影片
開飯介紹
利苑酒家提供大量套餐，當中有鮑魚﹑響螺﹑燕窩等菜式。酒家不斷創新以迎合客人的需求及時代的轉變，保持現有菜式的水準，並因應客人的口味加以改良及鑽研新菜，30年來創出上千款菜式。
繼續閱讀
獎項殊榮
米芝蓮一星餐廳 (2015-2016)
特色
同客食飯
適合大夥人
營業時間
今日營業
11:30 - 15:00
18:00 - 22:00
星期一至四
11:30 - 15:00
18:00 - 22:00
星期五至日
11:30 - 15:00
17:30 - 22:00
公眾假期
11:30 - 15:00
17:30 - 22:00
以上資料只供參考, 請與餐廳確認詳情
食家推介
招牌菜
相關文章
最近去左銅鑼灣嘅利苑飲茶，剛好撞正1:00繁忙時間，人好多。雖然咁，我地都順利叫左幾道菜，總共800幾蚊。😅我地叫左啲咩呢？- 一煲霸王花龍骨湯 🍲- 一碟乾燒伊麵 🍜- 一碟蛋撻 🥮- 一碟叉燒腸粉 🌯- 一碟炸魷魚鬚 🦑- 一碟炸雞軟骨 🍗- 一籠炒時菜 🥬- 一籠燒賣 🥟逐樣講講感受：- 霸王花龍骨湯🍲：湯底好夠甜，可能因為有霸王花，加上我鐘意食湯渣，但覺得龍骨瘦肉整得一半林一半硬，可以再落多啲骨。份量有7-8碗左右，夠晒我地三個人分享。- 乾燒伊麵🍜：無咩特別，但面好長，要叫人幫手剪開先方便食。- 蛋撻🥮：個size超細，三舊咁大把，有啲失望。- 叉燒腸粉🌯：搞笑係其中有半條腸粉入面無叉燒，但其他有叉燒嘅都算肥瘦適中，不過不失。- 炸魷魚鬚🦑同炸雞軟骨🍗：呢兩道菜真係整得最好，炸得剛剛好，夠熱又易入口。特別係個雞軟骨，脂肪好夠，食過返尋味。總括來講，利苑嘅食物水準都keep到，算係中上水平，而且服務專業，侍應會主動過嚟睇有無茶要加。唯一不足係價錢真係唔算平，通常黎呢度都係商務或公司同事聚會比較多。💼🍴希望大家下次飲茶有個好嘅選擇！🫖✨
繼續閱讀
前往利苑沒有十次也有八次，灣仔這家的廚師及味道相對來說絕對是食過最好的。今日公司年尾尾牙，大家一齊開開心心食到停唔到手，勁有氣氛，老闆就係要呢啲！（埋單人頭約2000元）· 冰燒三層肉色澤誘人，肉質層次分明，外皮酥脆而內裡柔嫩，令人垂涎。燒烤的香氣與肉汁的融合，讓每一口都充滿風味。· 爽脆海蜇頭開胃之選· 南京素鵝素鵝的製作精細，外皮金黃酥脆，內裡則是柔軟香料，口感豐富。· 生拆蟹肉乾捲翅呢個算係利苑嘅特殊菜式，就咁食魚翅就食得多，炒翅真係少之又少。呢度完全唔會敷衍你，真係一碗滿滿嘅翅，粉絲都唔見多條，完全係極滿足，蟹肉的新鮮與翅已經完美結合，正！· 金蒜粉絲蒸竹筍蚌竹筍的清脆與金蒜搭配粉絲的綿滑，口感層次豐富，十分開胃。· 鑊仔煎牛柳伴沙律牛柳煎至五分熟，保留了肉質的多汁，食得出食材矜貴，不過不失· 上湯澳洲龍蝦煎米粉底呢個餸又係特殊訂製，將米粉底變成米餅底，龍蝦的鮮美在上湯的熬煮下愈發醇厚，脆米餅吸收了湯汁的精華，爽！· 古法雙龍躉翅極之入味，魚界王者· 秘製茶皇雞雞肉的鮮嫩透過茶香的浸潤，呈現出獨特的風味，搭配特製醬汁，讓整道菜更具層次感· 濃湯排骨大芥菜這道湯品濃郁，排骨肉質鮮嫩，與大芥菜的微苦形成絕妙的對比，令每一口都充滿驚喜，十分適合冬季享用。· 金絲脆蓮花脆得黎口感香甜，唔會甜到漏 完美的餐後甜點，為用餐畫上圓滿的句號。· 養顏蛋白杏仁茶最後以養顏為主題的杏仁茶結束，滑潤的口感中帶有淡淡的甜味，既健康又美味，是一個完美的收尾選擇。
