影片
開飯介紹
複合式旗艦店，除供應 gelato，還有意菜，附設書店、DJ 房。除招牌 gelato，還有一般輕食如沙律、三文治，另有少量 pasta 和漢堡包 。
繼續閱讀
營業時間
星期一至日
11:00 - 23:00
以上資料只供參考, 請與餐廳確認詳情
招牌菜
相關文章
今日出開mk, 順道用埋最後一張da dolce coupon. 去到已經勁多人. 收銀條隊勁長. 不過我已經預了今天最後一天應該很多人趕來換了. 但最火並不是排隊排得耐, 而是個雪糕比之前換的少一個馬! 由於沒什麼味好選, 又沒有開心果味, 所以我叫了香蕉味, 其實香蕉味只有一點點, 並不太出, 但其他的味試過後不好吃又太普通了.看著那個waitress 好快手地“不”上黎, 亦好快手到了我手上. 拎上手已經知輕稱了. 食到中間竟然見到係空心! 我來過食過幾次無一次雪糕是空心的! 還是空到見到杯底!!! 即係… 我都知你今天很忙, 但都不是這樣做生意吧!以後團購千萬不要留待最後一日才去.
繼續閱讀
團購買左$118,5吋蛋糕~原價$228 滿心歡喜去取貨~店內大約有5個員工~得2個係做緊野~另外2個著便服既阿姐~完全冇服務~等左10MINS先問到人拎蛋糕 當時係冇咩客嫁.....拎完個蛋糕~好唔鍾意佢地個包裝~蛋糕明明好細個~偏要用個大盒充大頭!!我要企埋個盒度伸個頭向前先見到件蛋糕~點解唔用返啱SIZE既盒??自己見到都覺得超肉酸~何況係送俾人的!!講到味道~我買既係栗子慕士~有少少栗子碎~不是栗子粉~但總評係~無驚喜~無特別~用栗子成份不多~甜味係糖既味道~冇栗子既甜味~唔值$118~何況用原價$228.....絕無下次~偷工減料~貨不對辦~點解差咁遠~連外面既脆脆都冇~好難令人諗唔到連材料都有偷工減料~
繼續閱讀
情竇初開 = 朱古力心心 + 綠茶雪糕 + 豆腐花 + 紅豆 滿心期待既堂食雪糕店, 點知無論係環境or 甜品, 都好似 foodcourt 咁, 唔特別, 冇裝修冷氣唔夠, 但價錢好貴, 好在有柸熱茶, +1 都抵d , 綠茶雪糕奶味比較重, 但都ok, 豆腐花紅豆冇味道, 係好淡, 碗野仲有水, 但又唔係奶, 所以唔知係豆腐花or 紅豆出水?? 佢既甜品冇得自己選雪糕味道, 呢樣野與雪糕老品牌哈巾大師真係差好遠.結論 : 可能叫咖啡蛋糕會好d, 不過個人而言都唔會再去.
繼續閱讀
以前試過da dolce嘅Gelato意大利雪糕，今次轉轉口味試佢嘅蛋糕。其實，除雪糕，da dolce仲有賣甜品、蛋糕，只係賣成$238一磅嘅蛋糕（並非雪糕蛋糕，而係烘焙蛋糕），的確售價感覺有啲偏高。幸而有團購嘅「補貼」，依家$99就買到一磅，不過手續有啲麻煩，必先以團購嘅優惠券親身去換取da dolce烘焙蛋糕禮券，而訂蛋糕又要提早至少5日致電預訂，不過，平咗咁多都無所謂啦。睇番佢哋啲款式，比起平時食嚟食去都係嗰幾間連鎖餅店嘅出品，有三幾款又真係幾有新鮮感，例如：紅酒無花果慕士蛋糕、香檳熱情果慕士蛋糕、綠茶豆腐蛋糕等，既然有朋友生日，就一於試吓新嘢啦。眾多款蛋糕中，揀咗款叫Last Dance嘅蛋糕，即係紅酒無花果慕士蛋糕，紅酒搭無花果，依個配合都真係非常少見，感覺可能幾特別。先講賣相，蛋糕嘅造型雖然只不過係三角形，但比起常見嘅圓形或方形已顯出少許心思。其實，凈睇蛋糕外觀都睇出佢嘅做法唔複雜，底層係海綿蛋糕，中層係無花果慕士，面層係紅酒軟漿，做法無花巧，但食落味道確實有驚喜。無花果慕士打得細滑，食到濃郁無花果嘅味道，仲帶有無花果較獨有嘅甜香；配以紅酒軟漿，淡淡嘅酒香，入口嘅軟滑，幾夾個無花果慕士，如果慳皮啲用紅酒啫喱蓋面，一定大打折扣！最緊要係朋友試過都齊聲讚好。
繼續閱讀
團購瘋系列 -- 早前在團購網站以 $99 購入了原價 $238 的 da dolce Secret Pasticceria 一磅裝烘焙蛋糕，所以吃完讓人不太滿意的心太軟後，下一站目的地就是去朗豪坊取蛋糕。其實 “da dolce gelato” 是歐洲著名的雪糕品牌，主打雪糕和慕絲，在香港自設雪糕工場，而且聽講其雪糕柔軟度頗高、口感亦特別滑；加上不含香料及人造色素，以純天然材料製造，所以入口會感受到原有的鮮果香味。可惜由於這店舖的位置，全部都在九龍或新界區，對我來說，並不算方便，所以筆者從沒品嘗過這店的雪糕，更遑論是甚麼烘焙蛋糕，不過見這次團購優惠都幾抵，加上又未食過，就買了一張 coupon。原來朗豪坊的 da Dolce 同 X Domon 札幌拉麵是同一位置，在這兒除了可吃到雪糕外，還可點麵食、煎餃子等。其實這次的蛋糕優惠，共有十個款色可供選擇，包括焗香橙芝士、紅酒無花果、香檳熱情果、濃朱古力軟心、栗子慕絲、朱古力班尼士、香蕉朱古力、綠茶豆腐、芒果慕絲及朱古力慕絲。對朱古力情有獨鍾的我和兒子，就選了這個濃朱古力軟心蛋糕。由於使用優惠券要五天前預訂，所以來到後只需出示 coupon， 不消 5 分鐘，店員便已把蛋糕奉上。店員先讓我檢視一吓個蛋糕，噢！真係幾細個，幸而我家只得三個人分享，一定不怕唔夠食。回家途中，細看個蛋糕盒，原來印在上面的公仔頭圖案，都幾 cutie 可愛。另外，個盒的質料，看來亦比一般餅店實淨，個 size 更加大得有點誇張，與內裡蛋糕絕不成正比，真係妹仔大過主人婆。至於這個濃朱古力軟心蛋糕，主要結構有濃朱古力蛋糕底，朱古力慕絲及黑朱古力醬蛋糕面，再在蛋糕頂頭插上幾片朱古力塊作裝飾。晚飯後拿出來切開，蛋糕的朱古力味入口確實很濃，餅底還有點脆米口感，也算不錯，但多吃幾口後，個黑朱古力表層非常膩喉，味道甜中帶一點點苦，而且個蛋糕的質感還有些嚡口，感覺上「聖安娜」的比利時朱古力蛋糕比這個更好吃。由於實在太甜漏，三個人只分吃了半個，餘下的一半，隔了一天吃反而沒有那麼甜啊！未知這次是我選錯了款式，定係這兒的蛋糕水準只是如此，講真若果以正價 $238 來買這般質素的蛋糕，真的不值。
繼續閱讀