影片
以上資料只供參考, 請與餐廳確認詳情
由於買左團購既關係，今日專登喺lunch time既時候山長水遠由中環行上電梯「長征」至此幫襯。從100QRC上黎呢度都唔算好耐，慢慢行大約7-8分鐘就到。由於exactly喺電梯下面，沿路行上去既時候好容易就會望得到，非常易認。餐廳採用「仿」歐洲路邊coffee shop既style。同大部份SOHO既餐廳一樣，全程全英語對白。全店用左open kitchen型式，只有10個座位左右，好處係相對比較cosy D，但係咁樣就會令到油煙相對比較大，撈埋食客既煙味喺大熱天時冷氣九唔夠既情況之下真係有D難頂！團購餐include一罐野飲+burger+粟米。粟米方面普通到唔普通，個人覺得麥記之流比佢做得更加出色。至於主角burger塊漢堡扒睇得出用左好多心機去煎，只可惜麵包只係嘉頓之流，口感非常一般。不過，漢堡牛肉做得非常出色，非常juicy之餘，咬落去第一啖既時候更加食得出淡淡既牛肉味道，雖然整體少少偏油，但咁樣反而令到入口既時候口感更加滑，正！至於漢堡雞肉方面就相對失色。由於用左雞胸肉整成既雞柳「合併」而成，口感非常鞋口之餘亦都非常乾身，乾爭爭既感覺令到口感超差。除此之外，肉質亦都非常韌，要費盡九牛二虎之力先至勉強咬得開，到最後直情咬到無力將成個飽食晒落肚！坦白講，價錢唔係貴，正價$40蚊度一個burger喺蘇豪區黎講絕對合理。只可惜食物質素真係普通到無得再普通，完全諗唔到有乜野原因專登黎呢度再幫襯！
繼續閱讀
是日中午一個人外出辦事, 之後便一個人往荷李活道找地方獨樂樂. 本想食咖喱的. 但因為店內沒有人而令我轉一轉方向. 終點來到閣麟街呢一個小小食亭. 據聞這兒的漢堡不錯, 就好外國式咁, 坐係店門口既高檯, 食lunch.看過網友的推介, 自以為漢堡是這裡的拿手作之一. 所以在 Fish & Chips 同 Burger 既選擇之下, 我選了後者. 然而, 呢一次橋下的漢堡, 不是什麼好的一個食歷.要住在店外Bar檯, 如果係外國, 天朗氣清, 熱中帶有涼風. 係戶外嘆個lunch, 是非常之寫意的. 外國有些town仔, 在街外放一兩張小檯, 或是在外賣車旁擺一列bar檯. 這樣食lunch, 非常之relax. 不過, 而家係香港, 幸好閣麟街是行人專區, 沒有車輛廢氣, 但香港又熱又潮濕既天氣, 而且係市中心區, 本身逃不出石屎森林的熱氣同濕氣, 加上兩旁大廈冷氣機排出的熱風. 路過不覺, 坐耐左. 才感覺到悶熱. 認真不好受.再評食物, 廚房是開放式的, 簡單的用電磁爐, 煎扒. 簡單的用多士爐, 彈起兩片漢堡包. 加點生菜蕃茄, 炸埋份雪藏薯條. 簡單地完成了一個收我$65既簡單午餐. 沒有叫佢地加cheese, 出來的漢堡完全冇汁, 冇醬. 咬落, 沒有味. 雖然看見肉汁在滴, 但連肉汁都沒有肉香味, 真的想問問呢塊是什麼扒. 薯條, 算係可以俾一個合格佢. 炸得剛好不燶, 雖然未夠香脆, 點下茄汁食總算過得去.而奶茶, 是英式的鮮奶奶茶, 第一次飲捷榮的茶包. 飲英式奶茶不用太濃, 茶味重是最重要的, 捷榮的茶包飲落香口有茶味. 呢一餐令我最滿意的竟然是一mug奶茶......你地話諷唔諷刺呢?出哂汁, 即時找數走人, 再上公利, 整杯五花茶. 降一降溫.....
