影片
以上資料只供參考, 請與餐廳確認詳情
為了水煮魚而來......已經記不起從何認識這間小店，只要想吃水煮魚便會來這裡。小店自家經營，有媽媽阿姐幫手招待客人，大廚都會不時出來走走抖抖或同客人聊聊。每次來都會點水煮桂花魚，辣度隨你喜歡，由於不能吃辣只好叫小辣，對我來說就剛剛好了！水煮菜式除了主角桂花魚一定會有伴菜，最初小店放了薯粉、豬紅及豆腐卜，但三樣我都不喜歡，近來伴菜換了另一種薯粉及改了用豆腐，即刻沒食剩伴菜了😜小店環境衛生一般，大排檔形式，來只是為了吃到味美食物。
繼續閱讀
之前睇電視介紹麻辣啤酒鴨鍋， 主持話個湯底好香好辣， 好有層次，聽落好吸引，所以去試。訂位：餐廳的聯絡電話是手提電話， 打去訂位， 一個男人聽電話。我話訂位，佢好似無反映然後答“哦”， 感覺我好似打錯電話咁。但佢又唔問我訂幾時，訂幾點， 自己好似傻咁自己講野。講完時間佢想收綫， 但佢又唔問我貴姓， 我要問反佢我使唔使講低貴姓，成個過程好古怪。經過依種對話，未食已經對依間餐廳有個唔係太好既印象。環境：有3間鋪， 一個鋪係廚房， 所以係對住條街做菜。我坐個間鋪，長條形，感覺好似係個貨櫃食飯， 環境好惡劣， 牆都是有色的水“積”， 其實真係幾唔開胃。門長期大開，冷氣又唔夠，對打邊爐或食辣野其實好難頂，我寧願坐街。菜式：有D朋友唔食辣，所以一半鍋係“麻辣啤酒鴨鍋”， 一半係”酸鴨鍋“。麻辣啤酒鴨鍋 ﹣ 唔麻又唔辣又唔香， 食咗之後真係好失望。究竟係水準下降定係電視做假？個鍋又無啤酒香味。鴨大部份係鴨頭鴨頸，想搵D肉食都好難。D鴨又實又乾， 超失望。酸鴨鍋 ﹣ 唔見好麻辣鍋得去邊。話唔辣， 反而有D辣。完全食唔出有酸味。唯一入面D酸蘿蔔又幾好味。火鍋料， 叫大部份都話無， 無蝦，無墨丸，無薯仔片， 無白鱔。。。。。。。。。。。。真係呆咗。手切肥牛 ﹣ 碟牛係瘀黑色，我未試過打邊爐D牛可以咁唔新鮮， 但食落好香牛味， 所以我估貨源本身唔係差，只不過後期無注重衛生同保鮮。芝士腸﹣我想他們真係保鮮有問題，D芝士腸有異味，我食咗一啖都食不下去。連最難出事的東西都出事了，對其他食物真不敢再抱有期望。蟶子﹣ 朋友想食，但經過以上的食物已經叫佢唔好叫，但佢唔食肉，所以最後都叫了。試了一口， 又有怪味，好唔新鮮， 又掉了。整個火鍋經驗都好差， 但見隔離檯叫小菜個樣又好似好OK， 例如係水煮野， 同胡椒蟹。可能依度真係唔係打邊爐既地方， 但係食物唔新鮮真係死罪。我地都有叫蒜泥白肉同魚皮， 蒜泥白肉D肉好實好乾， 蒜香唔夠又唔辣，所以都係無下次。唔講食物，環境其實都好惡劣， 莫講話D野唔好食， 就算好食，個度既衛生環境都令人卻步。今次仲叫咗鬼咁多friends 同我一齊試，點知搞成咁，下次都唔敢再吹雞叫friend試新餐廳。
繼續閱讀
為食姊妹兵團近日喜吃四川菜，想起年前與友人幫襯的這家川味港，便成為今次的目標。人流依然不絶，七時過後便全店滿座，大家高高興興點起菜來。餐牌跟以前一樣，菜式也沒有改變。原條水煮魚全晚最好吃的麻辣聖子黃金大蝦 - 蝦很大隻，也新鮮，可惜鹹蛋黃唔香，也吃不出蝦的鮮味。唔麻唔辣的口水雞阿姐介紹的茶香骨 - 又鹹又食唔到茶香呢個招牌菜鹹得不得了，好似放了雙重鹽。炒得非常濕，沒有了應有的爽脆要不是看見老闆在幫忙傳菜，還以為轉了手。跟老闆反映，竟然說川菜是偏鹹，似在投訴我地 "唔識食"，真係好想叫佢自己試下咩味？難怪乎早前有朋友說這家店子來不得，看見食評仍有很多笑臉，便來幫襯。今天再詳看食評，原來最近期的食評已是半前年，只怪自己不聽朋友勸告。究竟何故小店變得如此？餸菜都變得死鹹死辣，吃過這餐，真係有排都唔想食四川菜
繼續閱讀
我同老公都好鐘意食辣野,但識嘅朋友都唔係好食得,因為我地多數一對對咁約出黎食飯,咁有d就男唔食得,有d就女唔食得,.所以好難約朋友食川菜,唯一只有一對好朋友可以一齊食,不過就難就時間,所以一年先一,兩次..>m<''咁次一行4個人,就食咗5個餸,加4個白飯.水煮羊(大辣):好好食,因為我地老公唔食牛,而上次的水煮魚又比較多骨,所以今次食羊,一樣好味,而且多配菜,d汁又可以送飯,正.巴蜀豬串骨:必叫,我地個個都讚不絕口,今次入口重好多肉汁,而且重好麻添.四季豆:無咩特別,但又一條一條接住食,因為都要食下菜呀.豬手: 呢個就真係好一般,因為冷凍咗,二來又比較硬,最後都食剩.蟶子:呢個好食,又新鮮,又惹味不過真係唔夠麻呵,如果勁d就再過癮啦
繼續閱讀
這晚收工後約了朋友去川味港食辣野大概是十一點多,我點了雞煲(大辣)海蜇和干鍋肥腸,很可惜沒有影底給大家看,雞煲的雞是用新鮮雞的,很鮮,而且辣度也足夠(可能是大辣吧)還有底下的配菜完全吸了汁的味道,爽!!!干鍋肥腸_麻味十足,有一股勁從口直上頭部令你馬上流汗,而且肥腸比深圳的川菜館不遑多讓,不俗整體來說這裡的食物不錯.
繼續閱讀