影片
以上資料只供參考, 請與餐廳確認詳情
一家三口經營o既小小西餐廳 已經由大埔懷仁街 進發到較多人流o既南盛街位置就o係正另一間於大埔區內好受歡迎 每次去都預左要等位o既西餐廳 鈞壹居隔離兩間餐廳都以街坊價錢提供可口西餐 但食完就會知道 兩間o既食物風格其實好唔同不過邊間都好 預返時間黎等位是必須的!!只有12個位 兩張4人 兩張2人 店仔細細 但坐o既位唔算窄新店面 一桌一椅都好新淨黎得呢度 一定要試下各大埔街坊都推介o既招牌菜式 - 蝦多士, 瑞典肉丸秘制蝦多士 $30 邊位鬆脆 蝦肉軟熟 面頭o既芝麻不可或缺 令成份多士味道更上一層樓 好香口油炸食物o黎講 佢無一咬就搞到成口油~ 平時少食炸野o既我 覺得呢個程度可以接受呢秘制瑞典肉丸配煎薯仔 $55 不可不試! 唔好拎宜家家俬o既肉丸同呢度比..呢度優勝太多喇....!即叫即做o既食物本身已經加好多分, 呢份肉丸係用牛肉加7種秘製香料慢煎而成外層聞到香 食到煎得剛好o既香脆 內層鬆化有肉汁 太好味喇!!!掛住讚佢o既招牌菜, 唔記得講返, 揀完main course後, 呢度比起一般西餐多d選擇除左有飯, 意粉同薯條配外, 仲有薯蓉, 薯仔, 煎薯仔同炸薯餅可以揀 有d新鮮感 ;P好似呢份紐西蘭牛仔肉眼扒 $80 我地就揀左配煎薯仔$80算係餐牌上最貴o個幾款食物之一牛扒煎o既火喉剛好 配上秘製醬汁 的確o係其他地方唔會食到呢個味道 不過下次應該會選擇叫返其他價錢平一半o既肉類 ;P例如下面兩款豬扒同雞扒! 比較特別 值得一試捷克豬扒配意粉 $46豬扒煎得香脆 醬汁好特別 有少少羶味 感覺有少少似中東野~ 意粉硬度適中 意大利乾酪雞扒配煎薯仔 $46 見到大多數人都會揀呢個餐呢~ 大家都對乾酪配雞扒有d好奇吧 ;P雞扒肉質幼滑 乾酪味道小小酸 好開胃同好特別 ~佢o既煎薯仔係我地至愛... 哈呢個係Set Lunch Menu但除左Set Lunch Menu外, 晚市餐牌上o既款一樣可以叫可以參考佢地o既餐牌:一家三口原來係由瑞典回流返香港, o係瑞典學廚, 亦曾經o係o個邊開過餐館難怪呢度提供o既西餐充滿北歐風味, o係其他餐廳唔係咁易食得到!見到門口長長o既人龍 就知道呢度值得一試 試完後更覺值得推介!不過人手唔夠....落單都幾亂, 要有心理準備入座後食物可能要等好耐...連餐飲都要重覆兩次..~.~
繼續閱讀
朋友介紹先知大埔有抵食又好食ge西餐於是拉左妹妹陪我去試!朋友話得好少位，我地6點幾就去到，岩岩好有位~我地坐底冇耐就有幾Pair 人想入黎，但已經FULL了真係好好彩~我揀左意大利乾酪雞扒配煎薯($38)，妹妹就揀左牛扒配黑椒紅酒汁配薯蓉($43)~雖然舖頭得爸爸同個仔煮野食，但係點完野食好快就有得食~煎薯超好食，淡乾酪配雞扒都係第一次食，但都幾夾。妹妹個牛都正，不過我就想個薯蓉再溶d就好啦~btw見到佢地有好多熟客，佢地揀左好耐都揀唔到食咩，老闆都好耐心咁隻隻羊扒拎比佢揀，心諗真係好開心搵到e間正野!! 希望佢長做長有，之後可以繼續食~
繼續閱讀
第一次品嘗只有7個位的餐廳，我同女友點三個餐乳酪雞扒，肉丸同手作肉餅，三個既汁都係好味道，令人開胃，特別係乳酪汁，入口特別香，另外雞扒煎得剛剛好，好易入口，而肉丸則鬆，入口慢慢溶，最後肉餅好有肉味，鬆軟，三道菜份量不大，不過都係38蚊，但已經品嘗到高級西餐廳味道
繼續閱讀
今日行經，剛剛有位，店內7-8個位,都是bar枱高椅。看見廚房應該是一家三個的組合小廚房。價格不算太貴，午餐也是38元一個有中西式，包飲品。平常的餐點也是100元以內。中式可能不是主打。有點遜色。反之西式就不錯，我見店內套餐都西式為主。今天2個人分別點了一個印度咖啡牛腩及意大利乾乳酪雞扒配意大利粉。咖啡牛腩 - 薯仔唔錯，我很喜歡,外面爽爽的，內中少少琳。牛腩炆得不夠琳。可以炆得更好。咖啡汁辣左一點點。如果沒有咁辣就ok.意大利乾乳酪雞扒配意大利粉 - 雞扒煎得很香。配上乾乳酪令雞扒去了油膩。反之帶多了一份酸酸甜甜的感覺。很有趣。飲品選擇不多，可能是一家小廚。我們點了涷咖啡及涷檸檬茶。咖啡我見是雀巢咖啡粉，飲試遜色一點。檸檬茶的茶不錯，不太濃不太淡。不錯只是飲品細杯了一點點。服務也不錯，很好，很nice。今次因為早，未能試到蝦多士。同時也見其他人點的午餐的肉餅，瑞式蝦配薯仔沙律。價格抵，食品不錯可以一試。全部食品也是即叫即做，夠新鮮。
繼續閱讀
在公司附近新開了一間食店，有點兒像日劇的深夜食堂中的食店，心思思來試一下。食店很細，只有約7至8位坐吧枱的位置。店員一共有3日，一看便知父、母、兒子的組合。細看餐牌，選擇不太多，共有二十多款食物供選擇，價值由35至60不等。點了一個意大利乾酪雞扒，皮煎得很香脆，肉質幼滑，火喉剛好，伴碟的薯仔亦煎過一點，放上香草碎，令味道更好。一個很西式的午餐，連飲品只是35元，平靚正之選。
繼續閱讀