影片
尖沙咀港鐵站C1出口一寿司樓上
繼續閱讀
附加資料
星期一至星期五: 中午12 點- 半夜0100 \r\n星期六,日: 中午12 點半- 半夜0100 \r\nLunch 時間開門至1430 \r\nTea 時間由1430 - 1800 (Around 1750 Last Order) Dinner 時間由1800 - 0959 \r\nCrazy Hour(半價時段) 2200 - 0100 (Around 0025 Last Order) \r\n半價時段即是壽司,剌身,卷物和所有飲物半價每位客人最低消費$60 而Nuts 費就o係最低消費裡面佔$5
以上資料只供參考, 請與餐廳確認詳情
估唔到個食評未寫，佢已經摺咗，點都好，食過都寫寫佢啦！老婆同同事哩過食晏，話唔錯，趁星期六小弟做晏咗，就過哩同老婆食下午茶，下午茶時段2:30-5:45pm，環境較為幽暗，但三幾個哩食嘢傾偈都幾好嘅！食物選擇都幾多款，佢哋有個本月下午茶推介，啱啱係有兩款揀：豚肉生薑燒飯、豬軟骨拉麵（無其他嘢包，只得個飯同麵），我哋費事諗就揀咗依個推介，再加多少少錢要杯凍Mocha。飯市可能幾旺吓，因為2:30pm哩到，好多枱都食完未有人執，而且，明顯人手不足，甚至我哋企咗好幾分鐘先有人招呼入坐。不過，坐低都好似無乜人理咁，因為環境又比較黑，要揚手幾次先搵到個侍應哩落單，一落完單佢又急急腳咁行開咗，應該仲係收拾緊枱面嘢，衰就衰在無乜表情，又無反應，好似行屍走肉咁。下午茶市其實無乜人，所以都唔知點解我哋D嘢要等咁耐！豚肉生薑燒飯，唔得，我只係覺得係一碗洋蔥加埋薑片炒肥豬肉嘅珍珠飯，D豚肉超肥，肥過D整梅菜扣肉嘅豬肉，食完一口油！反而，個豬軟骨拉麵似模似樣，至少奶白湯底有豬骨味，豬軟骨就稍微韌咗少少，拉麵都OK，有彈性！最滿意竟然係杯凍Mocha，夠大杯，夠冰凍，仲夠啡味同朱古力味，哈哈！
繼續閱讀
之前裝修左十幾日，今日諗住去試下啦~上去先知原來換左老細，因為佢唔俾我地用之前儲分果張卡，仲要係無任何通告講呢件事...之前間野有個promotion係食一個lunch會儲一個印仔，儲夠十個可以送一個餐，31/12/2009到期，點知今日用唔到，佢話只可以去番銅鑼灣果間用，ok，算數...同兩個同事去，每人叫左一款唔同o既餐，叫完之後聽到過兩張檯有幾個人話等左九個字仲未到，隔離檯都三、四個字，心知不妙...哈，點知又咁「好彩」，我同其中一個同事個餐等左一陣就有，隔離檯有少少不滿，咁我地照食啦....首先講我個吉烈豬扒拉麵，吉烈豬扒好乾又無味，拉麵唔似拉麵，似皂水麵，湯又係無味...到我同事果個天婦羅烏冬，天婦羅外面層粉唔熟超硬，又炸到都唔似天婦羅o既樣，同埋D湯都係好怪...最後仲有一個咖哩豬扒飯，係無到o既，等左大半個鐘唔等喇，加埋全場人催左果幾個waiter九十幾次都未有，都無謂晒時間等啦...服務方面，「新開張」亂晒坑得太離譜，有幾個waiter呆下呆下咁，有時想催野食舉高隻手，有幾個都好似選擇性睇野咁，直行直過...我地都廢事等佢黎幫我地埋單同取消其中一個餐，我地直接走去收錢果度同佢講取消餐&俾錢，佢部機係check唔番我地食左乜，要我地指番餐牌俾佢睇，其間仲要聽到有個客大聲講話叫左四次埋單都未黎...其實未準備好，不如唔好開住啦，得番幾日都唔俾我地用果個coupon，食物價錢同之前一樣，但係質素就下降，點吸引我去食第二次或者介紹人地去食呢....
繼續閱讀
唔知點解一大班人想食日本野既時間就諗起東京..講真,,野唔太好食的..~! 不過佢多大枱..而且出面有露天AREA,可食煙...~~~加上有CRAZY HOUR ,, ~~~ 唔驚太貴~我地呢晚咩都ORDER哂甘濟..刺身盛盆都黎2轉...!!!夠新鮮~~~~~~~~~~D ITEM都算多~~!!海蝦天婦羅 係我地至愛~~~~!!蝦夠熱夠大隻....~~~~甜蝦都好新鮮~~
繼續閱讀
星期日晚十點本來想去一壽司食特價時段但已見到門口有一條人龍所以就睇睇其他食店見到東京又係做緊半價又話唔洗等位咪上去一試上到去不算是太多客坐沙化位對比係一壽司迫夾既位呢度緊係舒服同靜d燈光比較暗都幾有情調壽司,卷物,刺生,飲品半價因為諗唔到食咩所以主要叫卷物,刺生落左單都好快上味道不錯刺生都好新鮮其後叫左個酒提子味的,飲落口似藥水飲左少少就半放棄最尾點了海蝦天婦羅 即叫即整黎到仲熱好味
繼續閱讀
開學前跟同學仔小聚一下,談談開學之大計~~~特登等到十點搵食野,因為有半價壽司一直都唔明點解呢間野要收nuts費用,每個人要俾五元正,好古怪,為何一定要迫顧客畀nuts錢?anyway今日都order左好多食物,主打係壽司and刺身(因為半價)彩虹卷:好似係抄人地d壽司款式,但係我一直都好鍾意食,因為可以一次過食3隻魚(三文魚,吞拿魚和疑似鯛魚)黑蜘蛛卷: 即係軟殼蟹卷,但係好厚炸粉,反而令d卷物一d都唔好味~~玉子刺身: 好一個"凍蛋"完全唔好食油甘魚刺身:可能都幾多人order,我覺得都幾新鮮~~~~~~仲求其order左幾個酒精飲品,唔係好記得叫咩名唔係好好飲,得個甜字,,,,,,,,,如果唔收nuts錢令我對呢間野既印象差晒,anyway,五蚊雞,一係就收多D,一係就咪鬼收啦
繼續閱讀