影片
開飯介紹
餐廳以「營商創福利」為宗旨，聘用長者。於上水自設有機農莊為銀杏館提供時令蔬菜。「五星級美食，五星級服務」，是銀杏館的營運宗旨，大廚都有五星級食肆的經驗。
繼續閱讀
營業時間
星期一至日
11:30 - 15:00
18:00 - 23:00
以上資料只供參考, 請與餐廳確認詳情
招牌菜
相關文章
朋友生日想來這裏食飯,其實之前她已來過一次,覺得呢度係社企餐廳可以支持一下.其實初初都覺得比較貴的,不過最後都來了.我們訂左7:30pm,餐廳在廟街位置並不起眼,經過也不會留意到,入到餐廳只看到有三至四張枱,很多年長的仕應站著,很驚訝為甚麼餐廳只是那麼細但有那麼多的仕應呢??環境都幾優雅的,跟出面廟街的環境是很大的對比.人未到我及一位友人先到,我們就在周圍看看拍照及研究餐牌,等齊人後就開始商量點甚麼食物,生日的主角說上次她來是點了一個套餐再加左一樣嘢,睇睇下好似套餐都幾抵食,我地有八個人叫左三個溫的風套餐(英文係wonderful,真的翻譯得很傳神),套餐的中英對照名字真的很有趣,我看到出面的黑色餐牌有寫著pillow talk set two晚餐(原來中文係甚麼親蜜或私蜜晚餐),真的很到位!!除了叫左三個套餐外,還另外點左一個西冷牛仔粒燴飯,三文魚凱撒沙律,一份燒春雞及一支house red wine.其實餐廳的仕應雖然係上左年紀的伯伯,但是他們的效率俾我想像中還要快,很是欣賞,無論係上菜速度,收碟加水的速度俾起別的地方還真的要有效率呢!!坐著坐著看到還有人進來說訂了位,很奇怪我們幾張枱已坐滿,為甚麼還可以再訂枱呢??看到仕應帶著客人往另一邊走去,原來餐廳係有樓上一層架,我完全不察覺添!!食物的質素都好高,前菜的比目魚配哈蜜瓜好好味呀,魚肉好滑加埋些白汁一齊食good呀!沙律好清新,沙律汁係辣辣地的,好特別及開胃呀!! house red wine一般啦,唔係太易入口,有點澀.蕃茄湯好好味,有好多細細粒的蕃茄粒,好濃但又唔會太"結",我鍾意!!蕃茄西冷牛仔粒都好重蕃茄味,還有一種好似牛肝的味道,幾好味的呀!套餐的主菜,豬牛羊,都好大份量,牛肉好淋入味,羊唔會太酥加埋些薄荷啫喱食好味,豬肉都ok,全部的配菜都係薯仔粒好香好淋身,細細粒易入口,還有蕃茄仔,綠色辣椒仔但係唔辣架,仲有粟米仔,好健康呀!!另外叫的燒春雞雞肉好滑好味,唔會好鞋又老!! 我地今晚食晒所有肉類,豬牛羊雞魚!!!!最後是叫甜品,套餐是包三杯法式蛋奶,其實睇個名完全唔知係咩,另外還叫左一個銀杏叔叔甜品,因為個名好特別及我們有一個叫大叔的朋友呀!!襯到絕!問仕應原來係蛋白梳乎厘呀!!我們還有生日蛋糕呢!! 後來仕應突然放低一碟朱古力蟠桃,但我們沒有order到,仕應不停說係我地攞既,原來係生日主角的男朋友一早放低左係餐廳架,還有就係放係枱面的鮮花都係佢一早放低,我們還以為係餐廳的呀!!真的很細心呀!!三杯套餐的甜品原來係木糠布甸,個名一d都估唔到,還要都幾大杯,味道ok唔係好流,但因為我地又有蛋糕又有朱古力所以好飽了,最後的銀杏叔叔都好大個架,但賣相都幾靚,味道ok唔係好甜,好似輕飄飄的感覺,幾好味!!我們食左差唔到三個小時,真的很舒服及寫意的一餐!!
