影片
招牌菜
如果不是有同事介紹，我是不會知道香港居然有個叫‘紅磚屋’的跳蚤市場，更不會得知這裡在平日的晚上，會變身為極具特色的私房菜餐廳。我們拿著同事的簡陋手繪地圖左轉右轉，再倚靠著一路上指示不太清楚的路標，加上放工得很遲天色已全黑，好不容易掙扎良久才到達目的地。泊好車後四處走走，周圍都是黑漆漆的，十分神秘。老闆很懂得善用地方，客人被安排坐在跳蚤市場的每個角落，包括店舖走廊的中間；而四周就隨便擺放了漂亮的古董和裝飾品，也不怕我們順手牽羊。開放式廚房，大廚正在忙碌中…我們被安排坐在中式古董傢俬店內，店內環境古式古香，但餐具的設計卻很現代新穎，感覺有點格格不入。等了好一會，‘海鮮湯’首先送上；湯水呈奶白色，不過味道很淡，嚐不到任何海鮮的味道。隨後上的是冷盤‘涼拌花膠青瓜’，這個很好味道，花膠和青瓜都醃得入味又爽脆，加上大家很肚餓，眨下眼便被搶吃一空。‘正宗客家豆腐’，是全晚我最喜愛的菜式；豆腐外皮炸成金黃色，薄薄一層很酥脆，而內裡的豆腐卻仍保持嫩滑的口感；中間的釀豬肉，因為加入了咸魚的咸香味，令整塊炸豆腐生色不少。‘酥炸生蠔’，生蠔大大隻很鮮甜，好味。‘酥炸魷魚’，我很欣賞這裡的炸物，炸粉層適中又夠鬆爽。‘糯米大鴨’，是這兒必食的名菜，負責招呼我們的阿姐一邊把大鴨切開，一邊陣陣米鴨的香氣立刻撲鼻而來；鴨內釀入了大量的糯米，栗子和蛋黃，切好後滿滿的一大碟，各種食材的濃郁味道混和在一起，實在好味到不得了。‘冬瓜炆桂魚’，也是一道美味的菜式，桂魚塊先炸過，再和冬瓜一起炆煮；師傅的火侯控制剛剛好，魚肉僅僅熟透，但仍然呈現淡淡的粉紅色，不但令肉質滑溜溜，味道亦鮮嫩非常，和冬瓜的清甜味也十分之配合。不過我們另一圍的同事，他們的桂魚塊太大件了，結果內層不夠熟，拿回廚房翻煮過後已失去了嫩滑的口感，真是可惜。‘蒜蓉白菜仔’，蒜蓉炒得不夠香，白菜仔也夾雜著一些砂粒。‘香草蜜糖蝦’，蝦size很大隻，但不太鮮甜，而且香草蜜糖醬汁的甜味有點怪。最後的甜品‘紅棗糕’，剛蒸好便熱騰騰地上桌，帶陣陣香濃的紅棗香氣，味道不算太甜，質感又軟綿綿，很美味。整體上食物的質素不錯，但一個小小的廚房幾個員工，要招呼四，五圍檯的客人實在不太足夠，出菜出得太慢了，結果這頓飯足足食了三個多小時，還好明天不用上班；而且我們被安排坐圓膠櫈不是很舒服，坐了幾個鐘後屁股都開始酸痛。幸好一班同事很懂得搞氣氛，大家一邊剥花生，一邊說說笑笑，便過了一個愉快又熱鬧的晚上。
繼續閱讀
朋友生日, 一行14日到私房菜食開餐前, 問極都唔知有什麼食, 師傅唔講, sa姐都唔講..去到睇,, 原來食野的地方就係 shopping 的地方.. 感覺怪怪...一開始, 湯, 什麼靈芝什麼水魚湯, 黑炆炆,,不過入口很清甜!!涼拌花膠青瓜 : 花膠有腥味. 都ok, 青瓜很好食 酥炸生蠔 : 美國蠔. 粉幾好蝦: 不過不失八寶鴨 : 樣就好靚, 唔知是否我地人多, 糯米很多, 有些糯米沒有汁, (有汁的就好味) 南乳咸菜蝴蝶腩 : 好食蝦子豆腐 : 味道係比較適中津白包魚 : 津白就ok 不過個魚就咸到死左紅棗糕: 不太甜,有紅棗香, 不過太硬...總結是, 食物都ok 啦, 不過唔夠飽, 我地已經仲有生日蛋糕架啦....
