影片
開飯介紹
agnes b. le pain grille位於擁有4,000呎面積的LA LOGGIA內，大廚以傳統法式烹調方法炮製法國菜，材料更選用由法國直接入口的海產，配合獨特的酒、香檳和雞尾酒，IFC店為眾多分店中提供最多種類的菜式的店舖。
繼續閱讀
獎項殊榮
最優秀開飯法國菜 (2010)
特色
浪漫情調
慶祝紀念日
飲o野傾計
附加資料
紅酒白酒每支開瓶費為$200,香檳每支開瓶費為$300
營業時間
星期日至四: 12:00-23:30
星期五,六及公眾假期前夕: 12:00-00:30
以上資料只供參考, 請與餐廳確認詳情
招牌菜
夜幕低唾後，中環夜景非常吸引，燈光彩色縯紛，十分奪目，果然情迷夜中環呢 ﹗錯有錯著，French Window full house 未能品嚐法國情懷，但無心插柳地轉戰 Agnes b，好正啊 ﹗有室外露天座位喎，眼見應該都會好舒服。暫時大部份景觀都被地盤所阻擋，不誰道正在進行什麼工程基建，將來會否遮住海景呢？下個月就係普世歡騰既聖誕節，仍是獨身的我難免有點失落、有點傷感。遠眺閃閃聖誕燈飾，so sad。實在太過份喇，我一定要嚴厲投訴 ﹗Agnes b 係 IFC 既環境、景觀、氣氛、出品、服務都無得彈，我真係好喜歡啊 ﹗第一次到訪，由侍應姐姐帶路，顫顫驚驚地步入內堂，環境非常高檔、寧靜，四週瀰漫著濃厚浪漫氣氛。燈光柔和，好舒服，令人想昏昏入睡。最鬼衰後面有檯細路，鬼殺咁嘈無時停，大煞風景，破壞晒整個環境，可惡 ﹗再過一會，黎左十個商務人員食客，高談寬論，help ﹗今晚既飲品，有氣礦泉水 only ﹗我本想開支紅酒嘆一嘆，但朋友仔無興趣飲酒呢，無所謂。檯面有個好靚既樽喎，唔知放咩呢？貪得意打開個睇睇，原糖結晶？好可愛啊 ﹗Waitress 姐姐介紹 seasonal flower set，好似係話花店十週年特別菜色，梗係試啦，雖然好多花名都唔識，哈哈。Salad of raw & cooked roots mescluns fresh herbs marigold, cauliflower cream with garlic flower tempura, marinated salmon with rose hibiscus lavender seaweed blinis, duck breast with thyme braised lentils lettuce fresh garlic flower, blue corn flowers berries fruit salad with rose sorbet, green tea with red & black fruits & sweet lavender flower ﹗咁多道菜都只係 HKD480，好抵食 ﹗餐前包，兩款 home made butter，右邊帶淡淡香草而咸味濃厚；左邊散發清香味道而質感幼滑，非常特別啊。唔好客氣，大大篤搽上麵包，十分豪氣，好好味 ﹗下面塊麵包邊位香脆而中間偏韌，唔多識欣賞。上面長麵包滿意，長條形外脆內軟，甜甜地，仲有 nuts 同 dry fruit 係裡面，好食啊 ﹗鮮花雜錦多士，唔記得道菜名喇，唯有自創啦。最低係麵包多士、中間係香橙啫喱、上面係沙律醬混花種籽，加埋一片花作瓣點綴，外觀常然吸引又非常精緻 ﹗清爽既鮮花味道震動味蕾，酸酸甜甜沙律醬混上啫喱開開胃又醒醒神。marinated salmon with rose hibiscus lavender seaweed blinis，好緊張，到抵花宴係如何的呢？