影片
招牌菜
食評 (17)
老公超鍾意食海鮮, 由其是呢間森記, 呢度咩都有得食, 海鮮係每日街市有咩靚野就有咩食, 可以一隻隻叫 , o岩哂我地兩個人食。佢仲有小菜, 牛扒都有, d扒我個人認為仲好食過隔離間排長龍的x la 餐廳。雖然佢最近間舖細左, 我地仲以為佢執左, ~!!其實佢左邊轉角仲有個舖位, 而出面仍可以做排檔的, 怕係街食o既, 可以入舖, 都幾衛生~!!今日食左燒鮑魚($33隻, 大過隻雞蛋, 用刀叉食勁正), 燒蠔($30隻), 蒜蓉蒸開邊花竹蝦($74半斤有4隻), 干炒牛河佢地食物一直都係一流, 附近就係停車場, 雖然車流量極高, 但都好過去又新o個邊, 要急著食驚抄牌而佢地服務態度都係好好, 又好細心, 揀海鮮時會慢慢同你介紹, 你唔食又唔會俾面色講說話你聽。每食一種野佢會有食具去配合, 又會換碟俾你, 間野雖然無裝修, 但d食具、環境都係好乾淨；而且就係無靚的地方, 反而價錢係非常實惠, 仲抵過自己煮啦~!!
繼續閱讀
呢間店的地點是我回家必經之路.我估計我經過三千次以上.但這麼近,那麼遠的食店.我反而一次都末試過.原因可能環境問題.只是坐樹底下,停車場旁邊,真是吸引不到我.但上個月我終於一試.呢間店除了環境差.服務,同食物亦沒有批評的地方.服務更令人意外.比起一些有豪華裝修的貴價食店好.全部店員友善,效率也高25元一隻燒蠔:價錢不貴,也不能要求蠔充滿海水味,事實上蠔味淡薄.只是靠熱辣辣的大量蒜蓉令味道變得惹味,香口.拌飯一流.想起也口水直流.也想起只是25元.可以有這種味道實在驚喜.燒烏頭63元:價錢亦合理.魚加入不少香茅,亦加了不少鹽去燒.味道全無泥味.肉質帶點鹹鮮味.及充滿香芧香料的味道.可能因為燒魚關係,我覺得魚肉太乾身.xo醬豬頸肉炒豆:忘記了價錢,雖則說此菜是有辣度,但種辣普通人也可接受,而且相當香口,更十分惹味.豬頸肉亦新鮮,質感爽口,味道重肉的鮮甜.沒有化學過,品質相當真材實料.始終都是吃海鮮,加了一枝啤酒,埋單只是215元.價錢令人驚喜.服務同樣驚喜,除了環境外.呢間店都是食物,服務好.價錢得宜的好食店,值得推介.
繼續閱讀
一直都有幫襯森記 已經有好幾年 現在先寫一個食評 希望更多人可以去幫襯下!上星期五去食左晚飯 七點半已經差不多全場坐滿 幸好還好一張細枱今次叫左4樣野 炭燒生蠔 食落口好肥美 上面蒜蓉和炸蒜，香口得很 而且size都唔細, $25 好抵食!!! 墨魚餅熱辣辣好好食 仲好彈牙 不過好似細份左如果厚返小小就完美 係每枱必點!! 西冷牛扒叫左五成熟 咬落去唔會咬唔開 幾亦軟熟 但價錢唔貴 整體來說都滿意!! 花枝片泊青瓜呢個無影到相 但係好多花枝片 無偷雞 如果再辣D就好!!已經有KEEP住幫襯, 希望有多D新小菜推出 , 呢到價錢唔算太貴 但食物好新鮮大家不防試下其他海 都好好食 森記是一個不錯既選擇!
