7
3
0
營業時間
星期一至日
11:30 - 15:00
18:00 - 00:00
以上資料只供參考, 請與餐廳確認詳情
招牌菜
九月十一‧晴 在香港,很多類型的日本料理店也有,但要找感覺上具家庭風味的店子,吃一些簡單一點的日式家常菜,喝口啤酒,卻很難找。以前「味+味」是唯一的選擇,現在也有這裡。很難想像在渣甸街會有這麼的一間日式小店,裝修雅致,環境很不錯,悠和的燈光加上播著最新的幾齣日戲主題曲,感覺是很「日本」。 身心皆疲憊的一天,獨個兒吃晚餐,來了這裡試試。十時左右,人客也不少,但總有幾個二人位子,就選擇躲在竹廉後面。先來啤酒才說,餐牌上是三大日本牌子齊備,但問落卻只有朝日。啤酒用個玻璃水杯去盛,感覺有點怪怪的,也沒理了,大口的喝,感覺舒服了一點。先餐牌,走的是小料理店的路線,選擇還不算很多很地道,就選了些三文魚籽及厚燒玉子來下下酒。 三文魚籽應是簡單的包裝貨,而是用醬油漬的。味道鹹鮮,不過濃,不吃酒盜,也是很不錯的下酒菜;厚燒玉子其實不是那麼厚,在香港也很難吃到真正厚的燒玉子了。可幸這裡都做得幾鬆軟,有蛋香,味道偏甜了一點,如果可以味濃一點就更平衡。都說過,燒玉子絕對是功夫菜來的,在香港不要說味道,單吃到口感鬆軟的已經收貨; 是時候來一點來裹腹,不想吃烏冬,飯就只得咖哩飯,就來一個咖哩牛肉飯吧。這裡用上的是珍珠米,煲得不錯,飯粒吃起來煙韌有口感,有點水準。和牛切粒,吃起來不是那麼軟滑,當然了,幾十蚊的一碟飯,不會是什麼很好的貨色吧。最美味的是當中有幾粒帶肥脂的,非常好吃。咖哩是包裝貨吧,而我本身也不太喜歡日式咖哩的味道,當做下飯品,未嘗不可。 只得兩位店員,皆很有禮貌,也有非常好的服務態度,值得滿分。 埋單二百元,吃得滿意,至少離去時感覺是比之前好了好多。一間不錯的日式小店,人少少吃飯的話,可以一試的。
繼續閱讀
係OR睇到 呢間"小室屋" 的 食評ok, 又是 由正宗日本人開既, 又以日式住家菜為主, 所以就決定同朋友去試下.我們要了五個菜式:八爪魚: 除了芥末, 應該仲加多左d唔知咩調味落去, 令八爪魚味道幾好!天婦羅: 粉漿好厚又唔夠脆, 但唔太油, 蝦肉又新鮮彈牙, 味道 一般鹽燒雞翼: 皮脆, 肉就麻麻地好食了.鰻魚飯: 鰻魚肉質軟滑又香口, 鰻魚d皮脆脆地, 而且鰻魚汁都夠撈哂d飯, 相信叫一整條燒鰻魚應該仲好味!和牛烏冬: 烏冬好彈牙, 好正!
繼續閱讀
一推門進去,樓底夠高,已經很有好感。桌子很闊落,感覺舒適。點了芝麻豆腐沙律,超好吃,爽脆的菜配上特別調製的芝麻醬 (特製是因為比平常的多了一種層次)也點了咖哩豬扒飯,炸豬扒當然不能跟"tonkichi"的比較,但以小店來計算,已經夠好吃!最值得讚是咖哩汁,有很多材料,例如蘿蔔呀薯仔,吃得出的厚質感!餃子雞翼出奇地炸得乾爽好味! 厚燒玉子公公整整的,也好吃!一定會再去的!
繼續閱讀
睇到電視訪問, 同埋想睇靚仔老板 (嘿嘿 ), 就黎左呢到食飯我地叫左:天婦羅烏冬 - 烏冬都幾彈牙, 湯底清清地, 又唔會太淡, 岩哂我~ 不錯~~ 不過我鐘意天婦羅同烏冬分開上多d, 唔想d天婦羅浸到淋哂 而d炸粉略嫌厚左少少鰻魚飯 - 鰻魚幾香口, 肉質軟滑, 而且d汁都唔少, 夠撈哂d飯, 好多餐廳d鰻魚飯都得好少汁好dry, 哈哈. 但如果叫一整條燒鰻魚應該仲正!燒花魚 - 我地落order個時老板已經講左話會好鹹, 好搞笑. 雖然係鹹, 不過皮脆肉嫩, 如果係送白飯就good哂呢到d野食份量唔多, 岩哂我呢d細食人, 而且服務態度都很好, 大家可以一試~
繼續閱讀
17-10-2008改了幾次期的一餐飯今日終於食得成, 一行 6 人訂定檯0黎到呢間新開的「日本住家菜」餐廳試試. 叫了多款0野share 食, 唔知係咪期望太大, 整體係覺得一般:- 咖哩南蠻雞飯: 咖喱係「磚頭」0野, 比其他地方食到的仲甜, 不過總比金鐘0個間日本咖喱店的 (見 http://www.openrice.com/restaurant/commentdetail.htm?commentid=1911251) 好; 炸雞用天婦羅粉漿炸, 夠熱夠脆, 炸漿唔會太厚, 雞肉亦尚算有肉汁, 味道 ok.- 燒玉子: 熱辣辣, 咬落有汁的, 可惜太腍, 唔夠甜又無喱蛋香, 魚一丁的好食得多!- 燒鰻魚: 呢個不錯, 鰻魚肥美, 帶點燒烤香味, 配上大量甜甜 teppanyaki 汁, 一碟唔夠喉呢. - 和牛手打烏冬: 烏冬少少煙韌, 應該都係「手打」的, 不過仍然偏腍, 唔好話唔及 city'super 富久保, 就連 Elements 戲院隔0黎0個間 Wild Ginger (http://www.openrice.com/restaurant/commentdetail.htm?commentid=1930946) 都比佢做得好; 牛肉是否「和」無從考究, 我食到的就好韌好臊, 印象麻麻.- 天婦羅: 我唔食青椒, 只要了半隻蝦... 粉漿好厚又唔夠脆, 可幸唔太油, 蝦肉又新鮮彈牙, 味道 ok 啦.- 鹽燒雞翼: 皮夠脆, 肉就幾柴皮, 麻麻0地好食.- 蛋包飯: 又一蛋「蓋」飯 -_-", 不過呢個幾好食 -- d 蛋好滑, 有蛋汁又有蛋香, 不錯; 飯底用珍珠米 (!) 落茄汁炒成, 乾身又不失煙韌, 不錯.- 無食餃子雞翼, 而朋友0既評語係「Suzuki 0個個好食 d」, 睇0黎無食未必係損失?- 咖喱烏冬: 見好似唔多夠食, 所以追加了一客呢個咖喱湯烏冬, 而烏冬質感及咖喱味道同上述一樣, 唔重複了.- 牛肉薯餅: 炸得熱辣脆口又無油, 薯味濃郁, 混入唔少牛肉碎, 幾香口.小店裝修簡樸, 不過 d 凳實在坐得唔舒服, 食完快閃好了; 店員們態度唔差, 只係每樣0野食都等了好耐好耐, 等到頭都暈了.埋單每人約 $115, 唔貴, 但食完印象模糊, 未必會再0黎了.好, 下一站 -- 風月堂.
繼續閱讀