三款不同品種既鮮花，朋友仔話聞到花香味，但我食落三款鮮花味道都一樣既？食唔出添，哈哈 ﹗外觀精緻，罷位得宜，賣相真係好靚。面頭係薄薄一片煙三文魚，淡淡咸香又棉棉滑滑，不嗆不膩，very Good ﹗併上可口菊花啫喱、鮮甜多汁車厘茄，百味交雜、質感百變，那有不滿的位置啊。Salad of raw & cooked roots mescluns fresh herbs marigold，不要怪我英文差，真係唔知中文應該怎樣演繹，香草生熟萬壽菊根沙律？Dressing 酸酸甜甜好開胃，雜菜香草混合花瓣加上萬壽菊根部，併湊出黎既質地好特別，多種植物味道，值得一試，有種十分神秘既感覺，引人入勝，有趣。cauliflower cream with garlic flower tempura，椰菜花忌廉？難怪味道勁似忌廉湯啦。浸住既係蒜頭花天婦羅，真係創意得很，好鬼有趣既配搭，令人會心微笑呢。味道好複雜而迷人，質感幼滑，不厚不鞋，濃郁中泛著清爽味道，美味可口，可以添飲喎。白酒忌廉法國藍青口，食過多間藍青口，最好食都係今次，就係依隻味道 ﹗招牌菜剛剛新鮮法國運到，不是冰鮮、不是雪藏，是活藍青口那有得輸 ﹗肉質彈牙肥美脹卜卜，不乾不硬不鞋不粉。藍青口肉肉汁狂射，鮮味出眾又附著豐富海水咸香，甜美香草味還有清淡酒香，實在太好食啊 ﹗duck breast with thyme braised lentils lettuce fresh garlic flower，一連串前菜小食後，終於到鮮花套餐既高潮，main course 參上 ﹗鴨胸伴百里香煨扁豆鮮蒜花，高潮疊疊起，每一道菜都令人驚喜萬分，食物烹調及配搭既領域真的無限大。藝術品一般的演繹，擺位精雕細啄再淋上暖暖紫紅色 dressing 奪目登場。鴨胸肉幼滑細緻，鬆軟棉棉到不得了，彷似沒有纖維一樣，慢煮使到質地腍到不像鴨肉。嫩肉鮮甜鴨肉香配上秘製清爽醬汁，不嗆而便到鴨味更為特出，無得彈。鴨肉味濃加上淡淡甜味醬汁，味道可口。我貪心地成舊啪落口，太大舊啊，實有點免強，建議切開兩三件慢慢品嘗更好，哈哈 ﹗伴碟有生菜同豆蓉，豆黏而味濃，爽甜生菜夾著鴨肉同吃，正到手震 ﹗海膽汁海鮮扁意粉，滿分超好食，好食到不知道如何形容，連隻碟都想賴埋呀 ﹗濃郁鮮甜海膽汁，不腥不嗆，混上忌廉及香草，緊緊地包住每一條意粉。扁意粉滑溜中帶嚥韌質感，非常有彈性。意粉掛著大量海膽汁，大啖大啖豪氣地品嚐，美味極致，好想食多碟啊 ﹗仲有鮮爽大蝦、甜美青口、棉滑帶子、彈牙魚柳，足料無味海鮮併，色香味美，必食推介 ﹗blue corn flowers berries fruit salad with rose sorbet, green tea with red & black fruits & sweet lavender flower，開心既時間好快過，話咁快就到尾聲甜品時間喇，真係好唔捨得。就連唔喜歡甜、唔喜歡食甜品既我都難得地食到唔停口呀，堅好味道 ﹗酸酸甜甜好醒胃，消滅左大量食物後用來減低膩滯就最適合不過喇。玫瑰 sorbet 真係有花香味架喎，清爽香噴噴既味道，幼滑又冰凍，夾著鮮果鮮花好好味。France macaron，估唔到會係麥卡龍，朱古力味及檸檬忌廉味，配埋杯靚靚即磨熱齋啡，非常完美既結束。
繼續閱讀
