影片
晌呢頭返工，唔太喜歡去奧海城d商場食o野(貴夾唔飽)，所以都鍾意去大角咀尋幽探秘。幾次行過中匯街都經過過呢間o野，個招牌，個環境，都好「內地」feel，其實係幾老舊(laogao)，食碟頭飯食到厭想飲下茶，又嫌一丁友成四十蚊餐\太貴，所以某日終於膽粗粗行o左入去......好，開茶，食o野，入到o黎兩點幾鐘，望望價錢，嘩! 究竟呢度係咪香港? 盅頭飯8蚊，煲仔飯12蚊，點心一律5蚊，腸粉都一樣係5蚊，乜o野事? 做乜咁鬼死平?如是者就叫o左下列o既o野，排骨飯一盅，牛腸一碟，乾蒸牛肉一籠，d o野質素就普普通通，但以呢個價錢就係超超超超值!埋單連埋3蚊茶錢....奧賣葛...only $21!!!要講負面的話，o野食係其次，Well，係環境o既問題。不過其實呢度都幾環保，冷氣好少開，亦肯定唔多用清潔劑，因為d風扇唔多見有洗，事頭婆見邊度冇人就會熄燈，係藍天行動付諸實行表表者。總結，價錢優勢拋離環境因素，抵食!
繼續閱讀