影片
其實好耐冇去過不過今日經過又心郁郁咁岩做緊PROMOTE有DISCOUNT咁好啦就試1次叫左2個牛扒1個跟飯1個跟意粉都唔錯既最後埋單都唔洗$100晚餐既價錢很不錯了
繼續閱讀
維苑初初搬落地下，我都食過一次下午茶，好難食，點知事隔多年，都係咁難食…果日好凍，行過見倒好多人食，門口個餐牌寫住30蚊內咪唔打算四圍去，入去試下囉，就係咁蠢左…入到去坐低成5min，都係得兩杯水，餐牌擺位都冇。餐牌到喇，發現全部過30蚊，同出面寫唔同價，咪搵個阿姐問囉，個阿姐答左句"跟出面啦！"就行開左= =我同朋友叫左雜扒薯菜同雞扒飯，等左成10min都未黎湯…湯黎喇，難飲到唔恨…碗紅湯，睇落係冇乜料gei羅宋湯，飲落係溝"希"左gei蒜蓉汁……又冇餐包…好喇，又過左10min，有野食，點知雞扒"so"架…腸仔,火腿,漢堡扒，都係凍gei…薯條又凍又"林"又有陣油味…最正係個汁同之前碗紅湯係一模一樣味，只係"杰"d姐…叫埋單又冇人應…地下又勁"線"，又勁多垃圾……三十幾蚊俾錢買難受…之後仲要去許祥昌食碗面補數…
繼續閱讀
今日晏左起身, 所以第一餐唔係 lunch, 而係...tea 左諗右諗都諗唔到食咩好, 是是但但同男友仔入左維苑食個 tea 算~見到個 tea menu 都好多選擇喎, 好似樣樣都好吸引 因為太肚餓, 快快手求其落左 order 先... 雞扒 併 長腳蟹拉麵 ($25) - 凍檸茶 (+$2) 法式西多士 併 鮮茄牛肉通粉 ($25) - 熱朱古力先黎男友仔個拉麵...咦!! 個樣唔錯咁喎...不過男友仔就話味道太淡喎...再黎, 我既西多士...吾~ 熱辣辣, 邊仲脆, 好味!!如果再炸得金黃同脆 D 就仲正!! 再黎鮮茄牛肉通粉...初初仲驚會食唔晒, 原來細細碗...湯底的確偏淡...不過食慣淡味既我, ok~ 可惜.....牛肉...太"鞋"... 到飲品...男友仔既凍檸茶, 一樣都話覺得無咩味喎 =.=不過我試左 2 啖...飲落少甜...唔錯呀~至於我既熱朱古力, 正呀!!!夠香夠濃又唔過甜, 推推~!!
繼續閱讀
和朋友好久不見，天氣好熱，隨便在商場食下午茶，想坐得舒舒服服，於是去了維苑。點了兩客下午茶餐，味道普通不過，不算好難食，但超碼人少少，坐得好舒服，1345坐到1500，不停和朋友傾計。不過話說回來，如果天氣不是這麼熱，我一定會去其他地方不去維苑。
繼續閱讀
原則上, 這不算一篇食評, 因為真係嬲到無食就走左。今天中午食lunch撞正落大雨, 沒有選擇下到了維苑食, 等卡位等左有10分鐘, 後來有一張, 入坐後正研究為何門口午市用粉筆寫既價錢跟細餐牌不同, 突然有一大滴水從天花降下我的頭上, 令我記起多個月前也曾中招, 沒料到一直沒有修理, 繼續等下個客人中頭獎。於是我們走去另一張坐, 點知都未坐低, 有個白頭亞叔走過黎話我地自己轉table, 有客人在等緊, 豈有此理, 我地原本已坐低, 因為滴水先轉table, 如果係要排先後, 無論如何都係我先過佢, 但係佢重話個客先過我地, 離晒!譜:滴水佢就隻字不提, 無sorry. 我同事都好嬲, 反問佢咁馳唔馳比番張table佢, 佢竟然重話"你都坐左啦"於是嬲到起身走人。我地知道一向依間維苑食物又唔得, 又無服務, 但今次係比零服務更惡劣, 直情係趕客。 我唔知依個白頭亞叔係老細定打工, 如果係打工, 希望佢老細見到依篇食評即炒依個白頭亞叔, 如果係老細, 希望佢快的關門大吉, 唔好阻住個位。
繼續閱讀