影片
以上資料只供參考, 請與餐廳確認詳情
乳豬: 皮脆, 肥肉厚 上湯焗大蝦: 蝦大隻但唔算新鮮, 有幾隻蝦頭甩&變黑, 伊麵底夠大份 泮水芹香雙蚌片: 似韌韌地既魷魚 富貴彩星翠玉環: OK, 個鹹蛋黃汁幾好味 瑤柱雞蓉燴燕窩: 有好大陣芫茜味, 好足料, 唔覺有燕窩 清蒸台灣大青斑: 條魚最好味, 新鮮&滑 益菌浸田園時蔬: 清清地幾好 東江沙薑海鹽雞: OK 香煎菜肉包: 味道幾好, 偏油 陳皮紅豆沙: 苦 , 應該係陳皮唔靚, 食左一啖冇再食 果盆: 西瓜+蜜瓜, 冇雪兼放係櫃枱面, 雖然有包保鮮紙, 但感覺唔太衛生 飲品: 有獅威啤酒、果粒橙汁、雪碧、Coke Light等選擇 餐牌講明$1098包茶介加一服務費及汽水啤酒, 但到埋單時加左兩碟餐前小食(花生)價錢, 佢地只係比得一碟, 到我地發現時侍應先講話半席都要計照計兩碟小食價錢, 兼且好悔氣咁話「入去攞返一碟比你地囉!」 , 最後$1140埋單, 出去食飯唔係計較果幾十蚊, 而係好唔喜歡被食肆當水魚, 不明不白咁加多錢上去!!
繼續閱讀
當銅鑼灣時代廣場一片擠擁，處處人龍的時候，到東湖晚餐樂得清靜。 不需等位，很快便會有侍應問要開一壺什麼茶。例牌叉燒，肥瘦各半，蜜味濃，味道不錯。佐飯不錯的!最近有優惠，98元+1元可以有雞和魚蝦蟹(選一)。魚蝦蟹是98元，+1元是雞 (即是一蚊雞)~這個餐十分划算，當然不容錯失! 選了大蝦，賣相是不美麗的 ，有點粗糙，幸好有內在美!味道出來都十分香口! 大大隻，飽肚!反而豉油雞嫩滑，做得很好，配合薑蔥汁，嘩，很美味! 值得推介!瑤柱豆苗($120)，有保障的菜式，豆苗的發揮可以很大。瑤柱豆苗($120)、蟹粉豆苗($198)、蒜蓉豆苗($80)等。豆苗有多款方式炒，最後選了瑤柱豆苗。瑤柱量不少，平均散佈在豆苗上，人人有份!豆苗新鮮有汁，入口有鮮味。燒鵝半隻，不推介 ，因為不新鮮，賣相不討好，沒有燒鵝出爐的香氣，而且沒有流出燒鵝油。清蒸花鷹，師傅控制火喉剛剛好，9成熟，不會太老。而且熱騰騰，令人心動!排骨臘腸煲仔飯 等了很久，要一催再催，可以依人數order，三人起計。排骨臘腸好味~煲仔飯種類繁多，令我意想不到!有鴨，窩蛋牛肉飯等10項，有誠意!糖水---紫米露，紫米有口感，椰汁香濃，不是太甜的。雖然沒有糖水專門店的足料，但以酒樓飯後糖水來說，水準良好!
繼續閱讀
來到銅鑼灣搵食, 好多時似隻盲頭烏蠅咁, 因為選擇太多而自己在這裡開餐又甚少, 除了這裡的”老麥”又或者”漢堡皇帝”, 實在少得連自己都唔信, 今次約少女A飲茶也諗到無乜頭緒之下, 諗到差不多超過十年前來過的這間東湖海鮮酒家, 當年只係食過晚飯, 今次約正餐 - 午餐時間12:30雖然這裡有下午茶時間, 但我們都係揀番正餐, 一入到去感覺同以前(十多年前)好似無乜變過, 我們被安排到另一邊的一個房內, 原木色的牆身,茶芥每位8蚊, 大$24.8/中$20.5/小$13.5/特$26.8/頂$31/廚$33/ 味$33見有定點数是否表示貨真價實, 童叟無欺? 大酒樓的標準? 無論怎樣, 食咗至算,點心給人的感覺係好一般 (以現在的標準來說):-蝦餃餡料有蝦有筍豬肉不多, 算是合格香蔥煎簿撐, 看得出落香蔥唔均勻味道尚可但賣相就麻麻奶黃飽唔太甜, 飽質地亦普通腸粉皮厚餡少犯一般毛病鳳爪蒸至剛剛好沒有太淋身, 底的汁液沒有太漿糊, 花生亦入味蒸鯪魚球, 呢個最最唔掂, 一入口感覺到陳皮味令個味道見苦, 都係頭一趟有d咁嘅口味, 鯪魚我懷疑都無乜, 反而那強而有力的彈牙口感應該是鮫魚肉的功力, 拋佢落枱面應該可以彈兩三下, 我同太座實在唔識欣賞! 太座重話第一啖咬下去時差點想吐出來新鮮出來的义燒餐飽, 細細個剛剛出爐好好味,XO醬炒腸粉就算多銀芽, 炒得唔算太油, 調味亦OK,豬腳仔係少女A的至愛之一, 後尾我們在取炒腸粉那張熟食枱見到一碟於是乎攞番去大家品嚐一下, 一隻腳仔一開二有大細邊, 醃的入味似乎未夠, 爽脆的口感是有的, 但味道並不怎樣特出!這裡做熟食的枱面都算幾大, 以依家的酒樓來講算是有很多品種的了, 但奇怪的是竟然沒有煎釀三寶喎,