前一晚我同男朋友先決定今日黎呢到High Tea, 一瞓醒立即打去訂位. 侍應：今日booking full晒我：咁我walk in過黎侍應： 今日full 晒， 你過黎都無位我： 咁好啦，收線（心諗- 雖然今日係母親節， 真係咁旺場， 就算full booking, 應該預留啲位俾 walk in客既， 即管walk in去睇睇咩環境）我哋3：30左右黎到，竟然唔洗等位， 可以立即安排入座. 餐廳內未坐滿， 唔係之前所講full晒. 呢到環境好有情調. 我哋坐底後，侍應問我哋要sparking water 定係 distilled water? 我哋要sparking water, 侍應拎咗支sparking water幫我哋斟水， 然後成支放喺我哋枱面. 從來都無向我哋提及支水要收費， 埋單時這才是重點.....收咗$70 . 點解無人同我哋講啲水要收錢？！覺得有被騙既感覺 講下食物方面， 我哋叫咗3層英式下午茶， 一黎到立即要拍拍拍照留念. 侍應們都好樂意幫我哋拍照. 我之前都有試過其它餐廳既high tea， 我覺得呢間有甜點亦有咸點， 而且甜點味道不太甜， 好鐘意！！ 如果餐飲揀檸茶/檸水/咖啡/奶茶係免費添飲. 食物黎到既時候，侍應提示我哋襯鬆餅仲暖暖地食咗先. 食既時候， 鬆餅頂部脆脆地，裡面有少少暖配上士多啤梨醬，甜甜地幾好味. 可能男朋友唔係好鐘意甜，佢覺得配cream好食啲.第二層先試試mini blueberry cupcake， 我一直對cupcake不感興趣， 今次呢個確又唔錯喎， 原因係blueberry唔太甜. Cupcake隔離有新鮮無花果喺面既蛋糕，入面係吉士，但個底黑過鑊撈....試下隔離嗰件玉桂味撻， 本人都幾鐘意玉桂味，但個撻脆得黎有少許硬，唔夠鬆化. 至於嗰件chocolate brownie就好一般. 最底層以咸點為主，有mini burger, 蕃茄伴咖哩蝦沙律，疑似鴨胸沙律加一件普普通通既麵包.有驚喜係那個蕃茄伴咖哩蝦沙律，蕃茄好fresh配上咖哩蝦，確實又幾特別.另外，仲有疑似鴨胸沙律，睇落好一般，但旁邊綠色既醬，味道似蔥油味，呢種配搭十分特別.環境同食物質素整體黎講都幾好， 都可以考慮三五知己黎呢到小聚.
繼續閱讀
今次選擇的餐廳是Agnès b ,係中環IFC個間因為Agnès b的業務發展愈來愈多元化 ,有巧克力 有化妝等等....所以今次一於試下佢既美食忌廉白酒煮青口最愛美食之一 ,對佢當然有所期待 (加上我很會煮它 )青口 :質感一般 ,而且忌廉味道不太濃郁所以....它是令我失望了~~ (這當是餐前小吃)法式焗洋蔥湯喱個我真係唔識形容 ,因為對比我係Jimmy's kitchen飲 ,仲有段距離~~~不是太好飲~~~~大厨推介 :龍蝦意粉好有驚喜 !!!!! 對於一個唔飲龍蝦湯既我黎講.....景然會鐘意食~~所以我覺得個大厨犀利~~平時我真係好怕龍蝦既味道 ,因為味道太濃 ,而今次意粉個味道控制得真係岩岩好!!!六成熟的羊扒好好味 ,肉質剛剛好 ~~最特別係羊扒上的炸蒜 ,同羊既"SO"味好夾 7成熟的肉眼扒連盡量唔食牛肉既我 ,都忍唔住口 ,試左一啖 (因為個賣相實在太吸引 )~~~結果食完一啖 ,我就食哂成塊 ....每一啖肉 都好有肉汁 (真係要拍手!!!!)心太軟 (其實我已經食唔落 ,但真係好好味...我真心推介俾大家!!! )好特別 ,特別不在它的賣相 ...而係在於心太軟內~~通常入面都只係流心巧克力 ,但佢加左少少果仁 ,令到整個甜品唔會過甜 !!即使食到幾飽 ,都仲可以食得哂 ....加左果仁 ,令到成個口感升華.....大家真係要去試下 !!!!!分享完美食 ,當然要分享下個環境~~~~()人唔算好多 ,最岩拍拖 ,慶祝節日黎食飯 ....係喱個環境下 我餐飯足足食左3個鐘....傾左3個鐘!!!基本上係我身上係唔會發生 ~但當你身處係喱個環境底下 ,可能到你坐左3個鐘都唔會覺呢除左室內 ,仲點少得室外呢 ..否則真係浪費美麗的維港景色係露天地方 ,會有3-4張台俾大家飲杯野 ,傾下計~~~太棒啦~~~其實係我黎之前...我係唔知有露天地方....否則我唔會揀個日黎....因為那天下雨><....但我都不怕風雨 ,欣賞下夜景先~~
