非必要來這兒? 我貪平嗎? 價錢亦不便宜, 多士8蚊, 凍飲14, 四處也是差不多...我心死, 所以影低這件所謂鮮油奶多'告誡'自己: '行人止步, 三思啦阿大小姐...'本來都諗緊不寫食評了, 寫來幹麼, "悼念"它嗎? 慳番啲時間近來咁忙...怎料, 個多月後去了筲箕灣的某某長龍魚蛋粉店, 發現有鮮油奶多, 上枱時見'久違了'的鮮油尚在微暖的多士上, 多士又脆又鬆化, 多好吃啊! 為何一件這麼普通的多士添財記都做不好? 我決定抽一小時寫兩店的食評讓其他人也看看. 我想是多士烘好了, 你即刻上那塊細細片的鮮油, 熱熔了它你估你和上餐的姐姐哥哥會不知嗎? 魚蛋店的多士很脆微暖我估是烘好後要用少少心機TIME好時間才上件牛油, 那件牛油也不如你的小家子氣薄薄的半片; 人家的造法你不會不懂但你們已'無心', 所以也慣了食物是此等水準, 食你就食啦, 唔食下次咪來相信是你們近年做生意的座右銘, 反正街坊嚟開有感情多個唔多少個唔少. 添財記, 拜拜了! 除非有必要的原因我不打算再給你機會再試了, 因你有'幾十年'的老經驗, 多我一個客又如何? 你珍惜嗎? 你這幾十年來或近這十年八載有進步過什麼嗎? 別忘記我是要付錢的不是吃免費餐! 而且, 最最重要的是你那杯凍鴦也失色了, 不信的話, 自己沖杯試試吧! 行過幾個街口的順X茶餐廳已比你好, 只是我的情意結令我來, 我現在反省了所以在此和你道別, BYE~
繼續閱讀