影片
電話號碼
24711145
營業時間
星期一至日
11:00 - 22:00
以上資料只供參考, 請與餐廳確認詳情
嗰晚因為去上水石湖墟遊樂場睇朋友做大戲,出黎己經過晒晚飯時間,好友揸車黎呢度試下...嗰陣己經差不多9點45分.門口烏燈黑火,以為佢地收左工添,入去問下仲有無飯食,見到仲剩底2枱客...叫左4個餸.3個白飯...好快黎喎,我地是最後一枱客呀,廚房要收工馬! 嘩,好大碟喎,都幾抵食,我地4個靚女都食到好飽,唔好浪費食物呀... 紅燒豆腐=一般 蒜香骨=無乜肉味 鮑魚菇油麥菜=同紅燒豆腐一樣味 啫啫雞煲=好味比4.5分呢度要揸車黎至得,搭車都唔方便...不過度度都試下啦,至搵到好嘢架...
繼續閱讀
聖誕長假期不免飲飲食食，尤其與家中老幼外出用饍，更要兼顧各人口味，終於想起這家聞名已久的歡喜樓一試！雖然地點比較隔洩，不是自己駕車也不清楚有乜交通工具到。早一天我們打電話訂座，接聽的叔叔彬彬有禮，我們並預訂了奶奶最愛的大魚頭一試！一步進相當懷舊，一坐下先來例湯︰蓮藕鱆魚煲豬踭肉，夠料、夠火喉兼沒味精！初步印象分已大增！我們人數不多，只好點了以下幾多招牌菜︰玫瑰豉油鷄*o*果然名不虛傳，豉油甜鹹適中，雞身入味之餘又保肉質鮮嫰。好好味！薑䓤蒸大魚頭平日我最怕吃魚，因為很受不了魚鯹味，對魚頭魚雲更不能接受。但這兒的蒸魚頭，端上來時見到肉質雪白晶瑩，非常新鮮！看見各人不斷下筷，便毅然嚐一口。嘩！不但沒半點鯹味，入口滑啫啫，鮮味無窮，很意外！薑汁炒芥蘭莫看輕這碟菜，可見廚房的真章。大師傅巧妙地將薑汁作成薄醬，再埋落已出水的芥蘭，令薑汁與芥蘭融合，又沒有任何薑粒，很不錯！三層塔豆腐將蝦膠定墨魚膠？（記不清楚）與蛋和豆腐層層疊，再煎炸成金黃，爽口又混和蛋味和豆腐的嫩滑質感，小孩子特別喜歡！油鴨臘味煲仔飯這個是我特別推介，在寒冷北風天，來一個煲仔飯已是不錯的選擇！但這裡的煲仔飯所用的材料好棯滑夠味，包您一試難忘！我們共六個人，吃過這五餸一湯，由於每碟份量十足，$500多少少已食到肚滿腸肥！p.s︰這兒還有自家製的芒果布甸，木糠布甸和心太軟，在這裝修簡陋的飯店吃到超水準的甜品，問您服未？
繼續閱讀
之前食過幾次歡喜樓, 質素有些下降. 所以好耐唔去食.星期六同朋友SHOPPING完, 友人提議去歡喜樓食飯. 我同友人都有車, 所以去都好方便.歡喜樓非常適合自駕人士去, 因為泊車唔使錢, 食飯又唔使等位.當日叫左:1) 豉油雞 ~ 唔使講, 一定保持水準2) 羊腩煲 ~ 好大煲, 多料. OK3) 白飯魚煎蛋 ~ 煎得好香, 讚4) 琵琶豆腐 ~ 好味5) 上湯豆苗 ~ 由於佢地上湯等於胡椒湯, 唔食胡椒味的朋友唔好叫上湯浸菜. 6) 臘味煲仔飯 ~ 登登登!! 最讚係煲仔飯, 臘鴨, 臘腸, 臘肉好香, 肉質好好. D飯煲得啱啱好. 配埋佢地特製的煲仔飯豉油, 我老公食左3碗. 食完仲講左幾個禮拜話好好食.7) 甜品 ~ 我老公食芒果布甸, 佢話係全香港整得最好的布甸, 唔知係咪真係好食得咁誇張, 我叫左杏仁露, 好香的杏仁.呢餐我地同友人都好滿足.
