影片
以上資料只供參考, 請與餐廳確認詳情
招牌菜
FRIDAY NIGHT三姊妹約埋，兩個臨時改咗SCHEDULE（其中一個係我：P）當機立斷，唔約响九龍，改去中環。原本想去Y記，但都預咗冇位，ZZIP係後備﹣﹣因為九成有位。一如所料，Y記一副”唔志在做你生意“格局，扭頭即上THE LOOP。唔駛等就冇位，周五晚八點嚟講唔滿真係有啲難度。個人嚟過三次，絕對夠資格講句：問題並不出在食物。呢度啲蠔係得嘅，算係餐廳“米飯班主”，老闆一貫地SELL得落力﹣﹣侍應亦一貫力不從心，欠缺圓滑。蠔款冇MENU寫得咁足，但都有十款左右。是晚澳洲蠔相當出色，爽甜肥美，雖然冇大大件美國蠔助陣，不過IRISH同SCOTTISH兩雙中堅搶返好多分，法國蠔上映“黑珍珠”，踢走白珍珠，單呢組合嚟咗兩ROUND。連蠔連海水一氣呵成，開蠔技巧都OK，得兩雙食到啲啲蠔瞉。蠔嘅鮮美將姊妹們一星期工作嘅勞累怨氣一洗而空 ：）開咗支白酒﹣﹣結果都係冇睇到個LABEL。WINE LIST ﹣WHITE WINE ﹣第二個OPTION。帶少少花香，少少DRY，送蠔一流。基本上食蠔話要開白酒佢都係SELL 呢隻。紅酒煎鵝肝嚟咗兩轉，之前同其他朋友嚟食大家都REQUEST ENCORE呢一度菜，相信同佢大件肥美相當有關係，而助唔會煎得太乾，人多過兩個其實一件多數唔夠喉。伴碟藍莓味道配合得好好，酸甜味道稍減油膩，就帶出肝臟的特有香味。CAPPACIO，份量相對細，生牛肉小小一塊塊圓片加上火箭菜為主O既沙律，但黑醋同橄欖油份量啱啱好，係開胃嘅餐前小菜。（見之前啲食評都有包，而理論上佢都應該提供面包，但係冇。）呢度LASANGNA我係有信心O既，食咗幾次雖然第一次最好食（芝士香氣撲鼻，同一般LASANGNA用嘅CHEESE明顯唔同），之後好似都冇咩特別，但朋友口碑都十分正面。今日都冇令人失望，肉醬嘅份最充足，唔會太“漏”，濶面夠薄，好滋味，不過我比較想試到表面烘脆嗰個VERSION。後加O既MUSHROOM RISOTTO就好普通，雖然味MUSHROOM味濃，但意大利飯煮得略硬，呢個DISH上廚師功力未見突出。甜品：法式薑汁焦糖燉旦：薑汁好味，但份量少，而且熱食似乎會好味啲。拿破崙：有啲古怪O既造型，似STRAWBERRY CUSTARD 塔，不過味道香甜，餅層酥脆，值得推介。心太軟：之前經驗話我知﹣﹣師傅係人，係人就會有失敗嘅時候，心太軟更加係失敗命中率較高嘅一環，所以雖然佢加大咗SIZE，仲變咗討喜嘅心心造型，我都提醒朋友：即刻“開嚟見我”。點知重做都係失敗，似乎係“爐之過”， 而夜已深，LAST ORDER早過，都唔想再為難師傅，照吃可也。侍應都即刻提出呢一客免費（其實已經埋咗單），後尾仲補個木糠CHEESE CAKE，算係咁，而失敗咗嘅心太軟 AS 一個 BROWNIE，其實仍然好好味，只要姊妹盡興，餐廳都算盡咗力，是晚聚會亦告圓滿結束。問題既唔出在味道，咁出响邊？嚟過幾次，EVEN落力SELL蠔又頗友善嘅老細，都未曾有一次令我有“賓至如歸”之感。佢晚間環境以黑取勝（咁多次都係我點菜，點解？太黑，朋友都睇唔到MENU上啲字，直頭要開電筒），角落有VIEW，食材合格，但服務方面總係徘徊於MK 同 CWB 樓上舖嘅水準同樣式之間。佢哋好似永遠拿掐唔準同顧客之間嘅距離，叫佢落單，佢遙遙掉低一句“轉頭過嚟”，明明傾緊計，又多次突然殺入介紹蠔呢樣嗰樣，黑住面叫你試酒，介紹菜式時過份熱切殷勤，明明唔客滿，一杯水仍然要催四次先有，漏咗包／冇包，呢頭明明話我哋有一個人未到，俾住兩隻杯，嗰頭第二個拎三隻埋嚟，是但問都唔問放低就走，第三位嚟到，又冇人幫佢斟酒問佢要唔要ORDER， 俾蠔你，但唔記得俾SOURCE，俾咗SOURCE， 冇叉... 老闆事事親力親為，又分身乏術，身後永遠一個“急”字，侍應誠意欠奉，訓練未算有素之餘，更睇唔出有任何熱誠，身上多數只有一個“煩”字。明白生意難做，仲要响呢個地段生存有佢嘅難度，我都想佢個個客走嚟食十打八打蠔開三五七支酒俾佢賺到笑，但做生意，做飲食，仲要做呢種小規模餐廳，適度地親切，適度空間，適度距離，知人察人，用心待客，方為善策。希望下次FRIDAY NIGHT LAST MIN 結果係“連ZZIP都冇位”。﹣﹣太黑太攰，冇影相﹣﹣ 大概同前人食評相若。
繼續閱讀
昨晚跟朋友到這間Oyster Bar 慶祝朋友生日, 服務的幾好, 食物就very good呀! 老闆仲好nice, 下次有 party 可以考慮呀!
