影片
附加資料
8人或以上才設有訂座服務
營業時間
星期一至日
11:00 - 00:00
以上資料只供參考, 請與餐廳確認詳情
招牌菜
通常黎權發都係食晚飯小菜，但今次就黎買個飯盒做lunch~生炒雞絲飯+例湯：加埋都唔洗$40，仲要咁大盒，真係抵到爛！味道方面，既然間飯店係做開小炒，自然係用大排檔式爐頭，炒出黎既飯亦好有鑊氣；飯粒真係粒粒分明，每粒飯都有D蛋汁包住，又唔油，最正係D雞絲，嚴格黎講係雞條，份量好多，而且無咩雞皮，唔會話好肥，正！至於個湯係「赤小豆粉葛豬骨湯」，一D都唔求其，好足料，又唔會好重味精，飲完都唔會口乾。以後lunch又多個選擇lu
繼續閱讀
去完Church後, 喜愛到權發食,因午飯叫小菜幾抵食, 味道都唔差今天11:30去到, 員工都在休息(睇電視) 當中.安排坐下, 等了15分鐘, 可以落單今日小菜叫左牛肉炒蛋, 味道偏鹹, 但味道可以炒膳個茨汁太結, 有d漏有湯, 有白飯大件抵食
繼續閱讀
岩岩升左新晉食家! 太開心了, 因為有12張相可以放! 成日影左冇位放, 我又唔鐘意張D相整到細細幾張當一張.我自己基本上睇到別人食評, 如果係多張當一張, 自己都冇咁有心機睇,升左級, 寫篇食評慶祝下!!!! ( 都唔知係咩慶祝方法)去完東區探病, 一架的士就到, 快! 椒鹽九肚九肚不是靚野, 老實我係半個水上人, 食九肚, 一定係油鹽水或者邊爐做得椒鹽絕對不會是絕頂合時靚野, 睇SIZE就知, 細細條, 肉薄.但我今次要講, 不是彈, 是讚, 油不益味, 炸出黎色唔深, 証明油夠新, 而粉唔厚, 薄薄脆脆, 做得好!生炒骨我冇投訴, 生炒骨就係生炒骨, 唔會變左咕嚕肉, 有D餐廳, 2樣野當一樣整, 唔OK!排骨也OK, 係肥左少少, 不過本人口味特別, 鐘意瘦野, 可能呢個先係大眾口味.炒鵝腸料頭夠多, 我最鐘意食料頭, 反而少食鵝腸, 整碟炒得非常香, 不過這是雪鵝腸, 食的是奇爽口, 但我覺得佢有點柴, 好難咬小炒王（唔知有冇記錯)有魚有NUTS, 夠火喉, 樣樣都好食, 但係就係唔知點解, 溝埋一齊就怪怪地...基本上我樣樣都係分開食, 冇得一匙一匙咁咩都放入口, 我覺得小炒王應係配合成一碟, 而唔係你樣樣分開食.O係配合方面, 佢吸引唔到我. 分開食, 好食!霸王雞唔多講, 食雞有雞味, 滑, 講完!豆腐釀蝦滑睇個名就知, 亦唔洗多講, 始終我未食過一間係可以令我張2樣野一齊食, 次次都係分開食,因為蝦滑太硬, 豆腐太滑, 2樣野根本唔一致.... 不過唔係佢問題, 係好多地方都係咁炒通菜 & 上湯什菇娃娃菜亦唔洗多講, 係要講的就係都幾大碟, 好多時去街食, 都係細細碟, 不過就有D鹽囉....豉油王炒麵 & 肉碎窩米( 特登叫佢整, 餐牌應該冇)飽肚之選, 炒麵好好, 呢度D炒野真係好OK. 但窩米一般, 可以不食.今餐滿足度極高, 因為 ! 平 !!!! 靚 !!!!! 正 !!!!每人都唔洗100蚊, 食到夠! 最緊要, 亦係我最鐘意, 夠火喉, 夠鑊氣, 佢D野一黎到, 你真係唔可以即刻食, 熱到呢! 不過咁先係真正廣東菜嘛!!!!不過係多油D, 但我反而會話, 我另願佢多味多油點, 因夠鑊氣而唔夠油水, 唔OK的, 食O個樣野, 就要似O個樣野.最怕有D店, 又話少油少鹽, 炒到又唔好味, 睇落又唔係健康左好多! 所以, 間唔中, 食下冇問題啦!!!
