影片
營業時間
星期一至日
07:00 - 23:00
以上資料只供參考, 請與餐廳確認詳情
招牌菜
今日同媽去完拜神,順便去呢間素食店食野,入到去無咩客,間店都幾大間,好多位,當時得五台客人,望下果一張餐牌...選擇不多,(桌面還有的餐單就是幾人套餐,和忘了早市or午市點心)問侍應仲有無其他餐牌,佢話平時有.但而家無.因為仲做緊新年餐...(有D出奇.今日都年廿二,仲係新年咩?)想走,但壺茶己經到左,所以就諗住是但叫D食算叫左一碟菘子雞粒炒飯(大碟味道一般)一個栗子竽頭雞(好淡無咸味..栗子好硬)一碟齋鹵味,就呢三樣,由於個竽頭雞太淡,桌面又無放任何調味品,問侍應有無鹽,佢話:m..鹽呀...然後有另一個侍應提佢咁要入去廚房取,講真我食左廿幾年素.好小食到間會令我覺得難食ge.我同媽講.下次不會再來.雖然佢D野都ok大碟.但我覺得好麻麻.所以每碟同媽也只食左兩三成,媽唔想浪費.就叫侍應要三個外賣盒,埋單時竟然係339元,我覺得算貴同唔值,如果真係好味ge我都無野好講,同朋友講起呢件事.朋友們都話貴.而且試過呢間麻麻地..總之絕對唔會再幫襯呢間野
繼續閱讀
今日同屋企人去完黃大仙廟，諗住近近地就試吓呢間百好素食，點知一肚氣，服務態度勁差， 職員攞錯點心嚟，叫佢換過，係都要話係我地叫錯，換過咪得囉，點解係都要話番我地呢，佢係咪會開心啲呢，又無人加水，仲要價錢勁貴囉，外賣酸齋48蚊又大盒，堂食要80蚊，又細碟，又唔好食，下次請我都唔嚟!
繼續閱讀
系屋企出發去九龍塘還神途中, 老公話不如黃大仙落車去龍翔食野, 好過去到九龍塘得又一城快餐, 出龍翔出口時見到呢間素食既廣告, 老公知我鐘意食素菜, 又適逢入廟, 就提議不如食素菜啦..點知入到去一入去指左我地去卡位.. 無人招呼, 無茶無水, 呢d 咁既環境, 收費仲唔係平, 卡位既茶位仲貴得驚人, 由我地入去到出番去, 只見到個阿姐一直系圓枱度同個阿婆大大聲吹水, 叫佢落單又唔應, 傾足個幾兩個鐘, 之後個廚同個收銀無野做仲出埋黎一齊傾, d 野食又超難食, 乜都係一樣味... 口感又差, 好似好唔新鮮, 放左好耐咁..雖然話賣素食, 但係d 人面目可謂無一個仁慈, 呢間shop 可以話係2013年我去咁多間餐廳最差既一間, 要服務無服務, 要好味唔好味, 2人埋單仲要成兩舊水!!! 一定唔會再去!!!
繼續閱讀
自小女踏入中年, 發覺健康的身體配上健康的飲食習慣是非常重要, 而且是相對. 百好素食是一間歷史悠久的素食餐館, 在小時候到黃大仙拜拜後, 便順道吃一頓齋宴. 到現在, 沒有原因下仍會跟媽媽定時定後吃一下, 清清腸胃. 加上近年肉類污染太多, 又不人道, 令我重視了生命, 以多菜少肉為主.現在吃齋菜一點都不便宜, 兩餸一湯就超過$200. 最近到百好已經覺得態度和水準都差了, 這次更讓我有比錢買難受的感覺, 就為了一張發票. 北菰雪耳甘荀煲木瓜一個又簡單, 清涼和清甜的湯水類, 可滋潤乾燥皮膚. 老火湯已煲得食材顏色混為一體. 雪耳一大塊, 膠質重. 湯可分差不多5碗, 最後喝不完外帶了一碗連渣. 紅燒東坡肉在特價餐牌中東坡肉價錢最貴, 於是點了.我們發覺貴不在材料, 而是功夫. 仿肉其實又是腐皮類, 把它卷得結實有肉感. 醬汁酸甜醒胃. 份量不多, 但二人份, 以及醬料吃太多會膩, 好足夠了. 香草芝士焗鮮菌百好除其酸齋好吃, 令一款推介是焗類. 上次吃過芋蓉焗菌直呼好味道, 今次再試芝士焗菌, 同樣出色! 芝士香氣不夠餐廳焗白汁海鮮意惹味, 是少了點芝士味. 但就變得更健康. 內裡的菇類都大粒大片, 因為菇類的表片平滑雖不能沾上芝士吃, 但仍覺清新健康.最後要多一碗白飯, 埋單$235. 小女覺得價錢不妥, 要求列有明細之收據. 但阿姨態度其差, 表示此店只能開一張發票, 不會有明細. 計算之下, 假如沒有計錯, 茶芥就差不多要$15/ 位了.今次我沒有理論, 因為不想太掃興(其實因當時已經一肚氣, 包括漏單等情況我怕我會爆炸), 但下一次我必定要查單, 問清楚茶芥收費.
繼續閱讀
因為媽媽係素食者, 所以在中秋預了13位的晚宴在這素食館, 館內地方雖不算寬敞, 但總算光線十足,服務員的態度亦可接受, 當晚我們入座後, 在枱上只得一張四款套餐的餐單, 價錢最低為$1690起, 服務員表示星期日沒有散叫食物, 只得套餐, 我們唯有先叫住兩碟小食, 分別係細既齋魯味及點心, 後來人齊後, 便決定order最平的套餐$1690(加一另計), 在落單時, 服務員見我們手持的餐單, 便向我們說該餐單派錯左, 轉頭比另一張餐單給我們, 我們看了該張餐單的內容, 與之前(放錯枱上的)菜單內款式一樣, 唯一不同的是價錢竟然貴了$500-(即是$2190), 當我們與服務員理論時, 他們說$1690個張是平日一至五, 而星期六及日是貴些, 唉, 最後, 只有繼續吃下去, 因為聽人講這餐廳的質素不錯...... 餸菜不用等得太耐, 均一碟碟上來, 起初品嚐也感到質素OK, 但吃到第三道菜時, 開始感到餸菜很濃味和口渴, 而我的80多歲媽媽, 不禁也表示素翅很鹹, 最後, 大家都勉強吃下去, 最後的甜品為紅荳沙, 都十分甜, 後來埋單找數時, 再一次驚訝, 因為總數是$2710, 這餐是我們吃素來說, 最貴的一餐. 如果吃開濃味的朋友, 應該感到沒有問題, 但對於一向吃得一般, 或淡味朋友來說, 必定感到味精落得過多, 因為吃完幾道餸後, 真的很口渴, 最吾開心的是, 當晚我回家做了45分鐘step運動, 第二天起身, 上磅竟是重了1磅多, 我都不敢再光顧了.
繼續閱讀