繼續閱讀
星期日的下午， Diz 撇低胖子森， 相約好朋友y小姐去位中環IFC 的agnes b le pain grille享受一個afternoon tea。 點解 黎afternoon tea？事原我地兩隻野完成了training scheme ，咁當然要慶祝一番啦！其實都約咗好耐， 到半年後才實行XD 今次輕輕鬆鬆黎到tea， 的確係一件樂事! Y 小姐無意中搵到呢度afternoon set ，價錢俾其他酒店相對便宜， tea set for two hkd 348. 所以二話不說即刻訂檯啦！準時3點正到達， 先穿過香噴噴的花店，之後就好快進入我哋afternoon tea 之旅。 好好彩， 安排了我們坐窗口位，環境開揚同夠光猛，食得都精神D! 好快就點了tea set 後 就揀選飲品。 我選擇了marco polo， 其實係杯 fruity black tea， 果然很fruity， 聞落非常香的果味， 飲落又幾清新喎!仲要無限refill。登登登登！主角出場！ 最底層係鹹食， 中間係甜點，最高層係英式鬆餅。全部都係bite size，啱哂我哋兩個雞啄米同經常眼闊肚窄的女士XD! 首先開動最底層的鹹食， 有沙律，漢堡包，多士。呢個係燒吞拿魚沙律配牛油果醬，很清新，塊吞拿魚燒得剛好!^^另一個玻璃杯仔係幾驚喜的食物, 大蝦配咖哩汁沙律。 個汁Y 小姐話怪怪，但我又覺得幾開圃, 咖哩汁不杰身，食落唔油膩。小型漢堡內有一塊HAM 同菜，這個不太好, 個MUSTARD 太多，搶哂D味><另外鹹食仲有一塊小TOAST，外面包了CHEESE 內裹有D 半熟蛋絲, 幾好味， GOOD!終於黎到甜品，其實我對 AFTERNOON TEA 的甜品都冇咩期望，除了樣子吸引外，大多數是偏甜。今次都唔例外。 甜品包括 blueberry muffin， brownie， apple crumble，還有一個小蛋糕。 muffin 係super mini size， 質感不好，一咬便很鬆散。 brownie 是極甜的。 唯一較好是apple crumble， 因為有我愛的 cinnamon !整體是可接受的， 畢竟價錢相對便宜。最高一層 是英式鬆餅scone, 配了 berry source and cream cheese. Hm ...這個不過不失啦， 因之前食過四季的afternoon tea ， 那裡的scone 非常好味。 在有比較之下， agnes b 這個較為遜色點， 或許認為少了點牛油香味。題外話： 侍應生服務一流， 還細心幫我地拍照呢 ^o^
繼續閱讀
來年來月我褪色時 你想珍惜時後悔都很遲《牆紙 ﹣容祖兒》梳乎厘令人迷戀的地方是它的輕盈是它的轉瞬即逝是它的淡淡蛋香齒頰留痕Agnes B Café的Pistachio soufflé味道香濃且新鮮卻失了點梳乎厘應有的精粹差點要成為Bread Budding的樣子了反而喜歡這裡的Chocolate Fondue從來不是朱古力的狂熱者而且一般的心太軟要不是濃得太膩，就是涼掉太甜但這個用星星狀的小砵子盛著放久了點也不至於變了質雖然取巧但又是別致貼心看著就已經溶化掉何況心太軟內的流心保留了Agnes B 朱古力一貫的嫩滑配上香草籽雪糕。。。真的連心也軟了
繼續閱讀