影片
開飯介紹
餐廳為社會企業主要協助區內婦女及青少年就業﹐以北歐風格﹐白色為主調的西式餐廳
繼續閱讀
特色
包場派對
營業時間
星期一至五
12:00 - 21:30
星期六至日
09:30 - 21:30
以上資料只供參考, 請與餐廳確認詳情
招牌菜
食評 (32)
一向都支持社企餐廳！悠閒閣係屯門建生重開咁耐，終於有時間去試一試！芒果乳酸好味，唔太甜，芒果味濃。芝士焗龍蝦意，芝士味十足，龍蝦有蝦糕架！好正！亞女既兒童餐，六十幾蚊，有粉有肉有甜品，仲有杯飲品，真係抵。亞女根本食唔晒，大人要幫幫口！牛扒最出色，老人家要全熟，但肉質都好滑。鴨胸長通粉，白汁夠creamy!整體都好，環境細小，位置唔多，但唔會擠迫。有室外位置，但見通常係吸煙人士坐。晚餐價錢偏貴，午餐抵食d!
繼續閱讀
家住屯門的Kawai, 一條街已經有兩間社企餐廳,今日是星期日,所有餐廳都好多人又嘈,想靜靜地睇書都好難,平時我就會去樂融融,不過星期日休息,所以我揀左對面街另一間社企餐廳試試~這次是我第一次幫襯,我都是聽朋友講這個商場也有,餐廳的位於商場的二樓,位置不太起眼,在靜靜的一角盡頭,旁邊也沒有其他食肆,感覺都幾獨特,好像是要專程來找她吧!!一入門口,就見到一個大大的黑板,寫著晚餐的餐牌,旁邊有一個凍餅櫃,陳列了不同的芝士蛋糕裝修方面,實而不華吧,光線是比較暗的!都花少少時間,講下這間社企餐廳的理念啦~提倡婦女自強不息，協助「婦女」投入餐飲業的是該店的宗旨。坐下就有店員送上餐牌,午餐取價在40-50元左右,都算是合理吧!這天剛好是下午茶時段,也設有下午茶的餐牌,亦可點午市的食物來過下午茶輕食版,價錢平一截,份量當然會比較輕盈吧!香辣豬頸肉炒意大利粉 (下午茶份量$32)豬頸肉厚切,嚼感十足,意大利粉也可要求轉成長通粉,長通炒麥味濃郁,不會過淋,調味比較辛辣,我是譚仔BB辣黨,食到最尾都覺得有點受不住!份量真的比較細,兩三啖就吃光了,我下次應該會叫返正常份量吧!下午茶餐可另加薯角(加$7),我真的唔夠飽,都叫了一客~薯角炸得金黃,外層脆卜卜,入面又香又軟,感覺不油膩,吃至最後吸油紙上也只有少少的油份,合格有餘了跟餐 凍洋甘菊富士蘋果蜜 (特飲加$3)飲了一口,第一個感覺好甜,就是洋甘菊糖漿那一種死甜, 蘋果味來得比較輕!!飲左幾啖,我完全放棄了,甜到那一個點是"覺得自己立即有糖尿".....唉!整體來說,我會比較喜歡對面街多少少就是,社企餐廳我明白不能要求太多,因為它們的目的不在賺錢這個範疇,但那個飲品,真的令我有點汗顏,可能都是叫咖啡奶茶比較安全一點吧 (可惜我是不能喝咖啡及奶....)