繼續閱讀
中環好吃的多的是，可惜自己一小時的午飯時間定於最熱鬧的一點鐘，要搵到就腳又有位的好餐館，不容易。今日，又再為此傷神。走著走著，就來到閣麟街。繼上次在歌賊街Burger Republic吃到那「好樣的漢堡」後，今天又在半山扶手梯旁一間叫droplet的小店，吃到同樣好味道的漢堡飽。那小店賣的是很家庭式的"All Day Breakfast"，不是純粹的漢堡店，好像還有意粉和其他小吃的。營業時間近乎廿四小時，夜鬼都有口福。近來極端迷上漢堡的我，眼中當然只有漢堡飽。要了一個牛肉漢堡，配薯條、汽水索價$65。漢堡內有大大塊長方形漢堡扒，新鮮爽脆西生菜，以及蕃茄、青瓜片各一。漢堡內沒有醬汁，店員會奉上茄汁、芥末和沙律醬，需要的話自己添加。芝麻飽微微烘過，軟硬適中，很好。西生菜新鮮度一流，不吃菜蔬的我都要讚。蕃茄沒吃無評語，青瓜一小片則剛好畫龍點睛來點清爽口感。重點當然是漢堡扒。漢堡扒最大忌就是嚡口和未入口已鬆散，此店出品完全無此問題。更好的是，這扒很有肉味，而且很多肉汁! 煎得火候剛好，沒有過熟或太生，而且表面有點煎焦了，很香口。細嚐發現，扒內混有洋蔥粒和紅蘿蔔絲，怪不得有一點點香辣和多層次的口感。追加芝士要多付$10，但絕對值得。還盤算那將會是普通極的卡夫芝士，原來不是；肉扒的溫度慢慢將芝士片融化，那味道，wonderful。沒有強調自己是漢堡專門店，出品卻有此水準，雖然價錢夠正正經經的吃份好西餐，但還是要講句「正」。不過中環實在太多競爭對手，就在droplet旁的lemon exchange，出售的漢堡就以價廉物美見稱。樓上一層的GBU，則以build your own burger為口號，綽頭十足。還有附近的Shake'em Buns、我最愛的Monster Burger等等，雖然我一定會再來幫襯，但要等我試埋其他店的出品後才行了。
繼續閱讀
上次在隔離吃到不錯的即烤漢堡，看到這邊也賣差不多的，就趁是日來試一試。這裡有露天位置，也有室內的座位，好處當然是可以吸煙，而壞處是除了有要吸二手煙之慮外，也沒有什麼空調的，夏天來吃，要不怕熱才好。午市餐牌由最便宜的吞拿魚三文治及橄欖油意粉，到火雞胸三文治、漢堡及炸魚薯條都有得供應。跟湯及飲品，價錢由五十五到八十五，以這裡的格局來算，不便宜的。一心來吃漢堡，當然不會選其他的。先來的忌廉蕃茄湯不算濃滑，但也吃得到蕃茄的天然酸味，不似是罐頭湯，不錯；主菜是漢堡包加一埋炸薯條，先吃薯條，熱熱的，毫不脆口，還油瀝瀝的，明顯是油溫未夠高就下去炸的，水準以下。再吃漢堡包，吃到熱熱的包，也吃到漢堡牛肉，但奇怪卻是一點味道也沒有的？打開一看，原來是完全沒有醬汁的，唯有另加檯上的茄汁及沙律醬。加了是有點味道，但漢堡牛肉吃起來也是淡淡的，索然無味。本身是薄薄的，口感也欠奉，完全不是那回事。這個漢堡，只是外表看起來有點似，但論味道，絕不及格。最後的熱咖啡，反而幾香濃，來這裡喝杯咖啡，似乎比吃個漢堡包適合。埋單80蚊，物非所值。題外話：走的時候，見隔離舖的主理人在門外向人大吐苦水，說這邊照抄他那邊的運作模式云云。其實自己做得好，也不需要說那麼多，食客自知。吃漢堡包，建議過隔離舖。
繼續閱讀
We walked past Droplet while looking for a place for dinner the other night. We both ordered the Beef Burger without cheese or mushrooms (which would have cost an extra of HK$ 10 for each topping) and watched the only staff in the shop fry our beef patties. The burger buns were heated up in a pot while the pan only had capacity to fry one beef patty at one time. It was kinda lucky that we were the only customers at that time or else it would have been quite a wait. The burger came with two pieces of lettuce and a slice of tomato. The minced carrots found in the beef patties gave it a personal touch. Even without any condiments, the burger was juicy (slightly on the oily side) and savory. My husband commented that the there is a home cooked feel to the burgers. If it cost HK$50 to have the burger with cheese, Cul-De-Sac seems like a better choice for the Central area. Overall, it was slightly overpriced.
繼續閱讀