繼續閱讀
28.1.2012是日為年初六, 由阿姨請我們吃飯 由細到大, 每逢假期, 也會來東區探望長輩和家人, 然後一起晚飯, 因此, 也有很多機會在這一帶吃飯. 在我記憶中, 我已去過權發多次了, 有時去西灣河分店, 有時去這間分店, 去年就連北角分店也去了. 但無論哪一間分店也好, 權發的店內環境都是比較污穢. 不過, 權發仍然是東區人的飯堂. 平日也好, 假期也好, 每間權發在晚飯時間也會擠滿等位的食客. 這晚是星期六晚, 雖然我們訂了位, 但仍然要等上15分鐘才有檯. 等到有座位時, 就發現座位之下有點兒濕滑和少少垃圾. 但我們都早已預料到的. 不過我真的很怕在環境這麼差的地方吃飯.期望菜式不會太差吧. 首先是例湯. 用瓦煲煲的, 雖然是普通的豬骨湯, 略為肥膩, 但飲得出沒有落味精. 發財好市大利有勁多發菜和豬利, 蠔士卻很少. 豬利我沒有吃, 但吃了發菜, 不過很咸, 又淋到一pat, 好碎, 蠔士很大隻, 但也是過份咸了. 大斑兩味有炒斑球和炆頭腩. 炒斑球的斑肉很大塊, 沒有太多骨, 而且竟然出乎意料的彈牙. 作為伴碟的荷蘭豆份量多, 也很爽甜, 我吃了很多. 炆頭腩就比較咸, 魚肉雖然很大塊的, 但有很多骨, 吃的時候要份外小心. 不過, 想也想不到與炆頭腩一起炆的冬菇竟然很大隻. 正. 芝士大蝦伊麵底的芝士汁很多又夠濃味, 相反伊麵份量比較少了, 吃完了伊麵竟然還剩下很多芝士汁. 大蝦我沒有吃, 但家人說這些蝦已預先煎香過, 都算大隻, 也夠鮮味彈牙. 蒜香雞的蒜香味也夠濃烈, 因為在遠距離已經聞到了. 蒜香雞的上面鋪了幾片蝦片, 家人說很香口很脆, 可惜我不能吃.雞的外表當然是鋪滿被炸香了的脆脆蒜粒, 雞皮也是夠脆, 雞肉也沒有炸到過份老, 所以仍是嫩滑. 不過, 都是那一句: 很油膩!! 蠔皇海參伴鵝掌是用瓦煲上的, 材料有蠔士, 冬菇, 海參, 鵝掌, 發菜和生菜. 不過, 雖則蠔士, 冬菇, 海參和鵝掌也很大隻, 但份量卻比較少, 幸好每一件也夠淋也入味.而發菜和生菜吸了煲裡的汁, 就更惹味了.夏威夷果仁花枝帶子的顏色都算豐富, 有青綠色的西芹, 白色的花枝和帶子, 橙色的紅蘿蔔和啡色的夏威夷果仁. 這碟炒得好有穫氣. 西芹爽, 果仁脆, 帶子淋, 花枝有咬口, 但可惜的是花枝和帶子的份量很少哩. 竹筒鱆魚雞粒炒飯是真的用竹筒載著這碟飯的. 咸味濃郁的鱆魚粒只是細細粒, 雞粒卻很大粒而且有很多. 飯粒與配料也炒得很均勻, 並沒有一舊舊的飯出現. 都是那句: 夠穫氣.總括來說, 權發的出品都是比較油膩, 夠穫氣, 而環境就真的比較惡劣, 又污穢又嘈吵. 由於我是個比較講求坐得舒服的人, 所以今次只可以給個"OK".
繼續閱讀
終於完成了一個階段的使命, 大家當然高興得很, 要找個地方慶功, 就來了這裡. 午市來到, 有午市特價小菜, 包白飯一碗及例湯.例湯: 7分, 是日的例湯是粉葛赤小豆煲豬骨, 都幾夠火候, 而且不太有師傅的痕跡, 近日天氣寒冷, 飲口熱湯, 人也暖和了不少.蒜蓉炒菜心 $43: 8分, 菜心都幾靚, 炒得不會太油, 加上蒜蓉, 都幾香口.東江鹽焗雞 $43: 5分, 雞肉偏實, 白肉部份尤其鞋口, 而鹽焗的痕跡也不夠明顯. 不過以這價位來講, 有這份量的雞吃, 還算是可以的.椒鹽白飯魚 $48: 8分, 相當香口, 不會太油, 也不會太乾, 加上點點辣椒, 是相當惹味的.粟米石斑塊 $50: 6分, 這個炸物就比較差, 偏乾, 還好粟米汁是幾好送飯的, 而石斑塊也不會太腥.這裡的白飯相當大碗, 一碗等如平常吃的三碗, 真是怎也吃不完.這裡的食物水準算中上, 不過價位就相當合理. 不用加一, 沒有茶芥, 但吃到午市小菜, 實在是相當經濟的一餐.
繼續閱讀