繼續閱讀
一行數人六時多到達店舖，已很餓。但他們表示七時半才可以食。為著一嘗吳師父的手勢，我們當然願意等候。七時多正式入座，先有淡淡的鐵觀音招待。第一個前菜為冷盤花膠，爽口第二個湯為杏汁豬肺湯，每人有2碗左右。第三個餸是糯米鴨，是整餐最滿意的一環～第四是咸菜蝴蝶腩，一如先前食評所料，咸得要命，比街外的羊腩煲細份很多...但由於實在太咸，份量不夠也是好。之後的菜色實在每況愈下........第五有香草蜜糖蝦，味道很淡，尤其與之前的餸菜相比，吃不出是甚麼味道。第六是豆腐斑腩與第七是蝦子津白 （這是我們唯一沒有預先要求吃甚麼的餸）我們何解要花每人二百元吃這兩味餸，不划算 至最後實在失望最後有紅棗糕做甜品另外，不喝酒的我們沒有得到很好的招待別人每個餸也會問候一聲，吃蝦後有水洗手，有果盤，但我們只因沒有叫酒就欠奉。私房菜的特色不是可以多交流嗎？實在有別於以前幫襯私房菜的經驗。
繼續閱讀
四個多月後的今天，我們再重臨紅廚，品嚐吳永哠帥傅的私房菜。今次試貴一級的菜式 $300位，看看有何分別。唔知係咪是晚太忙，據說比平日再多兩圍，我們要坐得頗迫, 菜式更隨時轉換，發覺上次的二百元跟今次的三百元一位的菜式相若。今次蠔大隻左, 有龍蝦及羊架，上次是蜜糖蝦及客家雞，但原本菜單上的帶子、海班及豬肺湯就唔見左？！並無驚喜之餘，有彈有讚!冰鎮花膠 - 花膠幾爽, 青瓜好好味,唔知係咪醬汁?蒜茸龍蝦加公仔麵底 - 龍蝦好味，但不明白為何用公仔麵而非伊麵底，個汁幾香但麵太鹹 紅菇姬松茸茶樹茹煲水鴨湯 - 好好味, 飲了幾碗，滋陰嗎！客家豆腐 - 可以鹹菜蝴蝶腩 - 話係豬肺前的肉,炆得幾入味! 糯米大鴨 - 最欣賞呢味,香而不油, 裡面有栗子，蛋黃，糯米及鴨肉. 魚湯煮馬有 - 馬有很滑炒桂花素翅 - 炒得幾乾酥炸生蠔 - 差不多有手掌般大，吃一隻已經飽哂！煮羊架 - 唔知係咪汁煮? 不合我們口味，一致認為羊架還是煎或燒的好味，解值浪費了。蝦子津白 - 未曾想過的配搭，味道可以，以後在家亦可嘗試。紅棗糕 - 濃郁紅棗味，優點在不太甜，真材實料，獨家製造，未曾見過別家有賣，可能是比較難做。想外賣的話，必需預訂，＄３８底。來個總結，這餐尚算抵食，份量十足，味道唔錯，但要走到元朗才可品嚐就見人見志，多付＄１００似乎只為龍蝦，原來菜單並無比菜，近日酒家多賣澳洲貨，成＄４０幾蚊斤，太貴了，今次很高興有得食。介紹朋友的話，還是選＄２００位就可以，因為菜式會隨時轉換。
繼續閱讀
LEE 間舖好唔得!!!!: huffy:今年團年飯屋企想特別D, 去食私房菜, 點知真係好特別, 特別耐, 同特別難食!我知食私房菜係耐, 不過唔係咁LOH, 由8點食到11點, 重要每次食完等一道菜,都要15-20分鐘先有下一道, 我見佢廚房得一個人LOH 又要SERVE 6張枱, 做唔切就唔好SERVE 咁多枱啦!要人等, 就俾人坐d 好d 既坐位, 我d屋企人坐到腰痛, 重邊有心機食呀! 但最慘就係...........d野真係唔係好食ma!佢地d衛生真係唔得,一來到就見到隻杯重有唇印,好唔清潔loh.....等左１５分鐘，出左個湯，個湯都ｏｋ好飲既，之後又等左１０分鐘，出冷盤花膠, D花膠一D味道都冇, 係青瓜好食d, 食完之後又等左２０分鐘，就出八寶鴨, 已經係全晚最好食個道菜, 但係３道菜就已經食左１個鐘，每次食就食左５分鐘，等就等左好耐。見食左咁耐，都重好肚餓，咪想叫個飯ｌｏｈ，點知佢話，ＬＥＥ道冇白飯又冇炒飯，佢話要出去幫我地買!!!!!!! 唔係ｍａ! 我都係第一次聽到餐廳冇飯食！！佢地既蜜糖蝦，真係一ｄ特別都冇，蝦係好大隻，不過唔鮮甜.....流浮山既好食太多啦!炸釀豆腐，入面有咸魚加魚肉，但係有骨，而且外面個豆腐都冇味，只係靠個咸魚，好一般！我地訂左琵琶蟹, 魚湯浸海魚, 蝴蝶腩 都冇來,冇得食就講聲啦!來晒D奇怪既菜........d野唔係個個人都食,山瑞, 酸蘿蔔門蟮魚春....係就係少d地方有得食....但係, 唔係咁就係衿貴同好食loh!d山瑞又冇肉又細隻, .............門蟮魚春鹹到食唔到, 同d酸蘿蔔都唔arm味, 好似係因為冇魚求其俾d野咁...講真唔係樣樣都match!紅棗糕d人講到好好食....但係我一d都唔覺, 黏口到不得了, 好癡牙，同大榮華完全冇得比！佢重sell我地加$80 買一個生果盤, d生果重少過唱k個d, 真係冇野講! (大家千其唔好俾佢昆)食左200幾蚊一個人, 食完都唔飽, 唔知食左D乜,返屋企重要食搵野食, 好晒氣!總結:俾錢都唔會再來!
繼續閱讀