影片
電話號碼
29482800
附加資料
在泰國曼谷RAMA3炭燒乳豬已經來到香港！
（半隻/ 全隻）敬請預訂
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
有關獎賞計劃
好耐冇食泰菜，上網search呢間位於大尾篤嘅泰國菜館「泰太廚房」好評如潮，一於試下！ 環境夠chill，服務員有禮熱情，非常親切！Menu食物款式多，遠道而來，當然order啲極具特色嘅美食啦！ 燈燈燈凳！打頭炮嘅美食「泰太竹炭麵包咖哩焗軟殼蟹」。嘩！不得了，這除了是一道美饌，也可以是一件藝術品！造型精緻特別，盡顯廚師用心製作。竹炭麵包挖空盛載濃郁咖喱醬汁，主角軟殼蟹炸得酥脆，沾上咖喱後仍保持鬆化口感，蟹肉鮮美與醬汁交融，麵包吸盡咖喱精華，撕下蘸食層次豐富。創意十足，將泰國風味跟烘焙巧妙融合，視覺跟味覺雙重享受！創意fusion菜，超驚喜之選！ 嘩嘩嘩...隆重登場，第二道美饌餐廳新品「冬蔭海鮮雜錦媽媽麵魚麵鍋」，酸辣醒神嘅冬蔭功湯底充滿層次，香茅配料加檸檬葉清香撲鼻。海鮮料足且新鮮——大蝦彈牙、蜆肉飽滿、魷魚爽脆，還用上蟹肉、扎肉、魚餅、脆腩肉等食材入饌，搭配雜菇和青檸更添清甜。湯頭濃郁，鍋麵特別之處加入了彈口美味嘅魚麵同媽媽麵，吸盡精華，滋味十足，富有特色，用心製作。整體份量充足、風味正宗，適合愛泰味的老饕，美饌必食首選！泰...特....別！泰...好....味！
繼續閱讀
同啲舊同學去行山之前入大尾督食個晏先。呢個同學話成日食前邊嗰幾間，我就book mark咗呢間未試過，就不如去試吓。呢日超好天，所以我哋坐喺室外同埋唔算好熱有少少微風有少少真係好似去咗泰國度假嘅感覺。晏晝剩係得兩枱客我哋同埋另外一柗外國人，真係有啲誇張。早餐都未食，實在有啲肚餓，未齊人已經嗌定嘢食。先嗌咗個辣肉碎沙律，一碟金邊粉同埋一個蟹肉農夫包。辣肉碎基本唔會輸，呢間都好好食唔會太乾亦都唔會太濕，不過生菜份量就比較少啲唔夠包。金邊粉其實好蝦人炒，但呢度唔會炒到一pat pat，同埋落咗啲羅望子醬酸酸地幾好食。個農夫包原個上，上菜嘅時候先至切開，裏面流啲咖喱出嚟沾埋個包勁好食，個包面又脆卜卜好似脆豬咁。不過應該係將個餡雪到冰再包麵粉焗，唔埋佢自家製定係來貨都整得好食，唯獨係啲蟹肉食落去唔多。之後到齊人再加咗個蠔餅同埋鹹蛋黃炒魷魚，個蠔餅就望落去賣相有啲熱氣，但係食落去個脆粉都唔算多同埋咬到啲蠔幾Juicy。個鹹蛋黃就同我預期中有少少出入以為係金沙，點知原來係將隻鹹蛋切粒嚟炒都好食嘅，可以選擇配個白飯就好，不過啲魷魚就冇乜鮮味。不過人均百幾蚊整體上嚟講都係滿意嘅。
繼續閱讀
今日公司食團年飯， book咗呢間泰國菜餐廳，我哋一行10人揸咗兩部私家車過去，打電話去留泊車位佢話冇得留，好彩都有位泊。公司留咗少少食物，有馳名炭燒乳豬佢喺出邊即場炭燒，起晒肥膏，個皮超級脆，肉就好濃胡椒味，喺泰國未食過，職員話泰國成街都係，但係香港就得佢哋有。另外打電話嗰陣職員問要唔要留呢個竹炭麵包咖喱軟殼蟹以為冇咩特別，上到枱原來都好大份量，咖喱軟殼蟹加埋黑色麵包食由另一種風味。跟住嗌咗拼盤，菜，鱸魚，炒飯，埋單每人都唔使兩舊水，份量又夠大，啱晒咁多人食。不過都係老細請，下次可以帶埋屋企人嚟食，位置闊落，環境氣氛都唔錯。
