影片
尋晚同男朋友去左佢屋企樓下個間昭陽日本料理, 重新裝修~之前都想去試下,因為佢話有長壽司, 但都冇去試!~佢裝修之後晚市話有串燒,咁就去試下啦~門口有位女侍應派單張(單張上寫新張優惠,憑單張惠顧有9折,9點半後85折)接過後,8:10pm,入到去...眼見只有2枱,好少人..(心想唔通唔好食..?)不過環境尚算舒適,有6間VIP房,單張上寫,見唔到)燈光昏暗,,冷氣夠凍...可能冇咩人~有2個張bar枱分開, 一張係串燒bar, 一邊係壽司bar,坐低之後即刻奉上沙律一小客,附醬汁,之後就睇menu,Order 左串燒 : 芝士雞翼,燒羊架,串燒雞軟骨,牛肉雜菜窩,炸生蠔,帶子壽司,鰻魚壽司(only呢款係長壽司),炸軟殼蟹手卷,同花之戀壽司~~但等左好耐...眼見隔離枱(一家四口)不停上菜,佢地係早d..不過越等越唔對路...又見壽司bar司傅好得閒咁好以冇單做..開始覺得不妙,..突然個經理行埋來..佢話check過原來落漏單!我同男朋友眼都突埋...得2枱客都落漏單...真係激死左..仲要勁肚餓...個經理即係say sorry, 仲幫我們落番單,話即整!!足足等左40分鐘有多,唉...不過之後個經理全程serve我們張枱,跟住又送左一客三文魚腩刺身比我們食住先...之後食物隨隨送上~首先係串燒,芝士雞翼阿經理話唔新鮮,幫我們cancel左~串燒雞軟骨好香,個味剛剛好,好好食!不過個燒羊架就麻麻,有d難咬,不過有mustard比客人調味~牛肉雜菜窩好好味,個湯係勁鮮甜,配料就同出面個d一樣,不過就好新鮮,唔以有落味精~壽司好新鮮,帶子壽司好甜,佢送個客三文魚腩刺身好多油脂,好新鮮~(長)鰻魚壽司醬汁好濃,好香~唯獨個炸軟殼蟹手卷,上面有牛油果,青瓜絲同蟹子~不過炸軟殼蟹就係涷的,爭左d!~到最後..都係仲漏左花之戀壽司,不過冇追佢,因為都夠飽了~埋單9折後$300到,不過各食家留意,原來個沙律係要收$$$$$$,佢冇講囉,不過menu heading有行字提及,如果大家唔想食就記得同佢講,收$18~仲要冇咩特別仲有一樣要留意,menu上有紅色*的串燒係得一串,其餘都係2串上~壽司都係段件計~整體都好好,不過係搞笑d囉個服務生,如果人仲多的時候..佢咪仲勁漏單..大家都要小心d...如果唔係要白等了~順帶一提,見到隔離枱有order北海道燒蠔,仲好大聲話好正..下次都要一試
繼續閱讀
招牌菜
食評 (5)
尋日去開紅磡,聽男友話佢發現左佢屋企樓下有間唔錯o既日本料理(之前去開加X賀),就本住試下無訪o既心態去食我o地坐sushi bar,一坐低,師傅己經落足咀頭狂sell,佢介紹左好多特別o既魚,有D我都未食過我order左以下菜色(想去的網友~試下吧~)1)原條活左魚(欣賞師傅o既酸汁,不太酸,冇蓋過魚味之餘,仲有淡淡柚子香)~全晚至愛~2)深海石(活的~即~新鮮~)3)鯨龍薄切(本來都唔錯,But,都係好似左口魚好味D)4)秋刀魚剌身(大廚話係時令魚,秋天食最肥美,係飛機貨~本人覺得有D腥)5)什錦天婦羅(粉漿有D厚,尚算脆口)6)鮑魚中華冷面(失望之作~唔係真鮑魚)其間壽司大廚仲請我o地食左客特別order,係用鱆紅魚卷到好似雪糕筒,裹面放左海膽,面頭有幾粒三文魚子~好鬼靚,成朵花咁~最後仲有雪糕送~好鬼飽壽司大廚仲話下次比個10%我o地~坐sushi bar有so~鐘意食魚生o既網友~不訪一試 ~~~啊!冇八吋sushi~~~
繼續閱讀
上星期weekday, 見庇利街有新的日本食店, 便去試試, order 了三文魚壽司豬頸肉定食炸蝦卷兩人晩市消費了$200 左右.可惜所有刺身都唔新鮮, 相信唔會再去...
