影片
營業時間
星期一至五:11:30-15:30; 17:30-3:00
星期六,日:11:30-16:00; 17:30-23:00
以上資料只供參考, 請與餐廳確認詳情
招牌菜
６／２７之前去完韓國食過正宗既石頭飯．．突然想再食．所以選擇左南山谷試下．同男朋友叫左個霜降牛．好好味．再叫左個石頭飯一齊食．．雖然點都稱不上韓國地道的．但總括黎講都幾好味．．本來諗住遲ｄ會再去食．新開左個ａｃ寫食評先發現結左業．．可惜！
繼續閱讀
平時番工近新城市, 都會有時黎呢度食. 同同事大家都會叫個set lunch. 我就必會選傳統石頭飯. 初初都冇落盡佢碟漿, 但原來落晒最好味同埋唔辣. 亦都試過同事一啖海鮮石頭飯. 雖然我都好鐘意食海鮮, 但始終都會選傳統.另一次幫襯, 第一次食晚市. 和三位朋友入座. 最後叫了Set Dinner.有個刺身拼盤. 有海膽, 有帶子. good.熱切期待既人參雞湯. 朋友話味精重. 人參味不太重. 我覺得味似花旗參湯. 有原隻雞. ok傳統石頭飯. i like it牛柳粒(散叫, 準確名唔記得). 我覺得好好食. 有機會下次黎都會叫環境唔錯, 服務冇問題. 價錢偏貴. 但位於新城市ok
繼續閱讀
2008-05-24是日晚與上年一起赴英交流的同學和教授聚舊，選址這間韓國餐廳。前菜為兩小碟的泡菜和芽菜，前者辣味十足非常醒胃；後者則淡而無味。主菜方面則叫了一大堆，仍依稀記得的是那個雜菌炒年糕和石頭飯是非常好味的，其他的也不賴。
繼續閱讀
在沙田冇其他韓國菜得揀的情況下入去食，友伴堅持，食得幾無奈。二人行，星期五，六點半，入到去可能太早，只有五張枱左右，叫咗五食送，其中沙律和粉絲上到枱的速度是叫人驚！其實好好控制下做到一氣呵成咁感覺會食得開心D！！味道 頭盆－泡菜，芽菜，送的。雖然知道這裏是港式韓國餐廳，但打正韓國嗰名這兩個頭盆實在也太小家了！味道不提也算罷。寧願你其他嘢貴D補返個成本！個餐牌可以叫的又盡是不倫不類的日式頭盆！輸咗嗰頭！南瓜沙律－賣相不算靚，質感怪，但很濃的南瓜味！喜歡南瓜的人必食。韓式粉絲－粗粗的米粉咁，味道很一般。韓式餃子棒－印象真喺唔多覺見過其他韓餐有餃子，抱着試試的心情，感覺幾好，熱辣辣！口感－流，但說穿了其實不過是好味的越南炸春卷，真係唔知有乜分別，但都係好味的！附上的醬汁有很重韓式燒醬味，希望佢哋本意唔係話點咗D醬就可以由越南嘢變韓國嘢啦！芝士煎餅－色香味都齊！推介，但係本人覺得附上的醬汁可以不沾食，本身也好好味！ps..煎餅的醬和餃子的係同–種醬！燒牛肉－唯－有驚喜的，味道鮮美，有牛肉香味伴有洋葱和草菇脚，比餐牌上仍圖還要大還要多！肉感感動！環境+衛生 暗暗的，感覺乾淨！坐卡位，普通的舒服。服務一流，好有禮，自動自覺拾嘢比茶，同佢講唔該，佢會有禮答你唔使唔該，不止一個係咁，少有！不過其中一位哥仔可能太勤力.....體味強橫! 抵食 二人吃韓國嘢飲埋洒都係三百頭，算平，但係D嘢又唔係好正宗又唔係好好味，拉返平，只可話ok抵食。會再吃都係因為沙田得佢一間，推介比friend就唔會啦，出面多的是。
繼續閱讀
13.05.2008响沙田搵地方食飯都幾煩, 表面好似好多嘢食, 但係真係好食嘅真係唔多, 攪到食嚟食去都係果幾間!!終於响上個星期食iunch嘅時候, 搵到間值得推介嘅韓國居食屋--"南山谷", 食過一次lunch覺得唔錯, 所以今次晚飯再揀佢, 依然對辦, 而且所點嘅菜式每款都好有水準!! 大約7:30去到, 竟然唔使等位, 一坐低鬼死咁肚餓, 即刻點菜, 叫咗"泡菜海鮮鍋", "牛肉石鍋飯"&"清湯煮蜆"好快就有得食, 就急不及待試下......連相都幾乎唔記得影....."泡菜海鮮鍋"嘩~~啲海鮮舖滿晒個鍋, 而且顏色鮮紅色好靚, 好似好辣咁, 其實唔係太辣, 相信一般人絕對可以接受, 其實咁紅, 唔止因為啲泡菜, 裡面仲有蕃茄, 好聰明, 因為蕃茄絕對可能中和泡菜嘅辛辣味, 而且仲帶起蕃茄果種鮮味, 好配搭!! 海鮮仲有蟹, 蜆, 墨魚仔, 立魚, 帶子, 蔬菜有金菇, 蘿蔔, 脆肉瓜, 鮮冬菇, 紅蘿蔔等....材料非常豐富, 真係估佢唔到, 而且大大鍋抵食又好食, 啲湯又好味, 正!! "牛肉石鍋飯"生牛肉, 有啲冬菇, 紅蘿蔔等蔬菜, 再混入韓式辣醬, 並即場幫你撈埋, 都唔錯, 不過濕咗啲, 都好食!!"清湯煮蜆"(個菜名唔係好記得)好好味, 啲蜆肉漲卜卜, 好鮮嫩, 連帶啲湯都好鮮味, 裡面有洋蔥, 仲有有黑胡椒嘅香味, 個呢一定要試!! 不過.....因為實在太好味, 食咗大半先記得影相, 唔好介意, 因為可以見到啲蜆肉漲卜卜, 肉酸啲都要登..... 絕對驚喜的一餐, 值得一試
繼續閱讀