影片
說到灣仔的甜品店，我第一個想到的就是NYDC。大概對美式餐廳的肥膩甜品有一份執著的愛，先會“不厭其煩”的幫襯這里吧。照例，“曲奇怪”一定要吃Cookie monster mudpie ($65)，Levy當然不會放過這里甜美又抵食的Macadamia nut brownie ($62)。除此之外，兩位超大食甜魔怪又叫了：Time square mudpie$65，印象中是一個新嘗試，我比較欣賞上層的choc chips和餅底（竟不是雪糕本身）。Chips有口感又很甜，餅底則較重朱古力與牛油味，也很酥化。That boney cake$65，口感很似是brownie，質感滑軟，朱古力很甜并不醇正，但甜魔依舊喜歡。朱古力雪糕也不算地道，但配上朱古力碎與朱古力醬，又是甜美加分。Double choc cheesecake$45是沾了生日的光店家所送，蛋糕質感實凈，朱古力與芝士味都頗為濃郁，相信喜愛朱古力和NY cheesecake的食家會喜歡，對我來說就有些滯了。粟米煙肉芝士意粉$70，很難得的，是次竟然叫了“餐后咸點”，出品又叫我們滿意呢。芝士味濃郁，配上煙肉的肉香，很漏卻美味；意粉亦是十分彈牙。只不過…兩個女仔在清掉整碟之后，飽得不能動了…
繼續閱讀
食完車仔麵想去 Swallaws 飲杯咖啡, 點知 on the way 俾我見到甜魔食友們曾經掃場0既呢度, 又0黎試試. 見佢 menu 上 d 甜品全部好似好大份, 又朱古力又雪糕咁, 見到都怕, 結果要了感覺無咁 heavy 的 Apple Crumble a la Mode ($65).同上次 Apple Green 的 Apple Green Crisp 好唔同, 呢度的 crumble 面層係「木糠」質地的, 並唔係脆口的一 chunk chunk, 而且甜得過份 (旁邊仲要淋咁多 caramel sauce, 實在頂唔順!), 感覺麻麻; apple 茸酸酸的幾開胃, 混了我唔食的 raisins, cinnamon 味亦幾重, 一般鍾意; 底部屬硬實曲奇質地, 幾0岩我, 不過又係勁甜; 旁邊的 French vanilla 雪糕反而仲好食, 好香滑, 唔錯.環境五顏六色, 幾眼花, 格局就似快餐店, 不過梳化椅幾好坐; service 就要講講喇 -- 男店員好好禮貌, 印象還不錯; 唔知係咪因為我0係度影相, 南亞裔 waitress 行了埋0黎問我覺得 apple crumble 好唔好食, 我話雪糕好食, crumble (講的係面頭0個 d) 就甜了 d, 不過唔知係咪我 d 英文太不濟, 佢好似好詫異點解我會話 apple crumble 太甜, 仲「教導」我,"The apple crumble can't be TOO sweet, 'coz it's APPLE and it's sour. Actually if you don't like it sweet you can eat it without the caramel." 哦, 都好呀 -- 但係我無興趣再食0架喇喎! 不如你話我知邊度有正常甜度的 apple crumble 食仲好啦!
繼續閱讀
被食評的相片吸引了,所以星期六晚到來一訪....中午時份打電話book位,要repeat數次才成功...說太細聲了...7時來到,得一枱客人,waitor哥哥任我們揀選位置,亦為他們的電話接收問題而道歉!party for five-只得3 人的我們,人想如果可以party for3 就好了!anyway, 燒芝士釀磨菇很juicy!!雖然芝士味不濃,但菇本身口感一流,其次是雞翼,buffalo式,外面甜甜的,肉很厚,全熟,但不鞋,味道好過很多大型美式餐廳!!薯條亦不錯,粗粗的,內裡軟軟的.反而洋蔥圈麻麻,油份較多,是有點雞蛋裡剔骨頭的!!brownie--點解咁大件o既........其他食評係呢一件的一半........呢件brownie味精唔濃,好淡..that bony-看似好朱古力...食落味道好怪..都唔識形容....好彩有球雪球..如果唔係就有一種不能吃下的感覺了mudpie(coffee)-最好吃的.不過吃不到咖啡味,可能雪糕的温度問題,不過好出色.好特別!!可以encore之作!!每次惠顧滿$99便有一隻這兒的生招牌-狗仔公仔一隻...waitor哥哥的服務態度好好,肯主動幫我們影相,細心問我們甜品何時上等等...值得嘉許!!環境很舒適,很美式,很稚氣...