繼續閱讀
第一次來,只知道是社企餐廳,很想支持吓、試吓,6:30嚟到得兩抬客,我哋3個人,入面只得一個肥ee四眼侍應,佢一見到我哋就指定要我哋坐邊度,感覺真不爽,嗰時大把枱,真唔明解?態度又麻麻,黑面似的,我以為社企會很nice的。我睇吓晚餐幾抵的又多選擇,由6:30-9:00供應,有蒜茸多士跟湯,多士好脆口,餐湯有南瓜湯及磨菇湯兩種,我試了磨菇湯,味道似罐頭湯,我們3個人叫咗咖喱豬頸肉飯,味道一般但飯很少,跟著係什菌+牛肝菌炒意粉,材料十足,炒得好香又乾身,幾好味,最後黑椒牛柳C炒意粉,味道普通但不太辣。總括食物都感覺用心做,即叫既做的,味道ok價錢不太貴,3個餐平均$46/個,抵食的,唯一需改善服務態度,咁就有90分了!
繼續閱讀
不是租了園圃也不會發掘到建生邨附近的食肆，原來周邊已有2間社企餐廳，樂融融已經試過，今次就來到悠閑閣餐廳. 位於荃灣大會堂的分店2年前已試過，當時覺得相當滿意，今次又試試屯門的分店.餐廳位置有少少偏僻，位於寶怡商場1樓的外圍，我行哂成個商場才找到的，而且門面偏暗，不走近實在看不見的.進門後發覺餐廳分開2個位置的，不過近入口收銀台那邊燈光昏暗，也沒食客，相信是節省電源. 走進開放式廚房那邊，也有相當多的食客，不過仍有吉枱，店內空氣有點侷促，坐得不太舒適.我選了 A) 精選下午茶意粉 (午餐A, B, C, D, E餐選一) $32.不過下單時要小心一點說清楚，因為下午茶餐也有A- E餐，稍有不慎店員就會下錯單的了，幸好經我再三覆核，才沒有弄錯別的食物.白汁海鮮寬條麵寬條麵分量很少，再加上很少的配料 (蝦仔、魷魚、蜆仔、蟹柳&青椒) 雖然味道都不錯的，白汁不會過鹹，但實在吃不飽，如果可以加大份量，價錢再貴一點，至少讓人吃得飽就好了. 我胃口不大的，不過都只有6-7成包，我想胃口大的人，吃2碟才免強夠飽!蘑菇忌廉牛柳粒意大利粉友人的意大利粉只有放面的3粒牛柳粒及少量蘑菇，這意粉與粟米6粒飯有異曲同工之妙，勁!! 友人說意粉份量太少，是一份減肥餐來的.餐飲可選$13 內飲品.巨峰乳酸入口味道淡淡的，有如喝有味水一樣，我想如喝檸水味道更佳.藍莓乳酸顏色與我選的巨峰亂酸沒大分別，不過友人說乳酸味道太淡，不好喝.P.S. 向店員拿鎖匙去洗手間，店員說鎖匙不見了，着我們借用殘厠，心想，你們職員全都不用上洗手間的嗎? 還是全都借用殘厠? 鎖匙不見了就算，配鎖匙簡直是易如反掌的事都不會做，怪不得連帶拿杯清水都要再三要求啦!想不到再去這間社企的理由了!!
繼續閱讀
今日去左一間非牟利機構既餐廳食左個好掂既下午茶。去到唔洗等位就可以直接入去坐，點餐咁梗係點最出名既招牌菜芝士漢堡餐啦。因為佢係即叫即做，等左十五分鐘先有野食，不過都係值得既。因為有份新鮮出爐熱辣辣既餐食，有咩食都可以一眼睇晒，主菜有芝士漢堡啦，唔少得既薯條，仲要係粗果隻，宜家已經係街外見少買少，呢到就有得食，最後仲有一份沙律啦。芝士漢堡有塊得厚既肉，連住半溶既芝士，未食落口聞落已經好鬼香，塊肉既肉汁多到唔係連鎖快餐店有得比。加上粗薯條亦有濃烈既薯仔味，就算唔點茄汁都一樣咁好食。最後既沙律，姐姐仲專登拎多碟沙律醬比我，比我食得唔洗咁乾。連埋一杯凍既朱古力，四十零蚊直頭係抵食。
繼續閱讀