影片
開飯介紹
全日供應自助早、午、晚餐及單點美食，以國際菜式及亞洲風味佳餚為主。自助餐枱上源源不絕供應新鮮海鮮、一系列豐富前菜及熱盤，設開放式廚房可欣賞大廚廚藝及與他們互動交流。
繼續閱讀
附加資料
早餐套餐 供應時間: 星期一至五: 上午6時30分至上午10 時30分 星期六至日及公眾假期: 上午6時30分至上午11 時 自助午餐 供應時間: 星期一至五: 中午12時至下午2時30分 星期六至日及公眾假期: 中午12時30分至下午3時 晚餐 供應時間: 星期一至日: 下午6時30分至下午9時30分
營業時間
今日營業
07:00 - 22:00
星期一至日
07:00 - 22:00
公眾假期
07:00 - 22:00
公眾假期前夕
07:00 - 22:00
以上資料只供參考, 請與餐廳確認詳情
有關獎賞計劃
相關文章
因為公司同事之前去食過大讚抵食，咁啱我屋企人又有喜事要慶祝下，所以就揀咗西營盤MoMo Cafe食自助晚餐。一嚟到覺得雖然餐廳環境不大，但枱同枱之間距離充足，傾偈笑大聲咗都唔怕。食物選擇足夠，最重要係質素好好，魚生同生蠔新鮮肥美，最驚喜係蒜蓉粉絲蒸扇貝，調味好出色，扇貝彈牙厚實，長輩們都大讚啱食。凍海鮮有長蟹腳同鮮味蜆，感覺好容易就回本。應該係季節主題推廣嘅意式雲吞同蒸青口都好啱我口味，食多塊即切牛扒，配埋任飲嘅Stella生啤，雖然好飽但又忍唔住再食。另外要讚任食雪糕係Movenpick，仲有超過10隻味，我小朋友最愛雪糕配pancake呢度都食到，成家人都食得好開心好滿足。仲有要讚下侍應同埋廚師們好友善，收碟收得好快，切魚生切牛扒都會講多謝。感覺我太遲知道呢間餐廳，特登要寫篇食評分享下，因為OpenRice訂枱有半價，折完成人都係$3百幾，小朋友同長者又有優惠，性價比超高，小資男如我都可以豪氣請屋企人食大餐而唔肉赤！
繼續閱讀
刺身唔新鮮，長腳蟹唔新鮮，飲品好難飲，拎生蠔每次兩隻 多拎幾隻師傅會黑面，熟食師傅好有禮貌！推介：雪糕+中湯+熟食：意粉、春卷、牛扒總括來講：食物種類少，為生蠔、海鮮及刺身而來 但真係唔新鮮！其他熟食可以 想食熟食 寧願去食兩餸飯吧啦！飲品方面除左熱咖啡 其他勁難飲 不推薦去吃！無下次去食！仲要洗手間用唔到因為女廁塞 客人用唔到！女廁塞 客人用唔到！女廁塞 客人用唔到！樓面服務態度好差，我東西太多 叫我掉埋一邊就可以了，這間酒店的服務除左熟食師傅 其他都好差
繼續閱讀
今日到場食自助餐，見有優惠去試試。去到現場酒店環境都可以，但是食物款式太少，第一次可以食晒自助餐的款式 生蠔初頭都可以但之後個輪就一般，飲品馬馬、試杯咖啡有怪味。啤酒都可以，而且是任飲。食完覺得雪糕同pizza 是唔錯。價錢去返200-300先可以接受。
繼續閱讀
$348勁抵酒店晚餐自助餐🤩近排搵到一間超抵食嘅酒店自助餐 食物有質素 絕對對得起宜個價有突 。酒店其他網有6折 幾抵。款式雖然吾係好多 但食物質素高 回本位都吾少 有🦪蠔 🐚帶子 🦐紅蝦 🦀長腳蟹 🐮牛扒 🍨movenpick雪糕等 又有任飲果汁 同 啤酒 🍻 refill速度超快 👍🏻 可以食夠3個鍾 環境舒適 幾值得一試————————————————————————🍽️- 晚餐自助餐 折後$348 1人-🍽️飲品： 任飲新鮮啤酒🍻 、各款果汁🍹🥗沙律吧：煙三文魚 ，芝士 ，各款ham ，各款沙律🦐海鮮：生蠔 ，長腳蟹，螺 ，蜆，帶子 ，紅蝦 ，三文魚 等刺身 算幾多款式 蠔🦪幾大隻 鮮甜帶小許爽口 不錯👍🏻 長腳蟹🦀夠大條又粗 蟹肉都紮實 但有小小咸刺身區🍣都好新鮮 有5款 特別紅蝦 帶子 三文魚都好鮮甜🐮熟食 ： 烤牛扒，烤牛骨肉 ，羊腿肉，比目魚 ，熱湯麵 ，炒蜆青口，繪牛肋條，炸雞 ，壽司，pizza 等🥩烤牛扒 同 🐟比目魚 認為係必食。牛扒非常出色 肉質超粉嫩 熟度剛剛好 大大塊 有牛味👍🏻 烤比目魚🐟係一整條魚 意想不到地 超嫩滑勁鮮甜 啖啖肉 好食😋其他熱盤雖然較小 但味道都係有水準 特別炒蜆青口，燴牛肋條 👍🏻🍨甜品：12款 movenpick雪糕 ，水果，pancake,幾款蛋糕甜品最吸引係12款 movenpick雪糕 ，每款都好好食 絕對係其中一個回本位
繼續閱讀
又見到生蠔圖🦪,就知我又去咗獨食暴肥😂😂~因為上次去沙田萬怡覺得唔錯~見到西營盤哥間晚餐仲有任飲啤酒同飲食生蠔同蟹腳😍,所以就去試下~呢個場比較細,但啲座位都算舒適👌,唔似之前去8度咁逼~不過食物區都好細🥲,而且款式好少...最吸引係任飲啤酒,有Stella同Hoegaarden🍺~海鮮方面有螺,蝦🦐,蜆同蟹腳🦀,refill得算密,每次去都有一大堆~但個蟹腳真係超級鹹,好似飲咗一啖鹽水咁🧂🧂🧂...而啲蜆食落有少少味😔...生蠔區好隱閉,但啲蠔幾厚肉,但無乜味...而且可能因為唔多人拎,有少量蠔開定咗~拎到明顯唔係非常新鮮嘅狀態🤔,所以我竟然只係食咗一round...熟食選擇好少,有辣到喊嘅冬蔭功🌶🌶🌶...唔只我話辣,隔離檯一對夫妻都辣到只係飲咗半碗🥣~其餘有啲薄餅🍕,炸物,壽司🍣,而啲壽司飯係硬嘅...唯一比較好係沙律部🥗,啲菜乾淨又新鮮,仲有個雜菌沙律好好食🍄~甜品方面都係失望,款式少...連個芒果糯米飯都居然無椰汁🥥...最好食係西瓜菠蘿🍉🍍~同埋最大慰藉係Movenpick雪糕口味夠多🍦~食咗冧酒提子🍇,creme brulee同朱古力味🍫~其實我覺得呢間有潛力,呢個價有生蠔蟹腳,仲有啤酒任飲,其實幾抵🤑~款式少唔係問題,真係要有幾款做得好👍,令人想再添就無問題~但如果成班都好鍾意飲啤酒🍻,又唔食得多嘢,呢間其實唔錯~哥晚見到一大檯日本客,似公司聚餐,個個都飲得勁開心👯♂️👯♂️~希望佢可以好似之前間Alva咁,俾人彈完可以用心改進,做返間好食嘅buffet~
繼續閱讀