繼續閱讀
之前見食友們嚟呢度好狼咁食,令我心癢,終於may 28, 08,2人來食lunch,散叫咗 : 1) mushroom monster-磨菇好濃菇味,面舖咗火腿同芝士去焗,芝士咬落面挺,帶絲,因為d菇會有少少出水,所以1d都唔乾身-好夠熱,好好味 2) double trouble burger-原來冇塊厚身漢堡扒,上枱時夠熱,個扒有d筋,唔乾但唔夠juicy同腍(同shake'em xxxx比)-生菜出手太少,但都叫合格3) chicken wing-入口熱,外脆硬-醃得唔會太鹹,屬鹹味雞翼,但個人希望可以落多少少糖,有d甜味,覺得咁樣會滋味d-但內裡就清淡d,好在雞肉仲好嫩-做得不俗- 埋單後,仲有毛狗子送添,真喺又食又拎 - 其實最想食喺佢嘅mudpie甜品,唯有下次再去過兼食埋肉丸意粉
繼續閱讀
五個人都是第一次來，聽了侍應的推介後，跟著點了幾款。Party of five($78)︰是不勝其煩下點的。分別有蘑菇、薯條、洋蔥圈、雞翼和雞塊，另有一盒bbq sauce。最喜歡的是蘑菇，很juicy，加上cheese& bacon，好美味。雞翼也不錯，用上了bbq汁，惹味。可薯條、洋蔥圈、雞塊都很一般，特別是薯條，沒有味道的，雞塊像麥樂雞，洋蔥圈好一點，不太乾。The parmesan chicken($83)︰這個也是侍應介紹的，真的是食而無味。看照片就知道了，一點sauce也沒有，乾巴巴的，而且menu介紹說有很多cheese和spicy，但我們一點都吃不出來呢。Double trouble($88)︰這是我要求點了，想吃burger嘛﹗原來很不錯的，有兩件漢堡扒，而且十分多的肉汁，加上惹味的bbq 和千島醬，很好吃﹗包也烘得脆脆的，讚。甜品時間︰Jedi mudster($65)和irish cream mudpie($65)︰我想，mudpie是這裡的強項吧﹗前者是夏威夷果仁拼碎朱古力曲奇，中間有些麥提沙，很得意，味道不太濃，蠻好的。後者是百利甜酒加曲奇，可能早陣子吃了很多哈記的百利甜酒雪糕，味道真的很相似﹗而且我覺得jedi 中的夏威夷果仁與哈記同名雪糕味道也如出一轍。不過這樣子吃雪糕也好好味。Apple crumble($65)︰其實我不喜歡吃這個，也沒問大家的意見。Cheese cake(free)︰因為用了coupon(只是放在門口的)，所以free of charge。都蠻期待的，不過也只是一般水準。Cheese部份不夠滑，又加入了lemon味(我不喜歡)，加上吃到這裡已很飽，自然覺得不太好吃囉。服務嘛，我們都覺著有些煩。幾個人在一起點吃的，自然有很多意見，需時也會多一點，不過serve 我們的侍應好幾次問我們可以落單沒有，雖然是帶笑的，不過也給我們有壓力呀。另外我覺得甜品份量不是很大，但卻要差不多$70一客，有點貴呀。結賬時送我們一隻小狗，原來清費滿$99就可以有啦，因為我們有兩個女生，要求多一隻也沒有拒絕，加分。不過，回家上其網頁一看，發現了The parmesan chicken的圖片和我們吃的不一樣，少了一堆紅色的類似肉醬的sauce？於是男友立即send e mail問問，餐廳便立即刪掉了網上的照片，回信道歉並希望我們下次再去吃時free 一個dish給我們。我倆也未必會再去，希望餐廳只是一時失手罷了，因為其他的食物也不錯的。
繼續閱讀