影片
港鐵沙田站 A3 出口, 步行約6分鐘
繼續閱讀
開飯介紹
明珠閣於2014年於沙田新城市廣場開業，菜式以廣東點心及小炒為主，一直深受大眾歡迎。
明珠閣帶來一系列新派點心及小菜；菜式注重食材的原有鮮味，採用來自不同國家的材料，包括有日本松葉蟹、澳洲和牛、 亞拉斯加皇帝蟹、 美國安格斯牛肉等等。在烹調手法上，則在傳統上融入新派煮法，帶來耳目一新的味道組合，而賣相亦走清新簡約的路線，打造出時尚又輕鬆的感覺。
室內設計走輕鬆年青格調，以幼身直木條造出的餐廳外欄，充滿時尚感覺及線條美，餐廳內亦用上鐵腳製的木桌，簡潔俐落，帶出更大的空間感；牆上掛了金屬製的藝術裝飾品，摩登簡約。
繼續閱讀
營業時間
星期一至日
11:00 - 23:00
以上資料只供參考, 請與餐廳確認詳情
沙田新城市廣場嘅底層有一間明珠閣，其實係好似飲茶咁食點心嘅。佢地午市嘅套餐都幾抵食，有單人粉麵餐，或者有兩個人以上就可以試二人餐，就最抵食。佢哋嘅二人套餐，有燒味，自選嘅點心，同埋炒粉麵飯，都係百二三蚊到，兩個人食其實一定食唔晒！差唔多３個人黎，都可以叫一份二人餐再加一兩樣點心。呢度比較推薦嘅就係佢地嘅叉燒，全部厚切，同埋部位應該揀過嘅，都係帶少少肥的梅頭，如果散叫嘅話其實都幾貴。另外，當然仲有啲而家新興造型非常可愛嘅點心，好似依個一個雜錦三色包咁樣，最可愛嘅豬仔拎咗係手會係唔捨得食，餡料一般都係朱古力，豆沙，奶黃之類。如果行開附近要飲茶，其實可以一試，唔一定要上7樓去美心嗰度排隊啦。
繼續閱讀
因為要係沙田新城市購物既關係，都係選擇係商場午餐，可以係大型商場插旗既食肆，當然都係大集團啦⋯⋯都係個句，我係一向支持小店。叫左個午市二人套餐，有菜，海南雞，蛋白炒飯，例湯，腸粉，鵪鶉旦燒賣，當然要加一同茶位費啦。先講海南雞，已經唔夠熱，距離「暖」都差好遠，上枱D雞皮已經好乾身，味道亦肥佬！屋邨餐廳做得好過佢。炒飯亦可以，尾段加入雪耳一齊炒，雪耳軟硬適中，幾特別。例湯味道都係遍鹹腸粉同燒賣都無問題，食得過。炒菜本身無乜嘢，只係食食下見到條蟲🐛 😱最後要提既係，集團商店，收費亦收足，作為客人都希望買得到應有既質素，碗湯真係賣相有點嚇人，我隻湯盅好多位置都崩左，本身上枱，湯碟都有湯，應該廚房出菜前要抹一抺。
繼續閱讀
今天放學後我和兩位同學到沙田大會堂，欣賞同學的水彩畫展出 ，不過 ；賞畫之前我們先祭五臟廟 ，又去返 上次我們吃午餐的明珠閣，上次是散叫，覺得很不錯。今次我們三人行 點選了精選2人套餐 三人分享 ，套餐分別選擇蜜汁叉燒王、水晶菠菜餃、陳皮牛肉球和瑤柱蛋白菜粒炒飯， 並奉送是日靚湯及白菜時蔬。兩碗有豬骨 紅蘿蔔湯料的老火湯，味道尚可，走油白灼菜心 十分健康，半肥瘦 蜜汁叉燒王腍腍滑滑。兩款點心我們選擇菠菜餃 和牛肉球都是大大件，熱騰騰的牛肉球有肉味、爽滑，菠菜餃的菠菜相信經過廚師處理，都十分可口，蝦仁也爽脆。炒飯 炒得非常之好，粒粒飯香沒有油膩感，有瑤柱、翠玉瓜、蛋白，清淡中又感覺豐富和健康。
繼續閱讀
今日同我女朋友去日本，去咗沙田第一城城市廣場，明珠閣，飲下午茶，叫咗兩個雲吞麵沙薑豬手，仲有就係，一個甜品。呢間明珠閣，以前冇咁多嘢食，而家多咗好多嘢食選擇好多。不過晏晝好多人排緊隊好彩我哋呢兩個我就唔使排隊喇。我哋仲叫左個乳鴿試下個乳鴿嘅味道正唔正。佢呢度係飲中式茶嘅所以哩但係都可以叫汽水啊飲品啊。個賣相都好靚，尤其嗰啲小點呢都有有卡通公仔。我哋食咗大約一個鐘头左右，誒好舒服，環境都唔錯。埋單都算貴下次再嚟呢間鋪頭都幾好。
繼續閱讀
放假天☺️去沙田睇戲買完飛就去醫肚先男朋友話想食下一盅兩件好啦，見呢間唔使排隊就試吓啦😎流沙奶皇包，一啲都唔流心嘅🤦🏻♀️失望蒜蓉蝦春卷，熱辣辣，每啖都有蝦，正丫叉燒腸粉，好似一早整定咁，唔熱嘅🙈鮮蝦燒賣，大大粒，一啖食哂好滿足鵪鶉旦燒賣，不過不失啦，唔算好好食銀芽肉絲兩麵黃，味道很淡，一般另外想講一講職員啲態度🤦🏻♀️一係就圍埋傾計 有客叫又聽唔到行到埋你又黑口黑面🙄想點丫😒😒😒
繼續閱讀