影片
開飯介紹
晚上設有任食放題。室內裝潢簡約，除了有關竹炭的擺設外，另有魚缸盛尠鮮活海產。
繼續閱讀
營業時間
星期一至日
18:00 - 00:00
以上資料只供參考, 請與餐廳確認詳情
招牌菜
相關文章
平時行開紅磡都會見到呢間好似日式居酒屋既餐廳,但次次都miss左冇入今次同個frd咁啱行開呢一邊,肚餓之下最後就選擇試佢一試,我地6點入去,好在未到最多人時候,等左1分鍾就好快有位一坐低就拎起menu,原來呢到唔止串燒,仲有其它壽司呀魚生等等! 但我地都係叫左一大堆串燒串燒真係絕對OK,而且串串上桌都熱辣辣,睇得出真係即場燒而唔係先叮後烤! 而且每串串燒都唔會好重口味,而且牛肉唔會咀嚼無味,very good! 另外覺得好食就係雞翼,甜甜地愈食愈開胃,最後叫左成堆,另外有一推介就係蝦串,大大條唔會呃你秤,仲要叫幾條有幾條,回曬本啦真係!今餐真係好滿足好飽!
繼續閱讀
之前買左團購訂左6個今日8點鐘，我地一到門口，嘩幾十人排緊隊，不過都好快等左十分鐘就有位，入到去即刻點野食，先就刺身壽司都唔算大內，5分鐘就到三文魚新鮮吞拿魚出奇地好味，壽司ok,不過不失，跟住再點串燒，焼蝦好大隻超爽好新鮮正，牛舌有咬口冇so味正，安格斯牛ok,羊架可以，再食天婦羅一般水準，野菜牛鍋ok,其他都尚ok,侍應都ok可能太忙都有禮貌，最重要$139我地都覺得超值夾低食，放心我地會再黎。
繼續閱讀
團購訂位, 星期五食要加收 $30蚊, 再加一 $22, 即係加多 $52 一位, 團購上寫用 $139 買原價 $238 一位.$139 + 52 = $191 一位, 心諗都有平幾十蚊, 星期五 HAPPY FIRDAY 約埋朋友出街食.點知出到門口大大隻字寫到明 星期五 1800 - 2000 $198 一位, 唔用團購仲有一杯可樂送, 用團購連可樂都比人呃埋, 計埋計埋唔用團購仲抵.... 咁都算, 食店最緊要都係野食, 間舖主打串燒, 但係除左唔駛加工既花技丸叫好食 D, 安格斯一口牛比左塊牛肉黎仲肯定唔係安格斯. 串燒蝦係冇味既蝦腸仲好大條係度. 個和牛卷燒叫OK 既, 但只能叫OK.豬頸肉只有肥膏.其他野食, 壽司飯全部都散既, 係玉子有比較香既蛋味(當然飯係分開食啦, 因為散左)天婦羅炸粉太厚, 蝦基本見粉唔見蝦, 魚係冇魚味.粟米還叫好點, 但超大碟, 我們只叫了一份, 但比預想份量多出四倍, 擺明想撐飽你就算.手打烏冬有同樣問題, 而且仲冇粟米咁好食.茶唔叫唔添, 叫都成日唔記得黎. 最奇怪既係明明係日本野, 比香片你飲......叫左杯青蘋果特飲, 跟本係果汁糖漿加水, 盛惠 28蚊.我地落單比較少, 但都有一兩樣漏單.侍應基本上除左收飛同上菜, 其他野十問十唔知, 全部都要搵經理. 而且最過份既係 2小時放題, 40分鐘前 LAST ORDER, 即係 80分鐘劃飛加等上菜加趨單.不過佢D食物質素, 我同朋友兩個食左 60分鐘左右每張飛劃一次就冇野想再番單, 係個豆腐好味, 同花技丸返左一次. 所以佢黎 LAST ORDER 既時候我地直接埋單走人.返到屋企而家先記得, 佢團購話送 85折卡但冇比我地囉, 雖然佢比左我地都唔會再返去食.完全冇心機影相, 所以冇相你地睇.
繼續閱讀
冇BOOK位 , 都唔洗等位坐底都係咁 , 自己剔紙仔 , 一人一罐免費可樂 !今次刺身有進步 , 唔再"小氣" , 變返正常SIZE , 都係剔10人佢就畀10片你咁囉 !不過就都係食三文魚算啦 , 吞拿魚 ? 我叫左4片 , 食一片吐返出黎 ......今次食到三文魚頭 , 燒得好好 , 上個時D煙仲出緊黎 , GOOD !不過串燒就真係有D失水準 , 第一轉唔太熱 , 只係暖 !第二轉同佢講左 , 熱返D , 不過佢好似唔記得調味 ! 第三次先正常 !炒野菜真係唔好叫 , 叫左唔食又好似好衰 , 不過真係好難食 , 食左小小咁囉 !不過有樣野抵讚 , 我食左三次都冇走過單漏單 (冇食材而又冇講就試過) !剔幾多黎幾多 , 我唔明WHY會有人話係咁走單漏單 !最後唔記得食雪糕 !因為第一次JOIN左做會員 , 有八五折 , 不過加一都係收返正價 !
繼續閱讀
昨晚三人order 咗: 串燒東菇. 雞軟骨 – 夠熱好味道燒魂刺生蟹籽沙律 – 此沙律內的刺生勁腥.青瓜絲苦壽司 - 好味串燒菠蘿. 肉丸 - 菠蘿甜香, 肉丸食落就如一夠大麵粉(質)落口. 三文魚 刺生 – 刺生是室溫. 一啲都唔凍, 日式豆腐 – 好食串燒安格斯牛/蝦 – 牛肉一定唔係安格斯.有渣. 蝦肉無味.溫室冷番茄 – 本地番茄就唔好話係…..天婦羅 - 超級多油. 放題時間: 首節時間6:00 – 8:00. 六点十分入咗五張單. 第一碟食物要等咗 25分鐘先到. 等到七点鐘先至有第二碟上枱. 等到頸長的(室溫)刺生好腥呀又唔夠凍. 我地三個女士都都試過食 放題. 成個鐘後都好似未有嘢落肚咁!!!一開始就 order 的羊架,三文魚頭, 到咗 7:35 last order 時. 店員先至講買晒!!! 全晚唯一最快上菜嘅就係 last order 的時刻. 這節時間客不多.但出菜如此慢. 相信團購客都好難再幫襯 Lu!!!
繼續閱讀