繼續閱讀
因為地點，所以揀了這餐廳．訂了枱．開餐前上來Openrice睇過食評，都已經想轉地方，只是還懷有一試無妨的心態，所以還是送上門吃了一餐”非常難忘”的晚餐．晚餐沒有Set Dinner供應，只有餐牌上的菜，有appetizer, soup, pasta, risotto, main course and dessert, 當然還有Oyster．去到餐牌，一個客都未有，我和朋友都點了Grilled Fillet of Cod Fish．一如意大利餐廳，先來麵包，只是賣相已經不想食，好像是昨晚剩下的，所以我跟朋友都沒有觸碰過一整客麵包．上菜了，看不到Cod Fish，只看到一大塊Cheese （請見圖），一向愛吃西餐的我，吃過無數Cod Fish，老實說，這是我第一次見識這個煮法的Grilled Fillet of Cod Fish，相信如果魚是新鮮的話，一定不會用這煮法吧，一路食一路很失望，真的好難食．所以也沒有再加其他食物和飲品，也沒有點Dessert．埋單，兩位，兩個Main Courses - Grilled Fillet of Cod Fish， 總收費HKD392，每人HKD196，真的十分不值，中環以這個價錢真的有更好更好更認真的選擇．Openrice到出的HKD100-150 price range很不準確．一個多小時結賬離開，整間餐廳也只有三枱客．總結，無論服務，食物味道及質素，侍應生，價錢等 － 正宗西餐廳價錢，茶餐廳質素！！一定不會再去！
繼續閱讀
第二次到來.第一次, 感覺良好, 放是再下一城..但是...竞然...大失所望...set lunch有A-E選擇, A-C 沒有蠔, E & F有蠔三個朋友仔在中環聚一聚, 只想坐得舒舒服服, 聊一陣子才再回辦公室搏剎!! 不過也想不到食物這般令人失望..頭盆的沙律, 火箭菜, 竟然不是沙律醋及olive oil, 創新的混了沙律醬及幾粒橙肉, 賣賣有點怪, 味道也一般, 幸好火箭菜尚算新鮮, 不過醬汁唔均, 有幾啖好鹹, 啲鹽未撈均頭盆, 大家都叫了 baby pig leg with apple salad. apple salad算好食, 清新, 不過home made都可以有這水律, 只要買樽蛋黃醬就可以 baby pig leg原來只是三小件有骨豬小腿肉, 最差的是唔熱, 只得室溫溫度, 連微波爐翻熱都沒有, 個汁都係凍的, 肉無味, 個汁都無味, 要自己落鹽落胡椒粉...甜品, 是個木槺蛋糕的物體, 一小塊, 份量唔係問題, 又係一樣無味, 除左消化餅碎的木糠有味道外, 中間夾層, 沒有芝士味, 沒有奶油味, 也沒有甜味...這價錢, 在中環區還有很多很多選擇, 隨便上去soho任何一間餐廳都好食過.....
繼續閱讀
星期四同同事去 The Loop 食 lunch. 本來去 11樓, 11點打電話去 book 位無人聽, 隔幾個字再打都無人聽。見食評話唔使訂位, 未膽粗粗去, 點知無位 fully booked.同同事遊LIFT 河, 試下邊間有位。發現繁忙時間 The loop 既 lift 好討厭,有上無落。 等lift 用咗好多時間, 加上大廈樓面面積少, 等 LIFT 過程不太舒暢。 試埋5樓又無位, 開LIFT 見到北海道牛乳多人到嚇親。差不多放棄時再試13/F, 竟然好少人又唔使訂位, 唔想四圍走, 結果決定 13/F. 但同事不斷互問點解無人, 唔通D 食物出事 ?但睇 OPENRICE D Comments 又ok, 一於找出背後原因。lunch menu:有2 款 lunch set, 一款有oyster (+$40), 一款無 oysterStandard lunch set 有 - Salad or Soup-Main Course-Dessert-Tea or Coffee加$40有多兩隻 OystersSOUPumpkin Soup - 同事話幾好味, 但分量好細Salad:antrovy Salad - 唔係好新鮮, 賣相唔多ok, 落咗好多olive oil, 仲要加2片橙, 好古怪,唔多夾!OysterK wor, 新鲜度有 70% la, 算ok 好食我order 了千層麵. 做法同一般食開唔同。佢地較乾身, 變相無咁肥同滯。 idea 幾好, 個top仲好 crispy． 可惜太乾了， 自己都較喜歡傳統的千層麵.同事order 了risotto 同魚． 個樣一般ｌａ， 吸引唔到我去試。總結：唔係難食， 但唔會想再去食． 依個價錢食西餐係中環好多選擇。 這里裝修有點簡陋， 好港式！ 無氣氛． 加上大廈設備環境唔討好， 基本上唔會再去 The loop 食飯， 除非有一間好味到不得了既餐廳， 否則 BYE BYE. The loop 俾我既感覺同銅鑼灣上樓擘埸好相似
繼續閱讀