影片
今日同朋友去咗大排檔食晚飯，一坐低， 阿姐就攞d 筷子同埋碗用個兜裝住，仲有個洗碗夾可以用黎夾住d 碗黎洗，唔怕滾水太熱，好貼心。晚市都幾多人幫襯，差唔多坐滿晒大。我地點咗兩碗潮州粥，再加兩個小菜。前菜既花生好好食，脆卜卜，用嚟送粥啱晒。薑蔥魚腩煲：魚腩既肉質算嫩滑，溫度適中，似係即叫即煮的，但份量略為偏小。沙拉金沙骨：外面既炸粉較厚，肉質雖然很冧，但欠溫度，口感嘛嘛。整體黎講：性價比一般，食物質素都一般，價錢就見仁見智啦。🔎合興📍九龍灣啟業村啟業街5號熟食亭
繼續閱讀
不知大家對嘈雜的用餐環境會不會很抗拒，如果沒有，那買少見少的大排檔就一定要去試下。合興主要是做街坊生意的大排檔。同場還有別的店，但之前MIRROR成員呂爵安其中一首歌的MV就是在這間取景，就不如試試這間如何先吧！🦪煎蠔餅 ($88)好香脆但又不會很油，而且蠔很大隻很肥美。🐟椒鹽九肚魚 - 脆炸的九肚角很香口、外脆內軟。但唯獨沒有吃出椒鹽味 ...✨豉椒炒蟶子 - 我們點的菜式當中最濃味就是這個。蟶子很有嚼勁，豉汁都算惹味。🥬豆豉鯪魚炒油麥菜 ($78) - 印象中的豆豉鯪魚應該很油? 但這個不論是看還是吃起來都是偏淡 ... 就只有鯪魚比較鹹那樣子!? ✨滷水拼盤 - 餐牌上沒有，需要特地問。有紅腸、豆腐、軟腍的豬耳、魷魚和豬大腸。沒有特別驚喜，亦沒吃到腥羶味就是。整體來說就是沒有吃到預期的大排檔那種鑊氣，好像是走少油少調味的健康路線 ... 還是這間出名的菜式我們沒有吃到呢?
繼續閱讀
今天和朋友來到這大排檔，這裏大排檔環境坐位尚可，我們叫了出名的椒鹽粟米，椒鹽鮮魷，煎蠔餅，還有羊腩煲，還叫了幾支啤酒三五知己一同𣈱談非常歡樂盡興，椒鹽鮮魷和椒鹽粟米炸得非常香口，用來送啤酒簡直是一流。羊腩煲蚊得非常淋和非常入味大贊。消費每人不貴，勝價比高
繼續閱讀
老實講好耐都冇寫食評，一直都有去合興大排檔食飯，之前去其實都冇乜大問題貪佢大排檔夠地道風味又經濟實惠，一班麻甩佬食飯吹水隊啤致愛嘅好地方。 之前因為疫情關係冇去一排，近排好番啲所以約埋三五知己落去食個飯。三個人叫咗四個餸，一支啤酒，一杯凍檸茶加多一罐可樂，四味餸包括：椒鹽鮮魷、蒜蓉開邊蝦、鹵水雜錦、蒜蓉炒豆苗。椒鹽鮮魷炸粉太厚鮮魷咬落毫無彈牙口感好似柴皮咁。鹵水雜錦所有嘢感覺上就好似用滾水烚完，之後將鹵水汁冧落去咁，毫無味道，重要烚到過曬火位，呢味嘢$128。蒜蓉炒豆苗呢個算係叫做正常少少。壓軸蒜蓉開邊蝦呢個真係精彩，乾蒸開邊蝦大約有十隻左右，又係蒸到過晒火，咬落去又乾又鞋，而墊底嘅粉絲亦甚少，重點係收我 $188 重貴過酒樓，重要係唔好食喎。到最後埋單總數好似任佢噏咁，有乜理由全部餸8字尾最後竟然可以計到齊頭盛為 $620… 講真已經係半露天唔洗開冷氣費，但係就大排檔格局收酒樓價錢，其實貴都唔係一個問題如果係物有所值嘅話，但係最慘係唔好食呀嘛！幫襯咗咁耐質素每況愈下，又話係黃店竟然播 CCTVB，而行去附近嘅公共廁，永遠都係臭氣氣氛天個個馬桶都係塞滿屎水嘅，去完之後完全影響食慾，既失望又火滾，今次重要伏埋我諗都應該唔會有下次……😳😕☹
繼續閱讀
🔹九龍灣//合興 🔹人均約$200🔹▫️ 薑蔥蠔 ～$88高汁！！有大約八至九夠🤪超抵食🤩而且好好味，蠔唔會好腥！好入味🤪▪️ 啫啫滑雞煲 $88幾好食😋啲雞唔係好硬嘅嗰啲冰鮮雞感覺，而且份量好多，唔辣既！▫️豆豉鯪魚炒油麥菜 $78超抵食，基本上係清晒，大排檔必食油麥菜🤩▪️韭菜豬紅 $48好大份好大份食唔晒，好入味🤣啲豬紅覺得應該浸咗好耐，應該夠五至六個人食🤣🤣▫️豉椒炒蜆 反而炒蜆覺得唔係好重豉椒味，有浸生粉嗰隻芡汁味少少重，不過整體都OK！▪️麻辣魚皮 唔記得咗幾多錢😂😂超級開胃😍食落去都幾辣但係好惹味，凍食好正夏天好舒服🤣不過有啲芫荽西芹所以大家留意番🤓btw呢個好似係新嘢🤣🔹好飽評語夜晚食好熱鬧，有好多喺附近打完波踢完波嘅後生嚟食🤣當然都有好多街坊街里喺附近，環境好熱鬧都幾嘈下🤣但坐低食晚飯啤啤佢麻甩下都幾正架😝附近都有好幾間大排檔，唔知食咩都可以揀下呢間😜呢間係黃店嚟㗎💛Btw 唔記得影價錢，所以價錢只作參考🤣🧠回頭指數：🔟🧏🏻♀️打卡港女：6️⃣🌬冷氣溫度：6️⃣🚽廁所評價：⏹🧾性價比呢：🔟
繼續閱讀
您可能會有興趣的...