繼續閱讀
朋友，一講起食嘢，我今次去嗰間餐廳真係要同你地狂推一番👍啲菜式簡直係口感同味覺嘅雙重奏，咁就拍住篤一落啦！首先，佢哋嘅片皮鴨，啖啖肉，皮脆得嚟唔肥膩，食落嘅時候真係「嘩」一聲，仲講得出係咸鮮鴨味中帶甜，想念都難！再講下嗰啲豉油王煎大蝦開邊，蝦肉鮮嫩，一啖噴汁，我只能用「惹味」兩個字形容。🍤跟住落場嘅，係香煎龍躉片，呢個就真係“肥美”加“彈牙”，一樣咁吸引。我仲記得黃金蛋炆豆腐嗰滑嫩口感，加上鹹蛋味啱啱好，叫人停唔到口。雖然糖醋牛柳粒嘅牛肉粒有啲細，但那鹹甜嘅味度令此菜完美收官。真係要稱讚下呢間餐廳唔硬銷，睇得出廚師嘅用心同埋對食材嘅尊重。每道菜嘅味道都算係相當標準，啱哂想搵啲靚味叉燒、老火湯、或者係色味俱佳小菜嘅食家。仲等咩，快啲叫埋三五知己去感受下這份味蕾盛宴啦！🥢🍚🥂
繼續閱讀
疫情終於都停一停，讓大家透透氣😮💨生活可以開始慢慢回覆正常👯♀️希望會越來越好，今日（一月二十日）中午一點鐘來到♦️灣仔利苑酒家♦️飲茶，利苑呢個品牌，個人認為，一向都係信心的保證👍.我係訂左中午1:30⏰因為預埋塞車時間，不過沒有塞車，所以1:00 就到達，門口接待員🧑🏻告知要等1:00 的客人入曬，才安排我入坐，無問題，係我早到咗，跟著亦有一位訂左2:30 的客人，同我情況一樣。但最終我哋係最後入坐的一枱😤連2:30 的客人都先入坐，仲要同佢地講「你哋入坐先」，究竟呢位門口接待員係點安排？係咪唔識睇數字，認為2:30 係早過1:30？還是熟客？定係快要新年搏下次有利是？真正原因她自己清楚，但係我心目中，她冇顧及客人的感受？未食已經覺得感到一肚氣😡.被安排廁所隔離嘅房仔，廁所開關的時候，聞到淡淡氣味，仲要地下爛晒要蓋上地氈，我以為自己去咗大排檔，匆匆點左午餐：揚州炒飯🥢第一次食揚州炒飯無义燒粒，分數大減，味道只屬一般鳯爪🥢好多油，醬汁唔香，而且比較淡口牛肉球🥢扎實大粒，算係正常演繹千層糕🥢一般甜糕，無特別蛋白杏仁茶🥢幸好唯有這個是水準依然，利苑的蛋白杏仁茶是我認為做得最好嘅，每次都要點，不過蛋白似乎沒有以前的多，味道就依然正👏🏼.坦白講，呢餐真係好失望😞員工、環境和食品的質素，都大不如前，十二月份我上咗去深圳旅行，萬象城的利苑酒家，無論員工的表現、食物、都比灣仔的利苑高好多, 環境更加唔需多講，樣樣野都令我真係好surprise😱而且價錢比香港平。希望香港分店，可以加強員工的培訓，改善食物嘅質素和用餐環境，挽回分數。
繼續閱讀
今日約了客人，特登去試利苑煲仔飯，酒樓11:30開門，我們12:00去到。部長說無得落煲仔飯，佢話做唔切，所以無得落單。咁大間酒樓，連這些主食都做唔到，真係好有問題，不知所謂，有無攪錯？！香港的酒樓真係越做越差，無食物供應，請在點心紙或二維碼提示，免得客人白走一趟；最離譜係，佢連一句「對唔住」，都唔會講，只係敷衍你，「無得賣！無得賣！」我對香港食肆真係徹底失去信心。利苑係香港數一數二好貴的酒樓，但對客人的無禮及敷衍，連茶餐廳都不如，完全影衰晒香港旅遊中心的聲譽，呢啲酒樓真係完全唔要得。
繼續閱讀