影片
開飯介紹
Ristorante Simpatico已成為遊客及本地居民大受歡迎的餐廳。餐廳菜式都採用正宗意大利南部新鮮的素材，創造出既令人驚喜又揉合傳統的意大利美食，加上現代的當代風格。Ristorante Simpatico充滿著國際化的形象。
繼續閱讀
營業時間
星期一至四
11:00 - 23:00
星期五
11:00 - 00:00
星期六
10:30 - 00:00
星期日
10:30 - 23:00
以上資料只供參考, 請與餐廳確認詳情
招牌菜
食評 (16)
傻更更搭左架巴士兜左好大大個圈去山頂後, 已經開始肚餓山頂 o既選擇唔算多都唔算少啦最後..我地都係揀番呢一間 連個名都唔知讀唔讀得岩o既意大利餐廳這間餐廳o既環境真的很舒服 坐番曾經坐過o既卡位 ( 真係幾闊落下)) 就開始點菜啦menu o既選擇唔算好多 但係我地數過, 每一年黎一次 都要 廿年先試得晒上面o既野意式食物 通常都係 沙律, 意粉 , pizza呢度比較特別o既地方係可以食到一d 唔係出面經常食到o既食材 最後我地點左下面幾個菜式發達雞肉pizza 7.75/10 - (( 個pizza 好足料 , 個味道偏酸, 真係好好食, 只係凍左就冇咁脆 而且份量真係幾多下, 2個人食可能食唔晒 雖然最後都係給焚化了唔記得咩名o既沙律 7.75/10 - (( 呢度d 沙律o既名通常係幾個英文字母.. 材料有醃吞拿魚同菜, 呢個沙律應該出面普通餐廳都食唔到o既 好食好食 份量就岩岩好啦Carbonara - 7.25/10 (( 我地2個最鐘意食o既意粉, 可惜呢度太意式啦, 個汁唔夠濃 不過意粉的texture 都幾好 再去o既可以試下第二種食飽飽先生問我呢間餐廳有幾多分, 其實都有8分啦, 食物o既質素算中上,仲可以同先生開開心心舒舒服服咁食餐飯真係幾好唔錯 , 再加上呢度o既侍應真係有賓至如歸o既感覺 =p
繼續閱讀
同朋友特登走上去山頂呢間度食! 話說本來聖誕黎食既,但係佢果晚d野都ok貴! 成 $488一位!所以揀左琴晚,無最低消費...兩個人食,叫左3樣野 生牛肉片 燒春雞 鮮蝦,蝦乾,意大利粉(辣茄汁) 朱古力軟心蛋糕 + 朱古力雪糕先講d包! 味道麻麻,唔係十分好食! 生牛肉片,都係無咩味! 只係靠d芝士先有味!個汁都唔係十分有味囉!! 後面燒春雞黎左啦!! 佢係原隻咁整既,不過叫佢分開左6份! d肉好好好嫩,好滑,仲好好味添!兩個女仔食晒成隻雞!!! 跟住仲有個意粉, 又係超好味!!! 個汁實在係無得頂ar~因為我地食唔切,所以個意粉凍左,凍左都一樣咁好味ar!!! 之後兩個人share左1個心太軟, 超級正!! 朱古力好味,但唔係好甜,又唔係好苦! 食完一半都唔覺得好滯......個心太軟仲要超級流心! ) 好正好正呀!!
繼續閱讀
你的生日，當然要想多一點，在山頂試吃意大利菜，用盡了友情牌，為的是博紅顏一笑。當日大約七時許，看完香港的夜景，就來到了這兒。早在生日前兩個月前已經準備，所以有靚位。餐廳分了室內和室外，我們就在室外對海的位置，雖然見到很少海景，但已經非常舒服。這兒的服務，在去之前就知道是不錯，他們果然很細心。零八年大部份時間的天氣都是很熱，只去到年尾天氣才開始冷，加上上了山頂，份外感覺寒意。我們坐在室外的位置，他們細心詢問我們要不要開暖爐，最後因暖爐出現問題，他們給了我們被肩。另外，坐下前幫我們推椅，幫我們放餐巾，也是細心的表現。因為對意大利菜不太清楚，我們也是聽聽服務員的介紹，點了不少的菜。第一前菜上的是麵包，麵包的份量都不少，真是想前菜就吃飽我們呢。有三款麵包，麵包本身有味，廷香的，白食也可以，另外有脆脆棒，都是點醬吃的。有三款醬，兩款醬油一款辣醬，幾特別的嘗試。之後上了海敳沙津，個人對只有菜沒有沙津醬的沙津不是太有興趣，這個是加了少許挺香的汁在菜上，吃下去酸酸的，是健康的菜式，不用每道菜也是肉。同一時間，是出飲品，兩杯也是用上不同的生果出來的奶昔，其中一款的味道是在工展會或會展吃到阿菠蘿雪糕的味道。到了他們的招牌菜 - pizza 了。餅底真的很薄和脆身，有少少粉在上面，他們的餅底是用有汽的水，稱會令餅底脆些。我們自定了很多材料，比一般的多了一倍，火腿、芝士等幾款材料也是鹹的，加起來鹹了點點，不過加料到厚厚的pizza還是可以接受的。我很喜歡他們落芝士的過程，他們在我們面前落至我們夠才停。其實到這兒，飽了八成了，哈哈!! 