影片
我的小狗兒今天三歲了,今年雖然沒有給他做生日蛋糕 , 晚上卻和他出外吃火鍋 ; 總之就帶著 enjoy 的心情出發。來這館子吃過多次,是喜歡它有大排檔風味,菜餚炒來夠鑊氣,最重要是能夠帶同小狗坐到室外一起吃,Ricky有車位泊又是原因之一;他還可抽煙哩!邊爐拼盤~~有鱔片﹑滑牛、蝦﹑牛丸、本地生蠔、貢丸、鯇魚頭,腩、雞蛋、魚皮餃、豬紅、九肚魚、豬潤等等…所有食物都新鮮,個芫茜皮蛋湯底也不錯;生蠔熟了沒縮水,鱔片切得很厚入口肥美;惟獨是九肚魚難吃
繼續閱讀
以上資料只供參考, 請與餐廳確認詳情
招牌菜
尋晚奶奶同老爺去街,屋企冇人煮飯，老公就提議我地放工自己出街食.撐枱腳~由於老公喺元朗水車館街附近落車.所以我地就打算喺附近食 ~ 大約19:00p.m.經過"黃金屋"(由於時間尚早.冇乜人.見有冷氣風扇.仲有電視睇.就入左去坐低喇) ~ 睇下張餐牌.價錢都唔算貴喎 ~ 老公就叫左"鵝件拼盤,炸大腸,黃金雞軟骨"...本來我仲想叫多碟"咕嚕肉".但一望去切緊鹵水既師傅手上碟野"OK大碟".再望下周圍未有其他人.即係碟野係我地架啦...咁就決定等D菜上哂先算 ~鵝件拼盤$68 - OK大碟...有幾件鵝,幾隻翼+爪,豆腐,芽菜,花生,生腸,鵝腸.腎,豬耳...(估唔到的足料=正) ; 黃金雞軟骨$48 - 成個碟擺滿哂.都幾多下,味道都OK唔錯 ; 炸大腸$28 - 細細一碟,好香好脆.幾好味 ; 另外叫左一個靚仔白飯$6+ 一碗湯河$8 (最後滿足到...食到食剩少少野tim ar) 好彩冇再叫多碟"咕嚕肉"咋...唔係就更加食唔哂丫 ~ 而係我地食野期間已經開始越嚟越多人喇... 我仲見到有隔離枱叫既"粉絲煲--好似$48or$58.都係好大煲架,其他餸菜既份量都係唔細架 ~所以總括嚟講...哩間野都叫做抵食 ~ 不過環境真係有待改善...因為間中會有d小強仔.蚊仔.蒼蠅仔.喺牆.櫈等地方出現...雖然佢既格局係大排檔.但都應該要執執佢囉 ~
繼續閱讀
其實我都食過幾次，D「黃金」菜式確係唔錯，我最鐘意係鱔球同魷魚，味道好好喎!地方係差D，有改善空間! 其實我樓上同樓下都坐過，樓下就企理D，樓上就殘D囉! 總括而言，食物得，環境有待改善，不過，大排檔算係咁啦!
繼續閱讀
今晚老朋友【華】約晚飯,咁啱我又休息兩日,所以應承咗佢。到七點約埋另一朋友,同【華】一家三口,原約咗去【新星】酒家晚飯,但因另一朋友話【黃金屋】正,加埋我未試過都想試下,所以就決定臨時改變場地。晚上七點半到達坐出面,叫咗【黃金鮮魷、辣酒煮花螺、古法蒸鯇魚、肉鬆蒸水蛋、鹵水豬頭肉 & 蝦醬通菜炒牛肉】六個餸。(黃金鮮魷): 其實真係幾惹味,但因為除咗鹹蛋黃之外,我覺得廚房都係落多咗鹽,送啤酒都唔錯嘅。(辣酒煮花螺): 螺唔新鮮好多隻都肉霉,汁水唔覺有酒味及香味,但係齋勁辣遮掩哂其他味道,呢道菜好失敗。(古法蒸鯇魚): 魚肉好腥,冬菇及豬肉絲份量好少,冇咩惹味配料一齊蒸,只係事後灒啲甜豉油,食落完全唔掂。(肉鬆蒸水蛋): 普通唔錯可以接受,當家庭小菜送飯ok,但唔可以話出色。(鹵水豬頭肉): 好肥唔煙靭冇口感,鋪碟底芽菜好生,豉油又係好鬼死鹹。(蝦醬通菜炒牛肉): 幾大碟,但又係勁鹹,加埋牛肉片好少好散,唔掂呀!服務一樣唔掂,前亞視藝員事頭婆【盧希萊】,全場都唔係太主動,另一個大肥仔+ 一個矮身材光頭中年漢 + 高瘦阿姐 + 啤酒推銷小姐。上菜只會係咁隊埋枱邊,唔幫你執位或擺正上枱,好似一定要客人自己接咁,好差! 平時又唔會有侍應,間中行埋嚟睇下有咩需要幫忙,叫咗白飯又唔記得邊枱,及叫咗幾多碗...唉! 反而果位啤酒推銷小姐,佢仲勤力過其他人,又上菜又拎其他牌子啤酒,咁先係做嘢丫嘛! 其他人企哂喺度有鬼用咩!?餐具真係幾污漕下,要自己去換幾次先搵到較乾淨替換,自己用茶洗要大力捽先掂,點搞呀!?事頭婆【盧希萊】,佢成日著重用好重口吻訓導女侍應,但佢自己只掛住食煙及同其他自己人吹水,就算做旺咗個場,自己唔想落手落腳,起碼都同客人傾下閒偈打下交情牌啦!下次我唔會再幫襯,因為再幫襯,我驚高血壓及腎病。我另一朋友話上次嚟食都唔係咁差,同埋食物唔係咁鹹,話可能換咗廚師都唔定。希望【盧希萊】改善下啦! 因為創業難、守業更難呀!埋單唔係貴都係四佰有找~
繼續閱讀
可能我地坐路邊，所以見唔到店內同閣樓幾DIRTY！不過我覺得店員o既服務態度唔錯，而且一路都有人客來。我地洗完碗筷，佢地好快幫我地收走兜水……汽水等左好耐未到，佢地快水拎來仲會say sorry……我地影d食物，佢地仲講笑話我地影佢d「商業秘密」……當日主要想試「黃金系列」，點了黃金翠玉瓜及黃金鮮魷，前者很香口得來又清甜，推介！後者反而有「粉醬太厚」的感覺，無甚特別。街坊小館來講都中規中矩啦。
繼續閱讀