繼續閱讀
一向都係草根界的代表，高級西餐通常都不在考慮之列，但銀杏館之名已聽得久，加上要多謝朋友在我低潮時的支持，於是決定請她而自己都可以一試這類的食物及享譽已久的服務由訂位開始，已感受到這群長者的誠意，由於應約之日前幾天曾到佐敦一帶，所以親到餐廳訂座，老伯伯兩次重覆我的名字、電話及時間，第一下的感覺，一個「好」字已可形容到應約之日的上午，一個我無印象的電話打來，由於我正在趕工作，所以無接電，到下午較得閒的時候，這個電話再致電，原來係餐廳再confirm，只係週四的晚上，預計不會爆滿但亦有這個服務，連鎖餐廳都做不到到了晚上應約時刻，我與友人被安排上閣樓的角落位，絕對係傾偈的好位置看菜單，其實都未知食乜好，由老伯伯逐樣品評，於是叫了一個餐，另外亦單點了一份貓耳朵及一份鵝肝蝦多士（我唔係慳住使，只係自己唔係太肚餓，食唔到六度菜）食過其麼已經較矇糊，但肯定的是，其中一個前菜話來貨不靚，於是叫我們再揀過，友人揀了一份沙律，不久老伯伯折返，話我們已有一份沙律，再食沙律便會重覆，於是建我們再揀第二款，服務果然係體貼，多個讚！菜式來得慢，差不多每一個dish都要等十多二十分鐘，但一邊食一邊傾，時間好快就過了，兩個人食一份餐另加單點食物，原來真係會食飽人的到叫餐飲的時候，想飲洛神化茶，我想要紅菜頭蜜，由於店舖係用自家有機農場的食材，所以老伯伯再來一次，表示食材不算好，紅菜頭量不夠，做不到一杯飲品，為免水準有落差，於是提議我們改飲品。再多個讚！服務好到不得了，看得出、感受得出他們係有心做好這份工，肯定比那些空口講白話的「做好這份工」的所謂上流人士好n倍！談回食物，主要講幾款1.鵝肝蝦多士友人最鍾意食鵝肝，於是單點了這款，但出來的時候，落差極大，因為主力放在蝦身上，鵝肝只係塗在蝦身上，量亦不多，但總的來講係好好味，蝦同鵝肝的味道好夾，如果將重點放在蝦身上，亦值得一試2.是日的main：牛肋排份量不算少，當問友人要食幾多成熟時，我叮囑千祈不要講2,4,6成，因為你嗌幾多成熟，一定係3,5,7成，當然，如果你嗌血淋淋的1成或者全熟，亦絕對無問題。朋友點了七成熟，我就覺得五成已經好足夠（三成應該仲好），但女生嘛，一定要遷就一下。main來了，似乎做不到七成的效果，來了一個三成至五成左右的，我其實係暗自歡喜，錯有錯著嘛，幸好友人都接受到值得留意係那份main的牛肉味頗濃，好好食，而配茶最驚喜的係有秋葵，相信一般的店舖都沒有秋葵，一些少吃少見的食材都可以在這類使用，多好3.露筍菠菜貓耳朵作為一名痛風病患者，理論上應該不能食露筍及菠菜，但看到名字特別，出來的效果亦頗靚，於是亦破戒進食了。所謂的貓耳朵其實係意粉的一種，形狀似帽亦似貓耳朵，所以有此名稱。貓耳朵著來剛剛好，時間掌握得理想，彈牙效果出來了，至於醬汁係有少少甜，係咪有落basil呢？我不太清楚了，但整體效果理想的一次食高級西餐的經驗，看到那些熱心工作的老伯伯，一份份水準頗高的食物，這個社會企業的價錢雖然較貴，但亦可以儲夠錢又來一次，值得一試。而這餐完滿結束之際，原來已係差不多晚上10點，一食就係接近3小時，真係快樂不知時日過
繼續閱讀
餐廳分兩層，地下舖面不大，不過座位並不擠迫，而且有輕音樂，感覺舒服。聘請長者做侍應是銀杏館的賣點之一，招呼當然不錯。食物亦有水準。先來的餐湯和多士都令人喜歡：番茄牛肉湯看似不太濃杰，不過飲落牛味濃郁；多士則熱辣又脆口，不是求其給你一碗例水，加隻涼又硬的餐包算數。主菜要了西梅釀豬柳配蜜糖燒汁。豬柳軟腍，配上酸酸甜甜的西梅醬，以及略帶甜的蜜糖燒汁是非常討好，亦減去吃肉的油膩感。加上軟硬適中的闊麵，用茄汁及橄欖油煮，美味可口。環境、食物及服務都幾好，加上價錢合理，是值得支持的餐廳。
繼續閱讀
已聽聞過銀杏館為年長人士給予工作機會，而食物水平確不錯，但價格則貴了一點，親切的亞叔亞姐, 穿著整齊的西式侍應服的理令人留底好印象，坐位安排及環境尚可，氣氛與裝潢配合到，而最令我難忘是獲獎的南瓜黑松露煨意大利飯，得班濃烈松露味，令人一試難忘。
繼續閱讀
店舖地點不算方便, 食物一般, 座位有點狭窄, 無裝飾可言. 可能是社企吧沙拉是organic. 蕃茄濃湯一點不濃鮮蜆忌廉湯. 味道怪怪的烤小羊肋排,羊算是可以的, 但天使麵太碎了吧!水煮鱸魚扒. 魚無魚味, 都好"鞋"姐 飯還算是不錯.雖說是社企,但希望可以努力改善吧!
繼續閱讀