41
15
2
港鐵尖東站 J 出口, 步行約3分鐘
繼續閱讀
開飯介紹
「甜蜜蜜新生咖啡店」是香港首間鄧麗君主題咖啡店,以售賣健康飲食為主。咖啡店之店舖設計以鄧麗君小姐之照片及風格為主要特色。
繼續閱讀
營業時間
星期一至日
11:30 - 21:30
以上資料只供參考, 請與餐廳確認詳情
相關文章
要出尖沙咀整少少嘢,咁就晌尖東站附近間甜蜜蜜新生咖啡店食吓嘢先。其實都嚟過幾次,今次叫咗個有公司三文治同咖啡嘅下午茶餐,個三文治入面有蛋、番茄、青瓜、生菜、煙肉,麥方麵包就烘底嘅,有啲偏硬,但餡料就幾多幾豐富嘅。當時食客唔多,靜靜哋坐吓抖吓都OK。呢度仲不停咁播住鄧麗君嘅歌,仲有好多有關佢嘅精品擺設,佢嘅歌迷應該都會幾鍾意呢度。
繼續閱讀
今晚我們去咗爸爸最喜歡嘅鄧麗君小姐喺尖沙咀嘅主題餐廳「甜蜜蜜新生咖啡店」食晚飯!一入到店內見到佈滿晒鄧麗君小姐嘅照片,另外仲有個投影電視不斷播放住鄧麗君小姐嘅演唱會!我們不斷喺店內影相留念,之後我們就叫咗咖哩素肉蛋包飯、黑椒牛肉三文治、芝士素火腿飛碟、杞子菊花有機蜜糖、有機無糖豆漿同洛神花!咖哩素肉蛋包飯嘅咖哩汁好濃郁,素肉嘅肉質都幾爽滑彈牙,而且份量都幾多!黑椒牛肉三文治嘅黑椒香味令到牛肉嘅肉味更加濃郁,蕃茄同生菜青瓜亦好新鮮,夾埋一齊嚟食嘅味道好清新!芝士素火腿飛碟嘅表面烘得都幾香脆,半溶嘅芝士夾埋素火腿一齊嚟食都幾惹味!杞子菊花有機蜜糖嘅味道好清甜芳香!
繼續閱讀
行街中發現嘅甜品店,睇到很多人等位,而且似乎都系香港本地後生,估想一定系唔錯嘅就拿號排隊了。呢家店面唔大,但環境喺香港肯定算很唔錯嘅了。 菜單也很正式,我和朋友點了很多芒果類嘅甜品和綿綿冰,都很美味。還要了朱古力心太軟配雲呢拿雪糕,要等10-15分鍾。端上嚟嘅心太軟熱乎有型,一勺挖下去朱古力漿嘩嘩嘅流,簡直太有賣相了,旁邊搭配着雲呢拿雪糕,一啖心太軟一啖雪糕,冰火兩重天嘅滋味太爽了!後尾知心太軟系文藝叫法,普通叫法系熔岩朱古力蛋糕,挺貼切嘅,真嘅就系像火山噴發一樣,味道也系出乎意料。菜單上其他產品也都很誘人嘅樣,還冇被游客全面侵占,中意嘅朋友抓緊去啊。
繼續閱讀
雖然唔喺經常幫襯社企,但都衷心支持佢哋,尤其依家做飲食本身都唔容易,個人覺得,就算作為社企都唔可以單以做慈善嘅心態去營運,所以,見好多社企搞嘅餐廳都好低調,當然晌營運上唔喺一個好策略,就好似依個晏晝嚟到嘅甜蜜蜜生活咖啡店,其實,都開咗好多年,仲要打着紀念鄧麗君嘅旗號,但好多人都唔知有佢個存在。唔一定要求賺好多,至少要有盈利先可以長期維持。小弟唔喺咩君迷,但都好尊敬依位藝人,當然,如果你喺君迷,牆上有好多佢晌唔同年代嘅照片,另一邊又有佢嘅往史、唱片、書籍、紀念品,靠窗嘅大銀幕更不停播放佢嘅音樂片段,唱出不少名曲,都好讓人緬懷 。唔知喺咪社企關係,整間店嘅枱椅安排都唔似一般商業咁用到盡啲地方,感覺顯得闊落 。散點餐牌以外,更有午餐、下午茶餐、晚餐供應。而下午茶餐有8款選擇,定價$35-$48,包一杯即磨咖啡或$20以下飲品。晌出面櫃位點餐、俾錢,再拎個號碼牌返埋位,到時就有店員送餐上嚟。 雜菌湯有機意粉 $35 老婆食素,故揀依一個意粉,奶白色嘅湯其實喺忌廉湯,不過奶味偏重,而意粉份量頗多,質感無過腍,配上菇菌及翠玉瓜,但整體有少少街坊茶記嘅水平,唔好太大期望。 茄蓉煙鴨胸飛碟 $35 一客有兩件飛碟,作為下午茶都算足夠。其實,飛碟搵機整,都無乜難度可言,但勝在唔少料,而且,落咗幾多茄蓉,酸香醒胃。 低糖有機豆漿 老婆一向講求健康,既揀豆漿,仲要低糖。要得低糖,就預喺淡口啲,然而,豆味亦唔算強,所以,唔啱我,好淡味。 即磨咖啡 本身散叫杯即磨咖啡要$25杯,依家心理上加多$10就有多樣嘢食,感覺好划算咁,哈哈!咖啡自行加糖加奶,細心位啲奶喺熱嘅,亦睇到佢哋都有用心。而且,砂糖用採用公平貿易嘅產品,讚!講咗咁耐,咪淨喺想住佢喺鄧麗君主題餐廳,而佢作為一間社企,目的喺幫助精神病康復者重建新生,有機會都不妨支持吓 。出門口時,仲見佢哋搞埋咖啡拉花班,又有得包場,而且,睇落場費唔高,算喺為餐廳增值 。雖然,以鄧麗君作為餐廳嘅主題喺其賣點,不過,始終唔喺好多人喺佢嘅粉絲,嚟幫襯嘅人都只喺當佢喺間普通嘅咖啡茶室,故還原基本,都喺要做好啲食物先夠長遠。
繼續閱讀
知道這裡是社會企業開的歺廳,熱食跟餅一樣有水準可以hea下有wifi,今日再來就見有職員正在擺放極具聖誕氣氛的餅,樹頭蛋糕及綠色的聖誕樹, 真係好靚呀!睇牌分別係黑森林樹頭蛋糕同綠茶紅豆忌廉。再睇又發現新餅,桂花蜜糖慕絲,綠茶吉士紅豆,紫薯慕絲同法式咖啡杏仁餅連伯爵茶都有,造型都唔同哂,好有新鮮感。我就忍唔住試左聖誕樹同桂花蜜糖. 職員介紹話全部係少甜配方,蛋糕冇任何添加,紅豆自己煮(!?)貫徹小企一向精神!正如店員講,少甜好岩我口味,我食到蛋糕層内雞蛋香味。綠茶聖誕樹好靚,入面好足料紅豆餡好高。結果當然係食唔哂。但心滿意足有驚喜。下次要試咖啡,我見佢用dacquoise. 我只係比較高級既餅店見過,究竟係乜呢?
繼續閱讀