影片
電話號碼
2881 5757
開飯介紹
「Buffet à La Minute」是一種自助餐概念，意思是「Cook To Order」，即是即叫即做的自助餐。在這裡，除了放在自助區內任君選擇的各款前菜、主菜及甜品外，最特別的還有廚師在客人面前因應其要求新鮮烹調牛肉，這樣便可確保牛肉的生、熟、味道迎合眾食客的口味。這裡的主打任吃菜式包括和牛一燒、香煎鵝肝配多士、即開生蠔及各款魚生壽司。
繼續閱讀
營業時間
星期一至日
12:00 - 14:30
17:00 - 23:00
以上資料只供參考, 請與餐廳確認詳情
招牌菜
食評 (357)
今次去到 Mr. Steak Buffet à la minute 自助餐完全係性價比之選我覺得食物質素真係拍得住四～五星酒店有幾張檯有無敵海景添紅白酒、日本酒、汽水，隨你喜好搭配食物入坐即送 豪華魚生船#和牛 #生蠔 #鴨肝 #鮑魚 #龍蝦 任食不可錯過嘅中西甜品，五月更有母親節限定 #燕窩 #桃膠 #榴槤 美食等我自己就專攻 龍蝦， #長腳蟹腳， 生蠔 #佐賀牛鐵板燒 #和牛壽喜燒已經輕鬆回本甜品BAR都不能抗拒終於唔洗係 TIRAMISU 同心太軟 二選一😋估唔到仲有豆腐花同蛋撻我覺得好適合 #母親節 #父親節 慶祝 ／ 一大班人去食完全可以滿足晒所有人嘅口味 平日都好多人啊， (食物充裕唔洗搶的🤭) 記得早啲打去預約～
繼續閱讀
上個星期無意中發現喇，Mr Steak出咗個自助午餐，同朋友就話試下。首先，嗰生蠔，真係好得意，一啖一個，又大隻又新鮮，入口即溶咁滑，重點不太鹹，順滑過水，好食到飛起！而家講返個沙津和芝士，正！啲沙津做得啱啱好，芝士融合得嚟，香滑得很，一啖接一啖咁食，唔痴唔膩。蜜瓜配埋火腿，清新解膩，蜜瓜甜甜哋，火腿又腍得嚟。有個唔掂嘅就係蟹鉗，我就覺得佢太咸喇，不過Mussels同蝦又做得唔錯，鮮甜彈牙。嗰帶子真係無得輸，煮得啱啱好，鮮味十足。其他嘅生蝦、三文魚等海鮮都保持住佢哋嘅新鮮味道，正宗！熱薰方面啊，燒牛肉同茄汁意粉我食咗最多，特別係和牛，肥美而且入味，茄汁意粉又得我心，酸甜開胃。最後甜品方面，心太軟同芒果蛋糕兩者都係壓軸好戲，海綿蛋糕又軟又香，芒果鮮甜，cream順滑得黎，完美嘅結局。😋🎂總括嚟講，Mr Steak啲海鮮真係新鮮，好食到停唔到口，值得再嚟！👍🏻🦐🐟
繼續閱讀
當天係9月的其中一個星期六，食第二時段，7:30 - 10:00， 早兩三星期上網book 的，記得有折扣，折後加一大約5百幾，同差唔多食物水平的酒店比較，算平。當日係full，雖然餐廳較細間，但位置之間的距離也夠。呢間餐廳主大食凍海鮮，和牛。龍蝦身夠新鮮，龍蝦蚶就差啲，冇乜鮮味，較韌。長腳蟹都大條，可惜唔太新鮮，肉有啲痴住殼。凍蝦好味。有生蠔，我冇食，每次去拎可以拎兩隻，朋友蠔話都夠飽滿，不過重金屬味，唔係人人鐘意。刺身只係食咗帶子，呢個新鮮又大隻。仲有沙律芝士吧，好多不同的沙津，芝士和瓜菜。熟食除咗和牛，其他真係好普通，比好多酒店差，而且人多時，好多都refill 唔切。和牛好味，睇得出係靚肉，油肥分佈平均，人多排隊去拎都快。甜品款式多，亮點係可以寫Happy Birthday 係流心朱古力蛋糕的碟上。慶祝生日好適合。side issue，廁所衛生有待改善⋯⋯
繼續閱讀
朋友仔係6月生日 月頭已經開始諗食咩好終於book左mr steak, 網上自己訂位好方便但要留意佢都好full下 我大概早2個星期訂位如果想訂星期六日或假期就要再預早d la!我地係食平日既5pm 呢間我都係第一次食第一輪就拎左生蠔先 每次只可拎3隻生蠔肉偏細 重海水鐵綉咪 唔腥 算鮮甜另外牛肉都唔錯 最中意佢個燒牛柳 師傅話係和牛黎 不過邊度既和牛 同咩grade就唔知喇不過肉質鮮嫩 生熟適中 唔會太熟 好豐富既牛味點埋佢個黑椒汁都幾好味另外仲有壽喜燒 肉質有d難 牛味不出甜品算多款式 質素普普通通啦
繼續閱讀
這次再次和友人來吃Mr. Steak自助餐！訂了位子7:30晚餐，因為疫情關係，進入餐廳前需要量體溫哦！而且餐廳隨處也看到「取食物先戴上口罩」的告示，食客們很大部份也遵守，吃得更放心女生都愛吃甜！一進去就看到甜品吧 Tiramisu精緻的鮮果撻自助餐必吃的海鮮！我個人是很喜歡吃冷的個人私心推介青口！好鮮！好甜的！麵包蟹、長蟹腳也很吸引！不錯吃的！在之前最生蠔的位置，這次是龍蝦🦞！好甜的龍蝦，膏和肉也好吃，肉質讚讚👍🏻，不會很乾！聽店員說 六月開始有生蠔🦪 可以再去 哈哈刺生我取了幾次選擇滿多的！油甘魚、帶子、三文魚、醋鯖魚、蝦...等等新鮮哦而每人每次可拿4款再講一次 我個人是很喜歡吃冷的 哈哈冷盤小食 也很精緻其實小食的還有芝士、沙律，沙律吧⋯等等 上次來吃的時候，友人吃了四個酥皮湯這次我也要吃！看到這畫面我已流口水🤤新鮮出爐 酥皮超脆！喝湯要夠熱！十分滿意！真的很好喝！好吃！酥皮脆脆的 然後加上 熱熱的濃厚白湯口感味道100分的熱熱的還是要吃嘻 款式很多 蒜蓉蟶子、中式牛柳、牛扒、咖哩、蔬菜、全部通通都有！和牛也是這倘的重點啦！這壽喜燒 牛味很重加上店員都會配一些菜一起奉上牛的肉味鮮甜加上菜的甜味 好吃！真想問問看那湯頭是怎樣煮的 真的好好吃和牛還有鐵板燒的哦油花也是很好最後回來甜品的部分甜品款式很多蛋糕也有很多款！中西式也有，豆腐花和椰汁糕也有我個人私心推介 北海道牛乳布丁 焦糖燉蛋 雪糕也有五六個口味，我吃了咖啡和藍莓的還有！心太軟！客人們可以設計畫畫或寫訊息 廚師都幫你畫到碟子上！他們畫功很讚環境很好，食物很好，店員友善，和友人說說笑笑一個晚上，享受的呢 一定有下一次幫襯
繼續閱讀