影片
我自己去過幾次，最岩同朋友坐OUTDOOR吹水。叫杯啤酒加小食，人生一樂也。食物方面都係推介呢兩樣：冬陰功夠香夠辣不在話下，兩個人叫個細煲可以一人飲兩碗，用瓦煲上，飲第二碗個陣唔會凍哂。炸蝦餅係我本身鍾意食，可能唔能夠作準，但我覺得佢同其他泰國菜相比算係水準之上。一碟四大件切半。反而其他食物就平平，對上一次去叫個紅咖喱牛，香就係幾香但係味道好普通，牛都有少少靭。雖然係GOLF場內既餐廳，但其實唔一定要打GOLF先可以去食〔事實上我唔打GOLF的〕。亦因為係GOLF場餐廳關係，所以好多車位，而且都係$10左右一個鐘，食完晚飯張單一般都可以免費泊車。唔渣車的話，西灣河地鐵站一出行三分鐘左右就到了，交通都算係方便。
繼續閱讀
以上資料只供參考, 請與餐廳確認詳情
好耐冇去, 今日去番食Lunch... 冇訂位都竟然有卡位坐, 勁開心...金柚沙律--嘩!!! 好咸呀!!! 使唔使落咁多魚露呀!!! 以前好好味o架, 仲大碟好多o架!!!青咖哩豬--依舊美味!!!薄餅--好油呀!!! 以前好好味o架!!!牛油焗雞翼--好唔掂呀!!! 點解係釀雞翼o黎o架, 本Menu都冇寫嘅, 個汁仲騎呢, D蝦膠仲腥o架!!!我之前成日推介比人, 點解而家變到咁差o架!!!相片:http://hk.myblog.yahoo.com/barla_kero/article?new=1&mid=1622
繼續閱讀
朋友生日, 她推介此店. 不是她講,也不知這裡有間泰菜館,枉小女子在東區由細住到大..真是真是!此店有內外座位, 是日與友人坐外,微風輕送, 把酒談各人心事,確是人生快事. 講番食喇, 因兩個女士,食量不太,故叫了炸豬肶,此物必食,份量大不在話下,外皮炸到簡直高水準;香、脆,配酒一流,定要趁熱食,因特別是冬風來,待久了,定僧像咬柴般口感..豬肉好軟，香，淋.價錢記不清,像128-138左右. 另叫了生蝦,呢個就痳痳地,不夠新鮮,有數隻d肉近"梅",sauce就有好多供選擇,但又鬼用咩..食佢都是食其鮮..此物不食也罷. 再加了2枝白酒(過200一枝,此水平不值),個經理都好細心介紹,但佢都好似唔係好識,算喇!! 不防一試
繼續閱讀
Boyfriend plays golf, so he wanted to come practise a bit before chowing down on some delicious thai food.The restaurant is nicely decorated, with indoor and outdoor areas for those who prefer to smoke. The decor is quite modern and comfortable, the tables spaced apart, except the tables for 2 are a bit small if you order more than 2 or 3 dishes. The waitresses are reasonably attentive, although they seemed a bit clueless at times too.We ordered a grilled lamb chop, grilled veal, pomelo salad, green papaya salad (i am on a pre-xmas diet), and fish satay. We wanted the grilled ox tongue instead of the veal but they were already sold out. The grilled stuff here is excellent, very flavourful and still juicy. My favourite is the pomelo salad with chicken on top, it's slightly sweet, a bit like a teriyaki sauce, but it compliments the pomelo surprisingly well. The fish satay tasted like grilled eel for some reason, i prefer the chicken satay there. I've also tried their fried noodles and curry, both are recommendable.The food is not as spicy as some places which is good as my bf can't tolerated the heat, and if it's still too much for you, you can request to have the chef tone it down a bit.If you're a member there you get 15% off.
繼續閱讀
去過兩次, 總括黎講都幾好食, 特別係個菠蘿海鮮炒飯, 同其他泰式餐\廳食到既唔同, 佢\個菠蘿好juicy, 好新鮮, 個菠蘿質地係軟身, 唔同出面個d係硬身,我起初以為係假架, 好好笑, 不過d海鮮就麻麻地另外佢\既甜品香芒糯米飯都幾好味, 起碼d糯米飯唔會有生米....環境舒適, 其實唔落雨坐出面仲舒服,有微風, 又唔太嘈,不過略嫌貴左d
繼續閱讀