影片
到澳門鮮有地沒有工作, 轉而在這裡開一個會。有趣的是咱們兩家都不是澳門人, 找一個中立場地談談, 一人走多兩步。可是原來我到澳門多次, 要找個地方能靜靜談談的都沒有什麼頭緒, 而友人也不知到哪裡好, 只說在威尼斯人吧! 於是經過上網找找, 及個人對菜式的意願, 所以找到了這樣。這餐廳店於威尼斯人渡假區的天夜天購物商場內。如果你有印象威尼斯人Gondolla的起點的話, 基本上就已在這附近。後面有一個大空地廣場, 內面有一列五至六間餐廳。有內堂, 有外面茶座樣子的, 氣氛端好, 不過似乎找錯了地方。我們是來好好詳談的, 可是原來中午時分, 內堂餐廳是不開放的, 我們只可坐到外面, 但外面廣場不時有演藝人表演, 不好傾談。餐牌選擇不少, 主打葡式菜, 而且還不是有生蠔海產供應。豬耳沙律, 是葡式的菜式。友人好奇問, 葡人皮吃豬內臟嗎? 我說一, 豬耳不是耳內臟; 二, 葡人吃豬肉甚多, 不同部位也有涉獵。而豬耳沙律要其爽口, 中國人稱為千層峰, 中間夾軟骨組織, 咬下時能發"嗦嗦"的聲音。而這個好的原因在於豬耳皮部分不稔, 很有爽的感覺。而沙律的用料不算太突出, 不過汁醬略嫌少了一點, 味道較淡。煎馬介休球, 馬介休是一些醃了的魚類, 肉類偏鹹。但如果做得好, 也可以有吸引的鹹香味。可是這個與合格拉不上關係, 首先這個是炸的, 而且還炸得很乾, 外面色澤與焦黑程度太過。內裡馬介休蓉跟薯蓉及其他配料比例不對, 薯蓉太多, 鹹香失真而口感較粉, 是失敗之作。燒烤豬手, 澳葡式燒烤。不知是不是地方與廚房設計規限, 豬手完全沒有燒烤意味, 亦不香。肉質且乾而硬, 豬皮不脆反稔, 又是一個失敗之作。這個跟林記的比較, 還有一段很大的距離, 可是叫價更高, 真是一登龍門, 升價十倍。葡式炒蜆, 味道還算可以, 牛油, 香草, 蒜蓉, 惹味無疑。不過蜆肉質感似是先被水煮過, 所以各項調味都不入味, 不過肉質爽口有彈性。最好吃還是這個葡式鴨肉焗飯, 將飯粒埋入拆好的鴨肉絲, 加入多種的調味料, 包括茴香, 丁香等。飯粒長形乾身, 鬆軟, 焗得香口惹味。鴨肉帶鹹, 肉絲有少許嚼勁及煙韌。焗飯表面加上葡式血腸粒, 更添鹹味與香味。最後送來的是一個貌似木糠蛋糕的奶凍布丁, 雖然有些微奶香, 但可惜沒什麼特別, 反而覺得太甜。整體來說, 餐廳以這樣的收費與食物的水準來說, 表演只可算是僅僅可接受。不知是否在高消費的酒店區域來, 才令這樣的餐廳得以生存。不過有一題外話, 餐廳內的洗手間設備簡單, 縱然潔淨, 但渠務並不算暢通, 建議如需如廁, 可選行多兩步到外面商場洗手間。
繼續閱讀
紅酒燴牛膝 肉質軟香味道好......有一點遺憾是訂了枱但沒有記錄, 幸好 WAITRESS 好服務, 不用再排隊. 點了兩個湯, 其中一個係 Cream Mushroom hazelnut, hazelnut 磨碎混在湯一起, 有口感和濃香果仁味. yummy !!!
繼續閱讀
7年沒到澳門7年沒吃葡菜第一晚...好攰...留左係酒店試小島葡國餐廳叫左..血鴨: 第一次食..好味...但好難形容隻味.....個汁有D平日食雞鴨骨裡面D血味...好得意....食食下都要叫個白飯撈汁紅酒燴牛膝: 個樣好靚...食落肉質好嫩好鮮...重試左其他friend既非洲雞,,豬手..都唔錯餐包好熱好正!!酒店到食...冇計係貴最掃興有人食煙
繼續閱讀
第一次去威尼斯人行, 好大, 感覺好似真係威尼斯添 (小弟剛好上年去過旅行~ ~)到澳門, 想和太太食萄國菜, 但咁大間威尼斯人, 可以選擇的個一兩間, 今次就隨意的和太太選了這間打正萄國菜餐廳食晚飯.餐廳環境幾好, 有一半係室外(天幕下, 其實都係室內), d 侍應都幾nice, 不過就睇上來好生手, 好似冇乜經驗咁, 唔知做咩果種, 仲有一個經理級的, 唔識中文, 似日本人, 英文都一般般果隻.... 但態度都幾nice, 是旦啦. 點菜分享如下.1) 頭盆: 萄國雜菜沙律 (都幾大碟, 鍾意佢用幾多橄欖, 幾香, ok)2) 主菜1: 薯絲馬介休 (到澳門食萄菜, 點都要叫個馬介休食下, 上枱 (見相). 炸薯入口香脆, 魚香適中, 加沙旦中和有咬口, 正!!! )3) 主菜2: 焗鴨飯 (上枱後見様.... 黑黑地咁, 麻麻地開胃, 入口飯身又硬硬地咁........? 有陣鴨香, 咬咬下飯又唔覺太硬, 幾片香腸係面, 鴨肉係底, d 飯入晒鴨味, 又一個好少食過的新奇口味, 幾得意, 幾正!!! )二個人區區三個菜, 要差不多七佰埋單, 一分錢一分貨, 咁環境加咁既味道, ok 啦, 個人覺得值得一試. (不過下次如果賭場唔sponsor我, 我未必會再去)
繼續閱讀
您可能會有興趣的...