影片
開飯介紹
權發飯店是一所較為平民的飯店,但這卻無損店內的食物質量及食品種類,相反卻有大酒家的水準,實為抵食之選
繼續閱讀
營業時間
星期一至日
11:00 - 00:00
以上資料只供參考, 請與餐廳確認詳情
招牌菜
很少寫食評的我,都要為這間要結業老店寫最後的食評!住西環3年,食足這間飯店2年的我,已經當左係我既飯堂,差不多每星期都會來一次!為什麼? 為的就篜海魚! 去連鎖酒樓食既海魚,都係養多,無味! 但食左這裡一次海魚之後就愛上左! 清篜游水海魚都不過$100-$150,完全無腥味,魚味濃! 最緊要係清得唔會過火,又唔會唔熟,次次都剛剛好! 水準穩定,好滑好好味! 孖寶特價有時有海蝦都必叫! 開邊蒜茸海蝦隻隻都有蝦膏! 連倉魚都不過$148左右,豉汁篜倉魚都係好新鮮好味! 重有冬瓜盅同例湯,例湯渣多過湯,用料重手! 重好過自己煲! 原個菠蘿炒飯,菠蘿新鮮好味,炒飯重料一流! 炸蟹鉗蝦肉多,但好好味! 燒鵝都不錯! 生炒骨既菠蘿都係用新鮮既,唔係用無味個d! 個汁酸酸甜甜,唔係用色素個d! 係蒜香雞無食過,個樣好似炸子雞咁,但見大枱客都必叫! 平常都$300兩個人,即係每人$150,但用料質數高,成本咁大,加上今次業主大幅加租,做唔住都預左,但無諗過無咁快! 重諗住出年樓價跌,呢d名氣老店重可以生存到! 希望佢可以好似新興食家咁係西環重開啦! 等理熟客同伙記都開心啦!
繼續閱讀
9月12日, 今日返西環同呀比屋企食飯~ 又係去我地食慣食熟嘅權發飯店開餐! 權發喺香港多區都設有分店, 而西環呢間都算係開得比較耐. 能夠頂得住西環狂飆嘅舖租屹立不倒, 除咗咁多年來街坊支持外都要靠佢真係老實做生意嘅~::: 燒鵝半隻 + 豉椒炒蜆 ::: $128好幾款晚市孖寶之一~ 燒鵝都幾肥, 所以d皮略厚, 但都有少少脆嘅. 不過肉就唔夠嫩, 味道亦普通. 不過作為一間街坊小菜酒樓, 對於燒味都唔會要求太高.豉椒炒蜆豉椒味就夠濃, 不過蜆肉就唔夠肥美, 太奀以致吸唔到豉椒味. 同埋好多蜆肉都已經離晒殼, 搞到一開頭食好似淨係得殼冇肉咁…::: 椒鹽九肚魚 ::: $78九肚魚都炸得幾香口, 個炸粉唔會好厚, 肉地都幾嫩滑~ 之不過味道有少少過鹹, 撈飯食都ok, 但係就咁食就鹹咗d…::: 菠蘿生炒骨 ::: $75菠蘿生炒骨呢d酒樓冇乜可能失手嘅菜式, 權發就叫做得不過不失啦. 甜酸汁酸味較重但夠醒胃~ 不過整體而言, 不論彩椒排骨都略為肥膩d, 油多肥膏亦不少… 呀菲就嫌佢太漏喇~::: 金銀蛋浸莧菜 ::: $70金銀蛋確實落足料! 皮蛋同鹹蛋都多~ 仲有唔少炸蒜~ 湯底好夠味, 令到菜都特別甜! 唔錯唔錯~面對西環貴租, 權發呢幾年都脹價不少, 人流亦被附近嘅新起食店搶去不少… 慶幸佢水準都唔算太退步, 而且食咁多年, 唔多唔少都會有d人情分~ 希望憑住街坊支持, 呢間老舖可以維持落去啦!
繼續閱讀
一向都有在權發間吾中午飯及晚飯的習慣，到權發吃飯原因是伙計招呼及坐位向來都不錯，是晚只坐了六成枱，以往出名是抵食夾大件的它，最近在一次晚飯中發覺食品的質量水準都比以往下降中，可能是西環的舖租大幅上升有關 由於這天不是星期六及假期，可以直入店內搵位坐低，開了茶后叫了個XO醬炒西芹花支片＄68及晚飯孖宝、籠仔蒸糯米花蟹＋白灼海中蝦＄128，二人合共叫了三個餸菜 先來個XO醬炒西芹花支片，食不出西芹有XO醬味道份量少及煮得太淋，拌菜只有幾片紅椒，花支片鮮味十足炒得不错，都算OK 跟着来是灼海中蝦，真的是海中蝦，但份量不多最失敗是籠仔蒸糯米花蟹，籠仔舖了塊荷葉墊底因此拿來時聞到好香荷葉味，用一只中小型藍脚花蟹，那蟹都食得出有蒜香味無鮮味，有雪藏過不新鮮感覺糯米份量都OK，有葱舖面沒有其他配料，但蒸得太淋有些煮到似爛飯個樣，都可全部吃晒OK的 埋单前送了兩碗紅豆沙糖水，是次晚飯連小脹加一共用了＄210 總結： 西環本來是個平民化的地方，但因地鐵可通車到來及其他因素，引致數間老牌食店結業，如果權發又…………，西環便少了個好去處，還是支持它的，对不起笑臉俾不出了，OK還可以，大家不妨到此一試。只收現金星期一至六加一小脹免茶假期及假前夜市爆滿
繼續閱讀
附近食肆full晒, 見權發門口寫特價小菜, 有位唔使等就入去點了2個小菜+1個湯,份量細水準極差,魚味欠奉肉質粗到咬不開, 山根豆腐的山根油味很重,不能接受, 真的沒一樣好吃不值一提, 環境充滿噪聲的! 服務有問題, 非常離譜, 街坊飯店咁樣做生意難怪少了好多人幫襯, 不會再來
繼續閱讀
其實.我都算是永不放棄的人.我的生命一的都不如意.身邊無人明白我..我仲選擇生存..做食評.至今做了2年我仍末放棄..什至努力鑽研想寫得更好.有很多朋友.什至自己出去食飯見到的街坊.問我將食物影相記低.你係咪好珍惜每一天.我好肯定.我係!離少少題.我想同幫我的戰友講,無論我決定係點?你們為我做的..都係有意義的.值得的?我希望你們繼續幫人言歸正傳.西環權發我是在港聞版認識的!的確係一間名店加老店.價錢絕對不便宜..但服務.食物份量.同味道也相當出眾.特別係海鮮類.金銀蛋莧菜:上枱時,份量好大碟.而每種材料也分配得好好,也十分新鮮.而有新鮮豬肉豉汁蒸鎗魚同蒜茸蝦係178元的孖寶...豉汁蒸鎗魚:好正..不單止不會死鹹,仲蒸到剛剛熟.肉質相當嫩滑.而且大大條...更奇怪肉味也鮮甜..是我出街吃呢種食物.暫時做得最好食的一間..蒜茸蝦.仲有海水鮮味.粉絲吸盡了蝦的汁...相當好食加一枝啤酒...埋單356,元..一的都唔平..但味道也值回票價....
繼續閱讀