繼續閱讀
扶老攜幼帶長老及兩歲小朋友突然到訪大尾督泰太廚房。估唔到夜晚去都咁爆，剩返一張室外大枱。點知非常有驚喜！最初以為會超凍，其實都可以接受，坐戶外環境非常美麗，而且仲有泊車位置，唔使去到遠一遠先泊到車。一食完拍吓囉柚就可以揸車走人。環境除咗靚靚心曠神怡水池，仲有一部泰國車可以影相，令到長老同小朋友都非常開心。服務方面， 10分感激當日嘅經理，佢嘅無微不至，說話你個氣氛良好，令我哋當日10分快樂，原本都好擔心扶老攜幼嘅晚餐會好麻煩同多要求，但係經理一日都妥善處理。副經理得實事求是，工作快狠準。食物方面，除咗通菜比較辣、燒豬比較貴，其他所有食物一律讚不絕口，包括辣酒煮螺、燒蝦、魷魚飯、菠蘿炒飯、火山骨等，全晚食咗太多嘢，數量同份量都多，記都記唔晒。好食到連嘴尖小朋友都食咗勁多，個人嚟講，最喜歡嘅係海鮮咖喱炭麵包，本身唔係好喜歡食甜品，都對芒果糯米飯感到一試難忘。總括而言，性價比極高，一定會再去！
繼續閱讀
在繁忙的都市中，隱藏著一間令人嚮往的泰國餐廳，提供地道的泰式美食，並且方便的車位安排讓我們的用餐體驗更加輕鬆。這次，我們特意來到這裡，品嚐他們的招牌菜品，期待一場充滿泰國風味的味覺之旅。首先上桌的是泰式鐵板蠔仔煎蛋。當熱騰騰的鐵板被端上時，香氣撲鼻而來。這道菜的蠔仔新鮮飽滿，經過煎製後，外表微微焦脆，內裡卻依然保持著海鮮的嫩滑。蛋液與蠔仔的結合恰到好處，搭配上特製的泰式醬料，讓整道菜散發出獨特的酸甜風味，讓人回味無窮。這道開胃菜不僅色香味俱全，還為接下來的主菜奠定了良好的基調。接下來是泰式紅咖喱牛。這道菜的呈現讓人眼前一亮，濃郁的紅咖喱醬料包裹著嫩滑的牛肉，顏色鮮艷，令人垂涎。每一口牛肉都經過精心燉煮，肉質軟嫩，吸收了咖喱的香料精華，味道層次分明。搭配的蒜蓉包則是另一番風味，外脆內軟，蒜香四溢，與咖喱牛的濃郁形成了完美的對比。這樣的搭配不僅提升了整體口感，更讓人感受到泰式料理的獨特魅力。最後，我們品嚐了馬拉盞鮮蝦炒飯。這道炒飯的色澤金黃誘人，每一粒米飯都被炒得恰到好處，粒粒分明。蝦仁新鮮且鮮嫩，與香米的結合讓整道菜呈現出豐富的口感。馬拉盞的獨特風味為這道炒飯增添了香辣的層次，讓人每一口都感受到熱帶風情的奔放。這道菜的份量也相當可觀，適合與朋友們分享，讓我們在享受美味的同時，也感受到泰國料理的熱情。整體而言，這次的泰菜用餐體驗讓我們深刻體會到泰國美食的多樣性與風味。無論是鐵板蠔仔煎蛋的獨特口感，還是紅咖喱牛的濃郁，或是馬拉盞鮮蝦炒飯的香辣，每一道菜都展現了廚師的用心與對食材的尊重。餐廳的環境舒適，服務熱情周到，讓人感到賓至如歸。如果你也熱愛泰國料理，這間餐廳絕對值得一試。品嚐完美食後，悠閒地停車，享受與朋友們的聚會時光，這樣的用餐體驗將會成為你心中難以磨滅的美好回憶。無論是家庭聚餐還是朋友小聚，這裡都能滿足你對美食的渴望。
繼續閱讀
您可能會有興趣的...