影片
港鐵銅鑼灣站 F1 出口, 步行約3分鐘
繼續閱讀
開飯介紹
人氣薯仔屋開分店了，相比本店，分店的佈置風格比較簡約清新，開放式的廚房、玩具收藏、漫畫雜誌、足球枱 、巨型Projector 打機、無線上網，讓你無拘無束~ 而且分店擺放了更多細枱 ，感覺真如置身家中露台般愜意呢。貫徹薯仔屋作為 playhouse 的主題，分店當然也少不了各式各樣的玩意! 從獨有的美式足球檯、巨型投射熒幕、新舊game 試玩、到懷舊玩具，甚至各樣琴棋書畫等等的玩意均一應俱全。薯仔屋是銅鑼灣最多包場派對之玩樂 Cafe 之一。除了自家炮製保證美味的食物和飲料，節目安排及主持亦都一手包辦。
繼續閱讀
營業時間
星期一至日
12:30 - 02:00
以上資料只供參考, 請與餐廳確認詳情
招牌菜
於8年前，PJ 的小生意發跡於銅鑼灣的寶明大廈，當年一起創業的朋友，大多轉了型或搬了位置。只剩薯仔屋亦堅守寶明大廈。最近收到薯仔屋 email，說寶明大廈分店將於12曰31日光榮結業，於是PJ便帶埋寶貝"小松松"來見見友人，畢竟大家都相識接近10年了。薯仔屋老闆是足球機高手，以1敵3的情況下仍能輕鬆獲勝。這是松松第一次來寶明大廈，我們點了焗薯，他也可食少少。 這是薯仔屋的精選下午茶 - 粟米煙肉粒焗薯配吞拿魚沙律 ($62連飲品)。焗薯十分大件，裡面有很多洋葱粒。焗薯最怕就係太乾身，此焗薯保持濕潤，粟米煙肉粒增加嚼頭，是不錯的飽肚小食。加拿大肉醬鋪天薯條是薯仔屋的招牌小食($62連飲品)，薯條粗幼適中，有薯香，肉醬內有大量cheese，同ICONIC一樣可以拉得起。ICONIC的薯條味道得啖笑，薯仔屋的薯條卻是真材實料，秘製Gravy非常惹味，不會一味死鹹。薯仔屋是一間會採用新鮮生果來泡製特飲的樓上 Cafe ，這杯"紅粉佳人"是由老闆娘自創的健康飲料，由新鮮士多啤梨+菠蘿+香橙調製已成。味道天然，果香濃郁！"冬之夕陽"顏色十分漂亮，內有水蜜桃+菠蘿+香橙，非常香甜，"松松"最愛吃橙，他用渴求的眼神望住杯果汁，好吧！比少少你飲啦！How can I say NO to this cute face?今天 PJ 真的十分開心可與老闆V短聚，大家都明白由零開始做起的生意是多麽的困難才能經營下去。下次 PJ 一定去同集團的 Van Gogh Kitchen 試一試那獲獎無數的秘製 Ribs!
繼續閱讀
辛苦工作咗成個星期，係要同好朋友出嚟聚吓薯仔屋喺銅鑼灣幾就腳嘅時代廣場附近，喺一個塘樓嘅一樓。麻雀雖小，五臟俱全，而且客人都幾多！可以想像老闆識幾多明星吓因為有好多明星合照貼出嚟有好多模型，男仔會好鐘意食物方面都係一般cafe 嘅小食，收人頭費就提供足夠份量嘅食物，所以幾多人去都ok食咗成晚覺得最值得推介嘅有唔特別好食又唔特別唔好食嘅凱撒沙律，影咗就照post吓啦，反而伴碟嗰幾片garlic bread幾好食！多料juicy pizza (唔記得名)，係薄批嘅pizza, 咬落好鬆脆，上面舖有芝士及蕃茄醬，仲有磨菇，青椒等材料，口感好，味道都好，好意想不到然後有蜜汁雞翼，雖然雞翼細細隻，但味道不容睇小架！怖滿香甜蜜糖，而且係新鮮出爐，色香味俱全，不過都係嗰句，如果用大小小嘅雞翼整會更理想！香蒜雜菇，故名思義就係好多種多樣唔同嘅菇夾埋一齊加埋香蒜一齊焗啦~香蒜味完全融入咗喺啲菇喥，非常香口！好似燒嘢食嗰包菇咁！ 好受大家歡迎！重有意粉, 薯條… 都唔記得影相~總結係覺得薯仔屋啲嘢cafe嚟講算超班，而且好多新board games, 所以希望可以再同朋友嚟玩過，但下次要book定位啦，因為都幾爆架，今日我地可以walk in都係好彩！