繼續閱讀
假日去開大棠玩，然後順路去歡喜樓試一試!由於早到(6:00pm)所以唔駛等試左佢的「招牌玫瑰豉油雞」，真係好正！D 豉油真係好得，D 肉又彈牙又滑！另外又叫左個蘭花花枝片，D 花枝片好新鮮呀！脆口彈牙喎！勁好味！阿媽又話要蒸返條魚，考驗下個廚師的廚藝，所以點左「青班仔」，有 14 兩重。真係好得，蒸得Ｏ岩Ｏ岩好，又滑又鮮味，我係呢度食完呢條魚之後，先覺得出面 D 乜乜名牌酒家唔知有無呃人，呢條 14 兩咁大條，出面 14 兩咁細條! 仲有佢 D 汁出面真係食唔到，正呀！老婆最鍾意飲湯，所以叫左個例湯，唔係味精湯來架!我地一共裝左 9 碗半。又叫左個豉椒炒蜆，D 蜆無沙好新鮮！另外想讚一讚佢 D 服務都唔錯，呢度好快就幫你加茶同換碟，食完即刻送上西瓜，又唔會即刻要你埋單，等你慢慢嘆返杯靚茶。佢 d 甜品都好特別，但真係好飽所以食唔落，因為佢 d 餸都好大碟，白飯又「突」起，建議大家一開始唔好叫太多餸，留返個肚食甜品。
繼續閱讀
老遠入到西北,又不是一味"探花",更無須一個人來"散心"般落寞,今次之新界局,一行十多人,歡天喜地向著舊青山公路上的"歡喜樓"進發.此酒樓非什麼Hidden gem,飲食雜誌也好像沒有報導過,如果住在錦繡或者加州的朋友,相信未來過,也應該經常路過.事前對此店之認識,是玫瑰豉油雞.單是這一味,已經吸引很多食客,老遠駕車入來吃.假日晚上七點多,已差不多坐滿,所有菜式來到寫便可,無須預訂,或者入廚房同個廚"拍膊頭".做一些菜單上沒有的菜式.玫瑰雞很快便上.小時候鮮雞仍然垂手可得,尤記得吃過某親戚的自家豉油雞,到今天也忘不了.廿幾年之後.我們一家與這位親戚失去聯絡,連帶這段時間,也吃不到有水準的豉油雞.這店用來浸雞的豉油,已加了玫瑰露,因此多了份誘人的酒香,而且浸煮的時間恰好,豉油入味之餘,也不會完全將雞味搶去.雞肉味道濃郁,而且很嫩滑.這種久違的感覺,竟然在歡喜樓拾回.仗著人多,可以盡試多樣菜式,但是在整體感覺上,沒有豉油雞的驚喜,好像椒鹽鮮魷,粉漿比較厚.花枝釀大腸就外乾中強,餡料比大腸更有可觀性,因為大腸有點齦.椒鹽牛柳粒用來送酒最佳,椒鹽珍肝似乎做得過乾,雞肝本身的油潤感蕩然無存.清湯牛坑腩不能夠同眾牛腩名店相提並論.不過,南乳脆鱔球香脆可口,濃香的南乳味先令人胃口大開,炸過的鱔球保持著鱔肉的彈牙感.炒長遠夠乾身,充滿鑊氣.家鄉煎藕餅這味家常的順德菜,外面不難吃到,歡喜樓也做得不錯.砵酒焗生蠔用料靚,始終地理位置與流浮山相近,所以蠔比其他人新鮮,也是理所當然.砵酒味同洋荵的味道沒有喧賓奪主,蠔肉本身依然充滿鮮味.水份充足,火喉恰到好處.脆香三層樓外貌像芝麻多士,其實是包著一朕墨魚膠,口感香脆又彈牙.蒙古烤鮮羊件出奇地好,羊肉嫩兼帶有騷香.甜品方面除中式糖水之外,更有西式甜品如焦糖焗蛋,心太軟,木糠布甸之選擇.水準不遜外面一些街舖呢.駕車的朋友來到的話,酒樓會有免費車位供應,沒有車的話,在元朗坐小巴入來,大約十五到二十分鐘,如果坐的士,車費大約$40.
繼續閱讀