影片
平時行開堅尼地城至中環一帶，如果想飲茶都會幫襯明星西營盤店或者富臨上環店，因為明星集團及富臨集團旗下分店嘅食物、環境、服務、衛生各方面質素都唔錯，而且價錢化算，令我對佢有信心!今次又再行開堅尼地城至中環一帶，大家又想飲茶，淋起好耐冇去過逸豪，所以就決定幫襯佢啦!其實我好少幫襯逸豪，因為逸豪嘅食物、環境、服務、衛生各方面質素只屬中等水平，只係價錢化算，令我對佢冇乜信心!不過就算逸豪各方面質素只屬中等水平，我隔一排都會幫襯番佢一兩次，廢事幫襯死果幾間好嘅酒樓禁悶!我地去到果陣生意好淡，唔駛等就有位啦!逸豪我嚟幫襯過好多次，今次總算冇令我失望，各方面質素只屬中等水平，只係價錢化算呀!味道方面，今次6個人叫咗幾款點心、1碟乾炒牛肉河、1碟乾炒肉片河同埋1碟凉瓜牛肉飯，味道皆普通!食物包括1)乾炒牛肉河:牛肉口感唔錯，仲幾入味!河粉都幾爽口，分量足夠!顏色討好，幾有鑊氣!(2)乾炒肉片河:肉片口感遜色，唔夠入味!河粉未見爽口，分量足夠!顏色偏淡，鑊氣欠奉!(3)凉瓜牛肉飯:牛肉口感唔錯，仲幾入味!米飯過淋過濕，分量足夠!凉瓜甘口，醬汁惹味!(4)四寶滑鷄扎:材料配搭唔係最正宗果款，但係都算新鮮同入味!(5)豉汁蒸排骨:排骨骨多肉少，總算新鮮!伴碟芋頭入味，口感過淋!豉汁幾惹味!(6)薑蔥牛柏葉:牛柏葉夠爽口，又幾入味!薑蔥汁味道討好!(7)咖喱蒸土魷:土魷似變壞咗，味道酸酸粟粟!咖喱汁唔辣，竟然甜嘅!(8)香芋鴨腳扎:材料新鮮，鴨腳染紅色嘅!伴碟芋頭入味，口感過淋!醬汁都幾好味!(9)香煎虎皮椒:虎皮椒煎得尚算適中，味道普通!(10)鮮竹牛肉球:牛肉球味道討好!但係溝咗好多麵粉，冇乜口感!(11)時菜鯪魚球:鯪魚球味道討好!但係溝咗好多麵粉，冇乜口感!鯪魚冇完全攪碎，有長嘅魚骨!環境方面，逸豪已經營業咗好多年，地方都十分殘舊!佢嘅裝修設計唔夠高雅，亦冇乜時代感!佢都唔係幾先進，冇引入電腦座位分配系統(電腦票、電視屏幕顯示叫號及電腦聲音叫號)、自動感應水龍頭、自動感應梘液機等先進設備，電視機又唔算多!呢個舖都幾大，尚算通透，又唔係身處於比較舊嘅樓宇中，冇柱多、橫樑多及樓底矮等等嘅問題，整體都尚算坐得舒適嘅!服務方面，中規中矩啦，大部分服務員做野都有效率，係冇乜禮貌囉!如果各個服務員有多D適當嘅笑容就好啦!衛生方面，碗碟污糟邋遢，地方企理，洗手間未夠乾爽!抵食方面，星期二下午茶茶位$4，各款點心嘅價錢都大眾化，算抵食架啦!整體來講，各款點心價錢化算又多選擇!至於食物、環境、服務、衛生各方面質素只屬中等水平，總算值得嚟幫襯呀!