繼續閱讀
近來見到有食評推介這間森記大排檔, 自己在元朗區都算活躍, 但一直發現不到這間大排檔, 可能是在橫街安娜再要入. 所以不易看到. 但昨晚大約六時四十五分去到原來都不難找只是自己沒擦覺到. 已見室外樹下有幾枱客人. 因我們不吸煙所以選擇坐室內會比較舒服一些吧. 室內只有一枱客人, 環境算可以, 還有電視看. 一流~份量很大啊~~炸蒜頭好香, 豬潤比較大塊厚身有點不太熟啊~杞子很多很多, 最驚喜是竟然有圓肉, 雖然不是太多圓肉但很甜很好味啊~~~浸唐蒿都是第一次, 帶來新鮮感之餘還覺得很好味呀~, 份量多得差點吃不完.真是真材實料, 非常彈牙熱辣辣, 咬中墨魚的位置我差點咬不開, 但覺得比較薄身如何厚一點就完美了~~~~~~~~~~~~~這味墨魚餅差不多每一枱客人是必食的. 紅色的大花甲........真是花甲, 因好多舖頭經常以蜆來代替花甲的. 花甲大大聲很爽口又鮮甜, 最重要是沒有沙, 真係很好味呀~~~~~~~~ 浸著一些粉絲, 好味得把所有東西都清了, 除了薑~相公說本地豪不乾淨所以沒有食, 而待應亦沒有推介本地蠔給我們, 他推介我們是$25一隻的美國蠔, 每人一隻十分美味, 但蒜蓉太多了有點蓋了蠔的味道, 不過隻蠔實在太肥美了. 但聽見待應介紹其他食客時原來是有法國蠔的. 下次一定要試試~~~~這塊肉眼扒最後才上枱可能燒要需時吧, 賣相不錯只有少少燶但仍可接受, 因燶的部份比較肥我們沒有吃, 七成熟的要求未能合格, 因不太稔感覺似差不多全熟. 不過肉汁牛味很重加上黑椒汁一起感覺還可以~雖然價錢比較貴結帳要$320, 但回想一下我們吃了肥美的蠔, 鮮甜大花甲, 十分堅料的墨魚餅已值回票價, 七時半我們已結帳離場, 原來室外很多人完全滿座, 但今天只是星期四晚, 絕不是旺日子, 我想如果五, 六, 日來必要等位啊~ 我和相公都非常滿意, 下次一定會再來的!!
繼續閱讀
小弟又大一歲了，平日無假放，生日當然食家收工帶隊入元朗開餐﹗元朗森記燒蠔，之前聽說有朋友吃過味道不錯，一於試試佢﹗大家都知我最愛就是大排檔，最希望可以在香港唔同角落發掘不同的露天風味小店﹗今次殺入元朗，地點在元朗仁樂坊，安娜餐廳隔離。佔地不少，枱凳擺滿成條街，我地兩個咁岩得咁橋八點來到有個二人樹下雅座，遲多少少可能已經無位了﹗待應相當殷勤，一坐低已落力推介食物﹗佢話最值得一食係呢度出品既燒西冷牛扒，見佢$68又唔係貴，就整塊來試試﹗配上芥末，牛扒約七成熟，當然是雪藏的西冷扒，不過牛味都幾濃質地亦軟熟，係灑上的海鹽略多食落鹹o左o的﹗整體來說也算滿意，因份量也不少呢﹗生日點可以無酒呢﹗點都整番幾杯啦﹗青島$20，合理價錢，可能飲多幾支﹗再來是蘇格蘭蟶子，$25一隻﹗$25一隻來說都幾大隻，肉夠厚，吃落有爽勁亦清甜，上面鋪上大量蒜泥，當然惹味了吧﹗錫紙包大花甲，$88一份﹗花甲真係大隻架，隻隻有成個碗咁大﹗新鮮，以牛油蒜蓉加薑片一齊焗，一剪開錫紙已聞到香噴噴了﹗正﹗叫得森記燒蠔，梗係試下佢出品既燒蠔啦﹗$25一隻，即點即燒﹗上枱當然熱辣辣，蠔新鮮燒起吃落不腥有海水濃味，我嫌佢生蒜下得太多，各而如果生熟蒜各加少許作調味已夠，而家咁多蒜搶了不少蠔味﹗係人都知我唔食魚﹗不過待應介紹食家要試試佢地出品既烤魚，咁食家就試試﹗$78一條，好似叫做「細鱗」，應是用錫紙鋪底再在魚身插入香茅香蔥現烤。火喉掌握得不錯，魚肉岩岩離骨，灑上少少檸檬汁，完全唔腥魚味亦濃，我都食左小半條呢﹗就係呢度喇﹗埋單一人兩舊左右，食海鮮又食扒又飲酒都幾抵食呢﹗森記燒蠔，整體來說不錯，不過食物味道偏濃了一點﹗其實海鮮調味可以輕手一點，這才吃得出新鮮及原汁原味嘛﹗可以做得更好的﹗
繼續閱讀