繼續閱讀
老公睇完呢度的食評，既然講到咁好，所以今日決定唻試下咩叫fusion菜～～先唻佢地的招牌壽司八吋長刺身！！一件八蚊，局住你要叫兩件先可以叫～～嘩～～件壽司係好長呀！不過切到好薄呢＠＠刺身亦唔算新鮮！茶壺海鮮湯：其實係比menu 上的相片吸引而落order：相中茶壺口佈滿密密及迫爆出來的海鮮，不過茶壺送來時才發覺，材料只有在茶壺內的數件雜菇，一粒蝦及數粒魚片；湯味偏於味精湯，一般鮮甜啦～～蟹子沙律：$35大大碗，係老公覺得最超值的沙律，味道亦不錯。吉列豬扒手打烏冬：原價hk$40，轉為手打烏冬加hk$10～～烏冬感覺似上海麵，煮得太軟及太林，無口感；湯底則是非常港式的，完全配合唔到烏冬的味道＠＠吉列豬扒沒有跟沙律醬（叫先會有），而且吉列豬扒跟湯底完全唔配合！！食到呢度，已經唔想再叫其他食物，情願晏ｄ再食宵夜好過～～～
繼續閱讀
呢間嘢都幾多fusion菜, 我成家6人想舒服d所以坐VIP房,坐房有個welcome food 送,一隻牡丹蝦船; 好得意!係一隻巨型牡丹蝦上有幾件細粒過指甲嘅壽司bb!我叫咗特價一尺長大蝦天婦羅, 藍莓牛仔扒, 活左口魚刺身, 海螺刺身, 帶子皇刺身,智利海膽,刺身沙律, 醬爆鴨舌, 酒煮蜆, 福岡燒;一尺長大蝦天婦羅真係第一次食咁大隻,$28抵!藍莓牛仔扒跟鐵板上, 個藍莓汁好香好fresh, 牛仔扒面燒到肉面焦焦哋而肉身仍好juicy, 幾有創意, 好味道!$98.活左口魚, 新鮮及刀功好, 我本身好鍾意食薄切, 左口夠滑, $138海螺刺身, 日本飛機貨, 鮮甜爽口, 原隻$68, 抵食!帶子皇刺身, 又係巨型版, 產自北海道, 好鮮甜, 同普通帶子刺身簡直兩回事, $58智利海膽, 好大粒, 好鮮味, 雖然$200, 但試過就知同平時好細粒嘅分別刺身沙律, 呢間招牌菜大大兜, 最重要個汁好開胃, 用個金色兜而沙律汁橙色, 好醒胃, $38醬爆鴨舌, 好有獲氣, 日本菜有鴨舌食, 哈! $38酒煮蜆, 用花甲, 正! $48福岡燒, 其實係牛內臟串燒, 有牛筋,牛舌,牛肚, 係幾特別,不過我就麻麻哋, $50/6串其他我老豆嗌咗支"黑一點"燒酌,佢話好飲,個名幾抵死!$368; 我同家姐就飲倆小無猜,有氣酒,$58/壺,幾易入口最後埋單送雪糕,共$1300-食得好豐富,下次一定再去!係位置難搵d,揸車就好方便,有成4個停車場.
繼續閱讀