繼續閱讀
nov 17, 12.............10大2小來食小b嘅100日宴............叫咗 :1) 叉燒-呢個喺小朋友喜歡嘅食物,因為個全包宴無,所以另外散叫1碟-甜蜜肉鬆,都算不俗2) 超凡魚翅石斑全包宴 (hk$2,088/ 12位)-為慶祝小b嘅100日生日,所以叫來1個全包宴,都幾抵食i) 上湯焗大蝦球伊麵底-賣相唔好,太多湯了-伊麵當然唔咬口啦-幸好d蝦球大隻,亦有些少鮮味-而翠玉瓜就可以增+整碟菜嘅爽口度ii) 鴻運乳豬全體-個皮又燒得幾脆喎-肉都嫩iii) 彩芹妙醬鴛鴦蚌-+咗辣椒,都小辣,故然惹味-蚌爽脆iv) 紅燒海味魚肚翅-當然唔好expect有咩翅可言啦-味道正常,幸好唔會好"杰"身,否則會好似飲緊豆粉糊咁v) 礦泉水浸時令菜-菠菜都清甜,軟滑身-每條幼小,唔喺老菠菜vi) 東湖1品脆皮雞-呢隻雞嘅黃油脂肪稍為多咗少少,但可接受-雞皮帶點脆-肉嫩滑vii) 清蒸台灣大青斑-呢個深得友人們讚賞-佢唔細條,但裡外都滑,很難得,所以估計應喺浸/淋熟,而非蒸熟-大條多肉,肉質有彈性viii) 蝦籽柚皮扣鵝掌-個柚皮喺我食到最差,啤水唔夠,入口很濕,最慘喺d水全喺"劫"味,我即刻吐都吐唔切呀-攪到我都無興趣食佢嘅鵝掌.............友人話佢嘅鵝掌炆得唔夠腍ix) 潮式糯米卷-入口都幾鬆軟-糯米部份略帶甜意-都唔錯x) 甜意蜜綿綿-即喺糖水,當時有紅豆沙同麥米粥-不過友人話d紅豆沙勁甜-我食麥米粥,甜度又很低咋喎xi) 環球時果盤xii) 汽水/啤酒-包咗12罐,飲唔晒,可以帶走 3) 白飯-我哋叫咗幾個白飯
繼續閱讀
從升降機內踏出, 有股喜悅在心頭, 環境、職員等等周遭設施基本上是沒有改變 剛好, 被編到的檯亦是位於充滿回憶的偏廰, 難到是好兆頭的徵兆坐下, 叫了壺茶味不錯, 喝後心曠神怡的龍井, 隨後, 點了幾款當時盛讚的點心, 心中盤旋著「點心還會是依舊的美味嗎?」無聊時, 讀讀餐牌： 「噢, 大中小點已不再是均一價錢」大點: $15.80 中點: $12.80 小點: $8.80一系列炸食物率先送到, 最喜出望外就是炸食物都是熱辣辣的 (可遇不可求) 食物用料質數並沒有退步, 蝦膠、墨魚肉膠打得Q彈、右下的海鮮沙律卷是件件都用不相同的餡料: 蝦、蟹柳、火腿, 什果沙律餡都沒有把炸皮弄濕今次的蝦餃皮可厚呢 幸好蝦球內餡鮮甜彈牙, 還有荀粒叉燒包是依舊的鬆軟, 蜜汁叉燒粒粒半肥瘦, 叉燒汁「爆」!雞絲腸粉蒸到失手, 中間未熟還有粉漿, 幸好經理話幫我取消它 (其實腸粉其他部分都唔差, 腸身軟綿唔似硬膠, 米味亦濃)鴛鴦燒賣是在彈牙豬肉蝦膠球上, 分別蓋上有菇味重兼實肉的花菇 及 大件雞球。牛肉球並非腍糍糍那款, 有咬囗兼無加麵糊, 吃不到梳打粉味是一讚, 牛肉球本身帶陳皮清香是二讚燒賣包含肥瘦豬肉與蝦膠, 冬菇味濃, 外皮滑滑, 最正就是有嚼勁鮮竹卷的腐皮嗦滿蠔油汁(但都唔會腍糊糊), 豬肉餡夾雜野菜, 一點也不油膩。蜜汁叉燒餐包是依舊的輕飄飄, 叉燒餡的好味是不容多說, 餐包雖輕但麵糰細緻, 鬆軟而不起渣吃著吃著, 越見感觸, 人越老, 越愛懷緬「嚿屎」(我可曾是潮流先鋒呢~)
繼續閱讀