我們還有飯吃，要飽最後兩成一定無問題，怕就怕太飽了。這個是墨魚汁海鮮飯。因為用上了意大利米，比較我們平日吃的米硬，加上不太入味，如果平日的話，墨魚汁會很上色，今次就沒有了，好像是在一道"線"水的牆油畫一樣，是上不到色的。不過有一樣是要一大讚的，就是海鮮非常有鮮味，好像剛剛在水上澇上來，還有海水味呢。最後在我們最飽時，來了用友情牌訂做的蛋糕，真是非常好吃，這兒的甜品師傅果然有一手，甜度適中，很香，外面的杏仁碎加了口感。餐廳用碟上，可以在蛋糕和碟上加上朱古力的花紋，很靚很有性格，最稱心如意。多謝幫我準備這一餐的廚師，我知道這個蛋糕花了不少時間做，幫我多謝他。下次有機會要點另一招牌菜燒春雞，也會再試一試甜品。
繼續閱讀
7-6-2009陪朋友到山頂「餵」新相機, 行到攰嚟食個 tea 餵自己. 一人叫了一杯 mocktail, 再加一份 Napoleone share 食.我的 mocktail 叫 "Homealone", 由 strawberry + banana + low fat yoghurt 打成, 先飲到幾香 strawberry味, 跟住覺得好酸 (strawberry 及 yoghurt), 及愈飲愈酸. 可能同想像中有點距離 (以為 banana 味會較重), 麻麻哋鍾意呢杯嘢.朋友的由 mango + coconut + low fat yoghurt 打成, 芒果味頗出, 亦一樣好酸...Napoleone 係 mango napoleon, 呢個幾好食 -- 酥皮夠酥脆, 雖然都係 Mimosa (http://www.openrice.com/restaurant/commentdetail.htm?commentid=160138) 好食 d 芒果夠甜, custard 亦夠香甜又夠滑, 配上 (見到粒粒 vanilla seeds 的) vanilla sauce, 清碟絕對無難度.開得0係山頂, 環境當然好啦, 可惜當日天氣較悸焗, otherwise 出室外一定仲舒服; service 亦不錯, 不過呢度係遊客區, 唔好就死得了. 連加一每人約 $100, 有機會試試 lunch 都好 -- menu 上 pizza 好吸引!
繼續閱讀
星期五，勞動節公眾假期。難得五月天都仍然天朗氣清，不到郊外走一走實在對不起自己。天色咁好，最適宜望遠啲，要望得遠，當然要站得高，於是筆者與太座往太平山走一轉。自從有了山頂廣場之後，食肆多咗好多，今次筆者與太座決定响和煦嘅陽光下，歎番一個豐盛嘅「下午茶」，所選嘅食肆Simpatico以意國南方風味為賣點。南意風味與北意嘅主要分別係北意味道比較濃厚，所以比較喜歡用芝士岡酪；南意則比較清淡，喜用蕃茄及橄欖，比較原汁原味。我們在門外輪候了一會，服務員忙得團團轉。筆者見室外有幾張閒置嘅座位，問點解唔安排我們入座，服務員話恐怕我們受不了陽光，所以冇安排。你唔問，又點知我們介意呢？其實筆者與太座正想一邊進食，一邊享受陽光。結果，我們被安排到露台嘅座位，還可遠眺南區景色。豐富嘅下午茶全是自選菜式，形容為下午茶，只是時間而已。「下午茶」包括薄餅及沙津，每人各自嗌了一杯飲品。意式風味薄餅 Capricciosa ($134)：這裡嘅薄餅係明乎其實嘅薄，這亦是意式薄餅嘅特式，不像美式般有所謂厚批及薄批。薄餅底烘得十分脆，比一般食到嘅更脆。據說係搓麵粉嘅時候用了有汽嘅礦泉水，當中嘅二氧化碳可令薄餅更加脆。不過火喉控制有點偏差，有小部份薄餅身烘燶了，食落有點苦。薄餅料有蘑菇粒、意大利肉腸、火腿、橄欖等。正如前文所說，南意食品味道比較輕，所以薄餅唔係用咗好多芝士做底，不過各有風味。蘑菇菠菜沙津 Spinici ($57)：簡單嘅沙津以菠菜為主體，配以切了片嘅蘑菇及炸得香脆嘅煙肉粒，清淡之餘又不失香口感。沙津只輕微的用橄欖油及黑醋吊味，十分輕巧，也頗醒胃。太座選了意大利汽酒Prosecco ($80/杯)作飲料。太座對酒精類飲品一向麻麻，唯獨對香檳情有獨鍾。下午茶飲香檳好像過於奢華，於是以比較便宜嘅prosecco代之，效果都不俗。此酒以同名葡萄釀製，入口都幾滑，口感比近年大賣嘅MC dry，不過在陽光底下只有很少細細嘅泡泡從杯底升起，視覺上少了一分享受了。至於筆者只揀了西柚汁($46/杯)，健康飲食。連加一服務費，共銀三百四十九蚊，平均每人一百七十五蚊。總體嚟講，食物、環境不錯，服務就唔係咁貼心了。
繼續閱讀