影片
星期六中午六個人行咗去灣仔食飯,見到有上海嘢食,又諗起菜肉雲吞...鬼迷迷咁就入咗嚟!咸豆漿----衰貪心!有凍有熱唔揀,揀呢樣!有好多料:炸菜粒,蝦毛仔,葱花,油炸鬼,好香荳味!咸味亦適中!成碗飲晒飽咗三成!好味！牛腩雲吞麵----都係我偏心!始終覺得雲吞都係佐敦唯珍好食,但牛腩就呢度好味喎!入味夠淋無渣,意料之外！同埋碗麵份量好大吓！葱油鉼加蛋----有Ｄ似台灣街邊小食「手抓餅」加蛋咁,好香口唔算多油!又係飽死都要食多件果隻!鍋貼----試咗一隻,普通煎韮菜餃,唔算多油.其實仲撻咗同事一件東坡肉食,呢件嘢炆得好有水準!小小甜,皮有膠質,一層肥一層瘦...比好多上海舖仲正！
繼續閱讀