38
17
9
營業時間
今日營業
全日休息
星期一至六
11:00 - 03:00
星期日
全日休息
以上資料只供參考, 請與餐廳確認詳情
聽講呢一間車仔麵檔好巴閉今日終於有機會試一試佢係龍定係蟲。鹵水豆腐豬大腸冬菇生菜淨餸,鹵水豆腐超級大舊,都算入味,豬大腸洗得幾乾淨唔會有陣味,冬菇又唔算好厚身,正正常常咁啦,生菜份量都ok。鳳爪牛腩生菜胡椒豬肚個鳳爪有幾好食,係炸過嗰隻再放湯,胡椒豬肚胡椒味冇乜,牛腩都ok,夠林夠入味。豬手牛腩豬耳仔米粉,米粉份量勁多勁大兜,豬手不過大字,炆得唔夠腍又唔夠入味,舊骨好大但係肉好少,豬耳仔正常發揮啦。淨蘿蔔聽講話係一定要食嘅餸所以獨立嗌咗一兜,都先甜嘅不過心裏面覺得佢係落咗砂糖落去煮。
繼續閱讀
🇭🇰 超級無敵車仔麵·之前太安樓間林記係我細佬推介嘅 呢間就係我媽咪鍾意多啲既😂😂老實講我自己覺得林記好味啲既 但係呢間就真係肉眼可見乾淨好多 而且佢呢度既餸選擇都多啲 如果嗌得啱既話其實都唔錯既🤣·三餸車仔麵$37 l 四餸車仔麵$44我自己覺得最有驚喜就係佢個韭菜餃😍佢呢度嘅韭菜餃好食過林記 佢係真係好大粒 好飽滿 而且個餃子皮都好滑好薄🥟🤤之後佢個滷水豆腐都好入味 蘿蔔都好甜我 其他餸就正正常常啦 不過我自己真係麻麻佢個豬扒 佢呢度個豬扒係就咁白烚嘅 所以食落真係麻麻🫢😂··📍西灣河西灣河街116號地下
繼續閱讀
👉自古成功在嘗試,唔試過又點知好唔好食❓❓📌雜麵 $43 ~ 見到碗麵都心知不妙,我明明點咗沙爹醬、牛腩汁、加辣⋯🙄 目測係清湯底,我即時去櫃枱拎枝辣椒醬,chok咗好多下落碗麵度,先至🈶️啲啲味。。。☝️點咗瀨粉,餸🈶️:豬皮x 2、豬紅x 2、蘿蔔x 2、魚蛋x 2、雞翼x 1、雲吞x 1、蝦卷 x 1、魚卷 x 1、韮菜餃x 1、魚皮餃x 1、豆泡x 3。👉各款餸都尚算有味,比湯底好。。蘿蔔夠腍,魚蛋係超迷你,食咗都唔知咩味。。即食餸料唔使講啦!🤷🏻♀️❌ 匙羹係要問至會畀,仲要係即棄短膠匙羹。堂食全用即棄餐具 ~ 差評😩❌ 第一次遇到麵店枱面無任何調味料,店家對自己的出品信心爆棚,客人不能自加味道!👎❌我的劣食車仔麵第3⃣️位 ~ 真係🈚️改錯名《超級無敵難食車仔麵》❌在櫃面點餐後要自己拎埋位,我以為去咗連鎖快餐店。。🙄自己拎都算,托盤都🈚️個,個即棄膠碗又軟身,真係幾危險⚠️🏬 超級無敵車仔麵 (西灣河)🚦 西灣河街116號地下
繼續閱讀
呢間車仔麵我可以話由細食到大,由佢廿年前係太安樓機鋪對面,做到入鋪再擴大間鋪,一直以黎都覺得幾好食,但而家個份量同埋食物既質素都有所下降,因為我每次叫都係食淨4餸,生菜底、鮮竹卷、蝦卷、咖哩齋,我其實覺得最好食都係呢幾樣,但其實呢到最開心係叫五香肉丁或者回鍋肉,雖然呢兩個餸個價錢係貴其他一賠,但佢地做法係成罐咁車落去,所以我覺得都貴得有道理,講番我碗麵,鮮竹卷呢個餸已經要加一蚊,但由以前兩條變到而家得番一條,食完個感覺好唔滿足,咖哩齋索汁既時間唔夠長入面都仲係白色,但個咖哩汁都一樣咁好味既,呢間車仔麵我個人覺得最好就係佢個清湯,起碼呢樣野仲keep到,因為出面食車仔麵個清湯根本都唔係清湯。
繼續閱讀
超級難食車仔麵我呢世人真係冇食過咁難食嘅麵我一入門口已經知瀨嘢已經猶疑好唔好入去食但係已經有幾個人坐喺度同埋由於非常肚餓用賭博嘅心態嚟食呢一碗麵我叫嘅時候已經叫咗三次加辣點知碗麵係唔辣嘅湯底係咖哩亦都冇咖哩味就好似溝淡嘅咖哩水同埋食有沙嘅豬皮一樣佢個豬大腸係臭嘅亦都咬唔爛粉腸又overcooked豬耳又好大陣豬臊味呢碗嘢個溫度亦都係接近人體即係暖暖哋坐嘅地方我可以100%話畀你聽人哋食完佢係唔會抹枱嘅張凳亦都好似隨時會冧一樣我食完第一啖就已經有少少嬲想走又唔想浪費食物同埋服務已經係冇竟然我講咗加辣三次都聽唔到有啲豬耳真係食唔曬真係好難食唯一可以接受到嘅豬皮竟然有沙估唔到呢啲舖頭竟然會仲存在喺呢個世界上
繼續閱讀
您可能會有興趣的...