繼續閱讀
星期五晚happy friday, 約咗一班中同出嚟gathering, openrice search到呢間薯仔屋，喺銅鑼灣又幾方便就book定位地方唔算大但總算應有盡有，好彩有book定位因為都幾多人！有board games呀遊戲機，中央仲有一部足球機好難得有cafe有，玩得好開心食物方面都係以一般cafe食物為主，大概百幾蚊一位，就有嘢飲同好多唔同嘢食蒜蓉包，又係剛焗起，又係好脆好食！吞拿魚沙律。熱辣辣嘅天氣食啲凍冰冰嘅長通粉啱哂！長通粉軟硬適中，仲有大量吞拿魚伴住，食吓又一啖食吓又一啖，好開胃，好食！Ceasar salad, 又係夏日佳品，沙律菜都好fresh吓！如果沙律醬可以多d就更好！芝士煙肉焗薯皮，配埋cream cheese真係超罪惡！不過好食程度同罪惡感成正比！啖啖芝士啖啖煙肉真係好正Pizza! 我最鐘意識嘅薄皮pizza, 剛焗起皮好脆！加上芝士火腿唔菠蘿，又脆又juicy, surprise!其實仲有雞翼, 意粉等等，但喺我想影時已被清得7788, 雞翼上面蜜糖甜甜地，好似bbq咁嘅feel, 我好喜歡！個set仲包無限任飲, 任添ga, 7點玩到11點, 都算扺食扺玩！覺得呢喥除咗d嘢意外地好食，仲好好玩！
繼續閱讀
朋友仔生日, 一行 4 人想搵個有野食又有野玩嘅地方聚吓, 於是 OPENRICE 就搵到呢間薯仔屋~LOCATION 都唔難搵… 不過入口在橫街… 好彩我地都唔算係路痴好彩有 BOOK 定位, 都幾 FULL 吓,職員就帶我地坐~ 好彩位置係 SOFA 位~ 都幾舒服!晚餐時段主要都係食 SET~ 段人頭咁計, 就有幾樣野食, 啱哂我地呢 D 唔鐘意用腦嘅人 xD 首先有吞拿魚沙律同蒜蓉包, 都幾大碟 WOR, 長通粉口感唔錯, 吞拿魚同粟米都好多! 由於我地好餓嘅關係好快 KO 咗芝士田螺蘇- 熱辣辣, 剛焗起! 蘇皮 d 牛油味好香好香!! 食入口又好鬆化! 加埋香噴噴嘅芝士同田螺, 真係非常驚喜!醬燒豬仔骨配鋪天薯條 – 個老細話呢個豬仔骨拎獎嘅, 又真係好好食! 個汁甜甜地好好味! 個豬仔骨仲啖啖肉架! 薯條上面鋪咗芝士, 食入口非常正茄汁煙肉磨菇意粉 – 茄汁味好濃, 仲要大大碟! 意粉唔太硬唔太軟非常好 (至怕煮到一 PAT PAT 嗰 D..)食完立即飽哂!CAFÉ仲有好多 BOARD GAMES 呀, 遊戲機同足球機都有!! 好多野玩吓D野食又比預期中好食好多, 所以會再黎! 不過要靜靜地傾計就唔適合啦~
繼續閱讀
早幾日同朋友行銅鑼灣, 佢話有間幾好食類似CAFÉ咁既餐廳可以HEA下, 就跟左佢上去。一入到去唔知點解就覺得個環境真係幾放鬆, 感覺好舒服。有好多模型同遊戲等等既野俾客人玩, 咁可能因為成班男仔既關係啦, 所以真係覺得尼個地方唔錯, 但相反如果係女仔既話或者就會有點兒失望, 因為真係未必岩女仔。場地老實講尼, 就真係細既, 但銅鑼灣樓上鋪我諗都係咁上下, 如果人少少包場我諗都唔錯, 但大前題都係果句, 女仔未必會鍾意。講下服務。老闆同店員都幾NICE幾熱情, 感覺都幾輕鬆。到食物。D野食係朋友點既, 所以個名我都唔係好記得。首先叫左個焗帶子咁既野啦, 味道係唔錯既。上面既芝士焗得唔錯, 我指既係時間掌握, 因為佢唔算係結左焦, 亦唔係未溶, 岩岩好熱熱地放入口個口感唔錯。薯條放面其實有D油, 應該係炸完之後無處理得好好, 上面既茄汁加埋薯條其實個味有D似愛爾蘭瘋薯間野D薯條咁, 無咩特別。
繼續閱讀