繼續閱讀
前幾日同阿媽來呢度飲下午茶，本來冧住好好地嘅，不過就飲到勁唔愉快攞，簡直不知所謂。果日上到去冇人需要等位，好少客，咁我地咪是但見到有空枱就坐攞。坐低咗好幾分鐘，D侍應都當我哋冇到，見到都當見唔到。最後我都係忍唔住拂手示意，D侍應至扮傻咁走過來開茶!跟住我哋叫咗幾個點心和湯麵，其中又有個點心漏單，D人做嘢錯漏百出，佢仲死撐蒸點要需時，我又唔信蒸點要成粒鐘至做到攞!之後我哋食食下，突然有個阿伯坐落來搭枱，原來係個侍應叫個阿伯搭落來。其實我本身已經超憎搭枱，但更加唔分嘅就係個侍應冇問個我嘅意願，同埋果日酒樓根本好少客，好多空枱，咁點解要迫D客搭枱呢?真係莫名其妙呀!仲有又唔收已用碗碟及加水!真係…!講講食乜:雲吞湯麵x2:湯淡，雲吞一般豉汁蒸排骨:少肉但幾惹味蟹子燒賣:一般蝦餃皇:都係一般煎薄餅:煎得差，難食整體D野又唔係好食過人。但我來到又唔招呼；有個點心漏單，仲死撐；個侍應冇問個我嘅意願，同埋果日好少客多空枱都迫D客搭枱；又唔收碗碟及加水，質素不知所謂。到咗而家呢個年代仲要冇得揀一定要搭枱嘅超低級酒樓我真係唔會再來。
繼續閱讀
今日打完波又一班人齊齊去覓食了，經過一輪 brain storming 後，波友A建議去了石塘咀的逸豪酒家吃超平的88蚊全包任飲任食火鍋，這價位我相信可能是全港最低價了， 到達酒樓後見到在座客人不多，在周末前夕晚市入座率也如斯慘淡，實在擔心又會多一間酒樓摺埋。 可能今天大氣較熱罷，竟没見到有一枱客人在打邊爐，侍應招呼坐上一張中火鍋枱，枱面上巳装了一部電磁爐，先叫了皮蛋芫荽湯底，跟着胡亂點了美國肥牛、牛柏葉、脆鯇骨腩、鲩魚片、三寶丸、魚滑、羊肉片、水魷魚、金菇菜、秀珍菇、冬菇、游水生蝦、雲吞、蟹子包心丸、粟米、猪潤、唐生菜及芥蘭...........等等不能一一盡錄。 打完波大家都很口渴，有人走去冰櫃先取來罐裝啤酒及汽水，啤酒是酒樓常見的威樂啤，汽水則有百事可樂跟七喜，光喝幾罐飲品也差不多回本了。 下單後不久鍋料都逐一送上枱，份量之大令全枱五個人仝感訝異，光是美國肥牛便差不多有兩斤，其餘鍋料也用大圓碟上枱，真的是大場面，同時有伙記從海鮮缸捞了成斤游水生蝦給我們，想不到只用八十八蚊竟然有鮮蝦食，今晚可能光光第一輪單的食物也吃不完了。 除了游水生蝦外，鍋料質素都是普普通通，肥牛是一條肥肉間着瘦肉那種，肉質較靱；而羊肉肉味太膻不好吃，跟"美味"兩字實在難有一絲豪聯想，但尚算勉强合格。 不過一吃成大鍋灼熟了的魚滑，用筷子一夾感覺很稔身，入口一陣腐臭味，因湯底巳受汚染，立即要求侍應換過火鍋，但侍應不是換上一鍋新的湯底，只換上一舖鍋清水，大家便繼續打邊爐，之後也不再發覺食物有問題。除了食物之外，對服務方面也有點不滿，吃了整晚竟然没一個侍應來請理過枱面及食物殘渣，以如此食物水準及服務，除了價錢夠平外，實在無法找到再幫襯的理由，離去時不禁擔心會多一間酒樓摺埋啦！
繼續閱讀
是日跟會去鶴咀執垃圾兼參觀個度既生態環境,垃圾就唔駛我地點執,只需派代表十個人去執垃圾就得啦.之後大約十一點幾離開鶴咀,跟住我地就黎咗呢間位於西環石塘咀既逸豪酒家 .團費已經包咗一餐.呢間酒家要由華明中心搭扶手電梯上一層,....點知弊啦....弊咩,就係全班團友一齊上去,但個度門口細細,我地成車人一次過咁入,前面d人都未諗點行邊個方向,後面d人迫係扶手電梯個度,冇路好行,捐到好危險.入到去,全間酒家都坐滿人,證明呢度旺啦,我地就包咗其中一間房,坐滿4圍,我係第5圍,點坐呢..咪我同d fd坐出面走廊食囉,講番食團餐,佢到底有咩食呢 ....粟米湯 - ok,味道清甜,唔會冇乜粟米味,可以裝到8碗叉燒油雞雙拼 = 個個都讚幾好,而我就覺得叉燒確係唔錯粟米班塊 - 賣相麻麻.食落都ok.翠塘豆腐 - d豆腐好滑,唔錯其它餸既味道 都一般啦,唔知係咪裝餸既碟關係,整到d餸既賣相都係麻麻地.
繼續閱讀
星期六跟哥哥一家人吃飯，已經很久沒有跟他們見面，而他就住在正街附近，所以提議到逸豪"落腳"。嫂嫂說這間酒家不太多人，可以坐下來慢慢傾亦不會被人趕；我便想可能食物不會太美味吧﹗點了晚飯孖寶(HKD88) ~ 我們選了半隻炸子雞和豉汁蒸倉魚。2個餸都唔錯，低農家野菌十二菜 ~ 喜歡它這個很有氣勢的名稱而點的。不錯﹗用魚湯浸什菜和菇菌，有白菜、菜心、西蘭花、小棠菜、雞肶菇、鮮東菇.....不能盡錄，炸鯪魚球 ~ 唔夠干身，但味道可以有白灼蝦送 (1-4人半斤，5-10人一斤)整體都唔錯，沒有失望，6人食飯埋單300有找，低食
繼續閱讀