影片
今午我到街市買菜 , 【Pius】突然約晚飯 , 咁返到屋企就同老媽子講今晚唔食飯啦!八點【Pius】揸車到我屋企樓下會合 , 揸車到大棠山山腳呢間食肆 , 佢話同太子爺係同學好熟喎! 去到泊車好大地方好方便 , 一落車有人叫我原來係【大雄】, 佢又咁o岩o黎呢道食飯 , 佢傾緊電話我就唔阻佢 , 我先入去搵位坐低先。期間又見到十幾年前好友【Call 機豐】, 不過離太遠大家冇打招呼。坐低我同【Pius】叫左 ,【豉椒雞煲 + 西蘭花炒鮮魷 + 鹹蛋時菜肉片湯】, 上菜速度好快 , 期間冇叫其他飲品 , 另只叫一碗白飯兩份食。 先上【西蘭花炒鮮魷】, 西蘭花切得太大件 , 飛水時間爭少少 , 同埋落鑊炒時又爭少少火喉 , 反而鮮魷 ok 幾好味幾新鮮同埋幾大碟 , 係西蘭花麻麻地太大舊。 【鹹蛋時菜肉片湯】, 又係好大鍋好足料 , 時菜係用白菜仔多 , 另加些少小棠菜碧綠新鮮、薑片、肉片幾滑及鹹蛋唔太多蛋白 , 所以湯幾清甜 , 唔似一般大排檔咁鹹。 【豉椒雞煲】, 上枱時真係好大好大煲 , 打開蓋入面雞件得一半 , 呢味比大排檔少油 , 雞件唔肥多肉 , 睇得出雞脾切件居多 , 豉椒及洋蔥一般份量唔多, 都唔錯但唔惹味 , 我鍾意淡味就覺唔錯。 現場環境清潔乾淨 , 我坐入面冷氣充足 , 前後都有電視睇 , 但唔知點解室內冷氣咁凍 , 硬係都有唔少烏蠅飛去(食送)菜道 , 係要我用手不斷撥開 , 幾煩幾驚整污漕。室外頂有帳蓬 , 好多吸煙顧客都貪可吸煙而坐 , 但其實據吸煙條例 , 咁樣都好似唔係好得喎???離開時又係【Pius】爭住埋單 , 次次都係咁下次真係唔再出黎同佢食飯啦 , 哈! 下次都會考慮再去幫襯 , 但如果唔係揸車去 , 我相信就未必會去啦 , 始終太夜專線小巴好早冇得坐 , 坐的士人少出元朗我又無謂浪費呢o的錢。
繼續閱讀
以上資料只供參考, 請與餐廳確認詳情
好鍾意去大棠名廚度食呀,因為d野真係好抵食,而且阿姐又好nice,食海鮮都好正去到一定要食走地雞,因為真係好滑煎藕餅係必食架,送飯佳品啦鼓椒炒聖子,真係好肥美好鮮味架每次去一定要飲燴湯,因為真係好正西蘭花炒蝦球,好好味鹹蛋黃炒蝦,係必食架總之去名廚食飯好似番左屋企食飯一樣,個感覺好親切囉
繼續閱讀
見元朗之友吹到咁掂,nov 7, 07晚跟佢個推介,4人來,叫咗 : 1)煨湯-其實即喺老火湯,當晚喺眉豆雞腳湯-waitress好nice,主動在"匹"湯前先端去d油............但都仲喺幾油吓喎-味道都似夠火喉, 1致認為好住家味,唔多味精2)生炒排骨-友人比我嘅推介,話好脆-出品唔喺好脆口,但都算合格,起碼唔會喺漿粉又厚,又腍嗰種3)薑汁炒芥蘭-呢個好夠酒香,芥蘭亦當造4) 煎藕餅-友人問我,覺得點呀,我同佢講同出面酒家食落唔同囉,無佢地咁香口,但1定好住家因(夾起來時)..........都幾鬆散, 友人就"may may"嘴笑-味道喺無問題5)金針雲耳蒸雞-雞是該店的另1寶,據稱喺走地雞,做法起碼有白切/用金針雲耳嚟蒸-雞都滑,亦滲晒d金針落去,都幾香架,不過與友人再3品嚐,都搵唔到雞味6)湯水(送)-紅豆沙, 甜咗小小, 質素就1般嗰隻,但就食落有另1種味,呢種味就唔喺在平時ge紅豆沙到搵到,好溫和..........估咗好幾次都未能1致通過-於是我索性拉亞waitress嚟問............原來喺椰奶嚟ge-不過見到其1友人唔多欣賞7)汽水x 4枝-個地方故然就好避啦,環境亦好懷舊同簡約...........主力似serve全條村嘅村民-服務好nice.........當你好似街坊咁,問佢有咩介紹/ 出名...........都全部話過你知-每碟份量都唔細
繼續閱讀